عايز اشترى عربية فى حدود 115 وممكن يزيدو شوية لغاية 120
الحيرة بين نيو سيراتو و نيو النترا ولانسر
الالنترا سمعت انها بتهبط ومش عائلية
النيو سيراتو سمعت ان قطع غيارها نار واللنسر نفس الكلام
يلا بقى يارجالة المنتدى ساعدونى
عرض للطباعة
عايز اشترى عربية فى حدود 115 وممكن يزيدو شوية لغاية 120
الحيرة بين نيو سيراتو و نيو النترا ولانسر
الالنترا سمعت انها بتهبط ومش عائلية
النيو سيراتو سمعت ان قطع غيارها نار واللنسر نفس الكلام
يلا بقى يارجالة المنتدى ساعدونى
اللنسر قطع غيلرها غالية جديدة دى دى قطع غيارها بالهبل فى السوق وفى منها تايوانى ويابانى اللى انت عايزه بالنسبة لقطع غيار السيراتو هتلاقيها طبيعى غالية لأنها لسة مكملتش سنة فى السوق مش بس السيراتو دى كل العربيات اللى نازلة جديد
سيراتو أفضلهم
افضل ميتسوبيشى لانسر
اتكل على الله و هات نيوووو سيراتو سيارة ممتازة بجد و ربنا يوفقك فى اختيارك
والله يا باشا تعالى وحط همك على همي انا محتار نفس الحيرة واعصابي باظت
شكرا لكل من ساهم فى الرد
وربنا يوفقنا للى فية الخير
بص يا باشا
اللانسر عربية حلوة و كل حاجة بس منتشرة انتشار فظيع " هو ميزة و عيب " و عربية التكنولجيا فيها قديمة من 2003
و كمان الشكل دة خلاص اخر سنة ليه يعني هتبقي راكب عربية موديل قديم
الالنترا موتو جبار و بتاع جري بس كماليات و وسائل امان 0 عشان تاخدهم لازم تاخد اعلي فئة و كمان abs بس و كمان الشكل برضة هيتغير قريبو كفاية انها تبع غبووووور يعني القرف كلة
انا ارشحلك السيراتو
عربية تحفة موتور جبار 124 حصان النسخة المطورة من موتور الالنترا
شكل خرافي و نقلة في عالم التصميمات
ثبات حدث و لا حرج بفضل الجنط ال 17
كماليات بالعبيط
كفاية انها العربية الوحيدة الي بتنزل بنفس الكماليات الي بتنزل في اوربا
و وكيل كويس جدااااا
وشكل مش هيتغير قبل 5 سنين
نيو سيراتو قوة وثبات وشكل جديد وعوامل امان وكماليات وتقفيل كويس جدا
انا بدأت اتفق مع الرأي ده
ارشحلك السيراتو اولا واذا مكنش يبقى الالنترا طبعا.
متشكر جدا يا جماعة على التفاعل الجميل دة مع الموضوع
وربنا يكرمنا بالى فية الخير
تاب انا عارف انو سوءال رخم شويا بس ليه مش الهوندا سيتي الجديدا انا ماعاك ناها مش فل كمليات كتيرا بس فياه الهاجات المهاما و بنسبا ل كتاع الغيار هسا غاليا شويا بس بتعيش و مافيش حاد ركبها غير لما شاكر فيها اوي و بسراها انا ارشاهالك اكتر من السيراتو بس لو بداور علي الكمليات تبءا السيراتو
الهوندا جميلة وكل حاجه بس اولا الدفعة الجاية هتيجي في شهر يناير ... غير كده قطع غيارها غالية بجد ...والموزعين رفعو السعر 4000 جنيه استغلال ان مفيش في التوكيل لانه خلص الاستوك اللي عنده
نيو سيراتو
السيراتو و ريح دماغك
تقصد يا بشمهندس مصطفى مش عايز يخرج شغل الكهربا بره الضمان
هو بيني وبينك كلامه صح ... بنسبة كبيرة التوكيل بيحافظ ... لانه اكتر مكان فيه المعدات والادوات اللي تحافظ على العربية