الموضوع: مصريون يعيشون فى الكيان الصهيونى

انا حارد برد عملى جدا

نفرض ان اى واحد فينا ذهب هناك واشتغل او اتجوز او اتجنس بالجنسيه بتاعتهم

تخيل ايه ممكن يكون احساسك لو ان اسرائيل هاجمت مصر ودخلت اراضيها لا قدر الله واحتلت منها جزا كان بالصدفه فيه بيت عائلتك
ويقوم اليهود بهتك عرض امك واختك وضربهم وسحلهم واغتصاب املاكهم وقتل ابوك و اخوك ؟

لو فكرت ان الموقف حيصل لك شوف ممكن تجاوب ازاى على السؤال المطروح للمناقشه

واتمنى من الله العلى القدير ان لا ياتى اليوم الذى يستطيع يهودى محتل ان يضع قدمه على شبر من ارض مصر الحبيه بل على العكس فان الله غالب على امره وان شاء الرحمن سياتى اليوم الذى يحرر المسلمون فيه المسجد الاقصى كما وعدنا الله ورسوله ان وعد الله حق

وارجو الا يكون هناك من يغضب من كلامى.

على العكس أنا سعيد بكلام حضرتك جدا وبأتفق معاه

كلامك فكرني بتحقيق قريته من أربع أو خمس سنين عن أن وزير خارجية مصر ممكن يبقى إسرائيلي؛ على أساس من تزايد ظاهرة زواج الشباب المصري من إسرائيليات وحتى لو لم يتجنسوا بالجنسية الإسرائيلية فأولادهم سيحملونها بالتبعية لديانة أمهم - إذا كانت يهودية وهو حال الغالبية العظمى من سكان إسرائيل. طبعا الموضوع كان لا يخلوا من مبالغة ولكنه يمثل خطرا قائما.

لا خلاف إن المشكلة مشكلة شعب زي ما هي مشكلة حكومة؛ واللي فينا شاف فيلم زمن حاتم زهران هيفهم قصدي. يعني دايما الفئة اللي مش فارق معاها التعامل مع العدو - أيا كان تعريفه أو صفته - موجودة حتى في أحرج اللحظات - وأنا هنا لست بصدد إتهام أو تخوين أحد. بس للأسف المنحنى يتخذ طريقا صاعدا لإنفراط عقد منظومة القيم في المجتمع - وخصوصا في العملية التعليمية.

السؤال عندي خارج نطاق النقاش
و ابسط من ابداء أسباب

اشكركم جميعا على هذه المناقشة الجميلة التى نستفيد منها جميعا...

المشاركة الأصلية كتبت بواسطة Ahmed Samy

السؤال عندي خارج نطاق النقاش
و ابسط من ابداء أسباب

يا سيد احمد الموضوع مش بسيط ابدا ابدا ابدا, لان فى ناس فعلا بتفكر والقى نظرة على الاتسفتاء وانت هتعرف, طيب لازم نعرف الناس دى بتفكر انها تهاجر اسرائيل ليه ؟؟؟؟

يعنى اسرائيل دولة عندها تضخم و يضطهدوا العرب وخاصة المسلمين ويهود وما ادراك ما اليهود , طيب يبقى ايه الى يخلينى اروحلهم برجليا, اكيد فى سبب هنا مخليهم يفكروا فى دة, مش يمكن لو عرفنا السبب نقدر نعالجه ؟؟؟

الرد طبعا هيكون لأ وألف لأ .
أنا شخصيا عايش فى شرم الشيخ بقالى 7 سنين (يعنى من ساعة ما إتخرجت من الجامعه),وياما إتعاملت مع يهود سواء هنا فى شرم او فى دهب ...... لكن عمرى ما فكرت أروح لهم فلسطين المحتله أبدا
أيوه إسمها فلسطين ...تطلع إيه إسرائيل دى :مش أكتر من مجرد شويه يهود سياسيين جدابيعرفوا إزاى يستولوا على حق غيرهم وكمان يقنعوا العالم إنه ده حقهم.