كل سنة وانتم طيبين وكل سنة وانت طيب يا د أحمد والله ينور دائما مقنع و حاسم و محايد جدا فى ارائك بارك الله فيك
عرض للطباعة
كل سنة وانتم طيبين وكل سنة وانت طيب يا د أحمد والله ينور دائما مقنع و حاسم و محايد جدا فى ارائك بارك الله فيك
يا دكتور احمد انت عارف اني مقتنع بالعربية اوي بس في نفس الوقت عايز اكون مرتاح وانا بشتري ... فا قلت اعمل الموضوع ده اناوغيري هنستفيد منه ... لاني خلاص بشتري ولسه محتار بينها وبين السيتي واللانسر البومة ...والراي الراجح عندي هو النيو سيراتو
السخونة دى زى ما دكتور احمد قال دى مش ولعة يعنى دى مجرد دافئة بس مش سخنة كمان و ملهاش اى تأثير خالص انا رجعت من الساحل و كنت ساند ايدى على الكونسيل و مكنتش مسببالى اى مشكلة خالص ولا حاسس باى حاجه و كنت مولع التكيف
العيب بتاع الثبات بقى : مين الى قال ان السيراتو مفهاش ثبات امال الجنط ال17 ده متركب منظر ولا ايه و بعدين كل الناس الى شفت تقيمها على العربية بيشكروا جدا فى الثبات و ماشاء الله العربية اخدت بيها ملفات و الحمد لله هى بتتكلم عن نفسها جربوا العربية و بعدين احكموا عليها
جوده الخامات عادية ولا هى عالية ولا هى فقيرة زى اى عربية فى الفئة دى و السعر ده
طيب نقدر نوصل كده بعد الردود دي ان احسن سيارتين في الفئة دي هما الكيا السيراتو والهوندا السيتي ... ماشي .. كده العملية قربت اوي ... يا دكتور احمد لما انزل المنصورة هقولك عشان بصراحة بعد كلامي معاك يشرفني اقابل شخص محترم زي حضرتك
انا معايا العربية الحمد لله العربية فوق مكنت متصورها فى كل حاجة سحب ممتاز خامات معقولة جدا و صاج ناشف وشكل جميل كل حاجة تمام موضوع السخونة دة مش سخونة انا مخدتش بالى منه غير لما قريت الكلام هنا غير كدة مكنتش هاخد بالى قعد احط ايدي علشان اخد بالى منه دة عامل زى ميكون واحد صاحبك دافى وبتحط ايدك على راسة وبحط الموبيل والحاجة عادى بالنسبة لموضوع الثبات الثبات فوق الممتاز الملحوظة الوحيدة الى اول مجبت العربية اول 4 الاف كيلوا كانت العفشة ناشفة شوية لكن دلوقتى نعمت جدا بقت ممتازة خصوصا لما عملت الضغط بتاع الكاوتش على 28 ونيتروجين
العيب الخطير للسيراتو واحذر كل الناس من شراء هذة السيارة بسبب هذا العيب الخطير وهو ياجماعة انك بتفضل قاعد فى هذة العروسة تتامل جمال اضائة التابلوة والكاسيت بالكنصول وتمشى بيها بدون صوت ثم تفتح الكاسيت وخلى الباس على الهاى وضع الفلاشة بها جميع الاغانى الى انت عايزها واختار ام كلثوم وتمش بالعروسة بنعومة وسلاسة منقطعه النظير وهذ العيب الخطير يجعلك تتاخر فى النوم وتفكر انك تنام فى العروسة يالة من عيب خفو عننا بقى بعيوب السيراتو مالقوش عيب فى الورد قالو احمر الخدين والسلام
اقتباس:
العيب الخطير للسيراتو واحذر كل الناس من شراء هذة السيارة بسبب هذا العيب الخطير وهو ياجماعة انك بتفضل قاعد فى هذة العروسة تتامل جمال اضائة التابلوة والكاسيت بالكنصول وتمشى بيها بدون صوت ثم تفتح الكاسيت وخلى الباس على الهاى وضع الفلاشة بها جميع الاغانى الى انت عايزها واختار ام كلثوم وتمش بالعروسة بنعومة وسلاسة منقطعه النظير وهذ العيب الخطير يجعلك تتاخر فى النوم وتفكر انك تنام فى العروسة يالة من عيب خفو عننا بقى بعيوب السيراتو مالقوش عيب فى الورد قالو احمر الخدين والسلام
10000000000000000++++++
رمضان كريم
انا اللي اتشرف و الله
في انتظارك في أقرب وقت
و أكيد هانتقابل في الفطار بتاع المنتدى
هو كلامك و الله فيه جانب من الحقيقة كبيييير جدا
لو حد شاف نقطة ممكن يعلق عليها يخليها عيب النيو سيراتو الكبير وناس تهيص
ولو واحد ما قفلش الباب كويس يبقى مصيبة النيو سيراتو وناس تهيص
ولو تالت قرا كلمتين على النت بقت جريمة النيو سيراتو و يهيص لوحده من غير ناس
مانشتات جامدة ورنانة و تصفى على مافيش
أمال لو طلع في العربية عيب كبير بجد هايقولو فيها ايه ................:11:
ربنا يستر