فقط فى مصر

**رامى خيال** · 28-10-2007 12:27 AM

سواقين ميكروباصات عايزين يطيروا من الارض ويزيحوا كل من امامهم بالعافية وواخدنها بالدراع
سواقين تاكسى لغوا تماما استخدام الاشارات واستبدلوها بالدراعات.عايز يعدى يطلعلك دراعه
والاصطباحة لازم يطلعوا راسهم من الزجاج ويبصقوا فى الشوارع.
ماهذه السلوكيات البذيئة؟ لماذا تنفرد مصر بهذا القرف؟ هل نحن الوحيدون فى العالم المتخلفون؟

**Falcon** · 28-10-2007 12:49 AM

ماهذه السلوكيات البذيئة؟ لماذا تنفرد مصر بهذا القرف؟
وإيه الجديد في كده؟؟
مصر دي بلد Chaos موش في السلوكيات المرورية بس لأ في كل حاااااااااااااااااااااااا اااجة.
وبعدين كفاية عرض مستمر للمشاكل عايزين حلول.

هل نحن الوحيدون فى العالم المتخلفون؟
نعـــــــــــــــــــــــ ــــــــــــم

**SuMo** · 28-10-2007 12:50 AM

da akid

**Dr Ahmed** · 28-10-2007 01:00 AM

ماهذه السلوكيات البذيئة؟ لماذا تنفرد مصر بهذا القرف؟ هل نحن الوحيدون فى العالم المتخلفون؟

سؤال غريب
جلد الذات غير نقد الذات غير الانتحار!!!
دا بقى انتحار!!

الحالة عندنا سيئة... طبعا سيئة وهباب كمان.. لكن مش معنى كده اننا نجيب التراب نحطه فوق رؤسنا ونقطع هدومنا ..

اللى فى البلد دا إسمه "إنفلات من النظام" أو "سيادة الفوضى" والمسئول عنه أولى الأمر، ولو كان بسبب التخلف لظل المصرى بهذه الصفات فى أى مكان يذهب إليه وهذا لا يحدث..
وأكثر ما يحب أعداءنا أن ننهزم نفسيا كما هو الحال الآن.. أن نظن أننا لا يمكن أن نرقى أو ننجح .. لأننا "متخلفين" بل "الأكثر تخلفا"... >>> أبشع الأقوال إنهزامية!!

إرفع رأسك يا أخى.. فنحن قوم أعزنا الله بالإسلام فإن إبتغينا العزة فى غيره أذلنا الله.