اسعار البطاريات الجافه ايه الوقى لانى هحتاج بطاريه والقديمه بتتباع بكام
عرض للطباعة
اسعار البطاريات الجافه ايه الوقى لانى هحتاج بطاريه والقديمه بتتباع بكام
فى انواع كتير
فى الفرتا varta تعمل فى حدود 580 القديمة ممكن تخلص على 530
وفى الكورى
endego تعمل فى حدود 350
cedelco سعودى ممتازة للاوبل 350
الكورى انواع واشكال كتير
انا لسة جايب وحدة ضمان سنتين كورى بس ممتازة بس مش فاكر النوع 400
بص انزل التوفقية رمسيس فى كذا مستورد وراء بعض وربنا معاك هذة الاسعار منذو شهر ونص
وعلى قديمة ما بين 30 الى 50 بس خلى بالك لانهم سعات يغلو فى ثمن القديمة ويديك الجديدة غلية بردة
لسة جايب واحدة فارتا جافة 70 امبير من حوالى شهر من محل فى احمد سعيد كانت حوالى 450 جنية او اكتر شوية مش فاكر بالظبط
انا لسة سائل دلوقتى و انا راجع من لاشغل, بيقولولى الفارتا الجافة 390 و ياخدوا القديمة السائلة (55 امبير) و الايسي ديلكو ب 290 تقريبا لو انا فاكر صح
ده هنا فى مدينة نصر جنب فرحات
مش عارف الأسعار رخصت و لا إيه؟؟
بسرعة لو سمحتوا علشان عايز اجيب النهاردة أو بكرة
هى الفارتا دى صناعه ايه وهى انضف نوع ولا ايه علشان انا بركن العربيه شهرين ولا ايه وياريت الاخ الفاضل الى لسه سائل النهارده يقول سائل فين علشان لو السعر كدا اجيبها من القاهره لان فى المنصوره حراميه
والجافه القديمه الى معايا بتتباع بكام لان انا سمعت ان صاحب المحل بيشتريها وبتكمل عليها وتشترى الجديده فايريت تقولوا اديهاله بكام علشان مش بحب يضحك عليا
انا جايب كلورايد بلاس ان - زى الفل و تركى و حمارة شغل
بكام ياطنانى كلورايد دى
إيه سى ديلكو جافه ممتازه وعن تجربه وسعرها تقريبا ال 70 أمبير ب 280 جنيه بالبطاريه القديمه
لما البطاريات كانت لسه شاده شويه خدتها بالقديمه ب 325 جنيه