السلام عليكم ورحمة الله وبركاته
سبق انى اقترحت على حضراتكم موضوع عمل سجل لانجازات وخدمات منتدى بروتون بمعنى ان اى حد مننا فى المنتدى استفاد مثلا من اى عرض او خدمه او تخفيض او استفسار او معلومه فنيه فياريت بس يدخل ويسجل انه استفاد من العرض الفلانى وشكرا . و شرحت الفكره بشكل مفصل فى الموضوع السابق اللى كان اسمه (سجل لانجازات منتدى بروتون على نايل موتورز) باللينك ده http://www.nilemotors.net/Nile/91301-a.html
و اسمحولى اقتبس اللى كتيته عشان اللى مقراش الموضوع وعشان تعم الفائده اكتر
----------------------------------------------------------------------
السلام عليكم ورحمة الله وبركاته
الحقيقه محدش ينكر دور منتدى بروتون بمجهود كل اعضائه فى خدمة كل من ينتمى له او حتى يمر عليه بداية من الاستفاده الفنيه من اسئله او استفسارات او طلب مساعده بالاضافه للعروض والتخفيضات سواء على العربيه او على اى حاجه لها علاقه بيها واعتقد ان المنتدى كان السبب فى تشجيع ناس كتير على شراء العربيه او حصولهم على خدمات ممتازه بعد كده .فانا فكرت طب ليه زى ما اى حد فينا كاتب لنفسه c.v بيشرح فيه شغله السابق ومزاياه وحجم وشكل العمل اللى قدر انه يعمله قبل كده طب ليه منعملش برضه موضوع خاص كل واحد يستفيد من خصم او عرض خده من خلال المنتدى يدخل ويسجل ده فى الموضوع وكل فتره نرتب الناس على حسب كل عرض واستفادتهم منه يعنى مثلا التخفيض على سعر العربيه اللى كان استاذ ايمن جايبه طبعا ناس كتير جدا استفادت منه وكان حافز لهم على شراء العربيه بعد ماعرفوا مزاياها وعيوبها من اعضاء المنتدى برضه فهل شىء صعب او كتير انه يتكرم وبس يدخل ويقول انا استفدت من عرض التخفيض على العربيه اللى فى الموضوع اللى اسمه كذا واللينك بتاعه كذا واشتريت العربيه فعلا يوم كذا وشكرا . صعبه ؟ اعتقد ان الموضوع بسيط ومش حاجه تقيله وطبعا كان فيه عروض كتير تانيه برضه اللى استفاد يدخل ويسجل بنفس الطريقه زى عرض الغطاء او الاستيكر او الفرش او اى عرض تانى وبعد كده ندخل نرتب اسماء المستفيدين من كل عرض كل على حده
طب ايه الفائده من الموضوع ده؟
1- حاجه ذوقيه بسيطه اكيد كلمة شكرا بتسعد اى حد فينا خاصة لما يكون الحاجه اللى عملها للناس الغرض منها خدمة الناس بدون اى مقابل فبالتالى كلمة شكرا على الرغم من بساطتها بس بتدى اى حد حافز انه يخدم الناس تانى وتالت
2- تسجيل مهم جدا للخدمات والانجازات اللى قام بيها اعضاء المنتدى لخدمة الناس وده شىء اكيد بيبن قوة المنتدى وتميزه فى خدمة الناس واد ايه هو مؤثر وبيضيف للناس معلومات وخدمات
3- كلما زاد الناس المنتمين بشكل فعال اكيد بيدى قوة اكبر للمنتدى وبيزيد من الخدمات والمساعدات اللى ممكن كل الناس تاخدها وبالتالى هيزيد النشاط والتنوع فى الافكار و العروض
4- زى ماقلت قبل كده هيبقى الموضوع ده زى هيستورى موثق لانجازات المنتدى فاى حد لو دخل وشاف موضوع زى ده مش محتاج يسال اى حد عننا او مدة جديتنا اكيد هيعرف ان الناس دى ما بتهزرش والانتماء ليهم مكسب لاى حد وزى ما بنقول الجواب بيبان من عنوانه ده هيكون عنوان قوى يعبر عن المنتدى بشكل واضح وصريح
تحيه واجبه لاى حد فى المنتدى ساهم براى او اضافه او دعم او عرض للناس وشكر خاص لاستاذ ايمن على مجهوده الوافر مع الجميع
سلامى للجميع
------------------------------------------------------------- وقد افردنا الموضوع السابق لابداء الاراء واى تعليقات فارجوا من سيادتكم جميعا ان تشرفونا دائما فى هذا الموضوع بعد استفادة حضراتكم باى خدمه او عرض من المنتدى لتسجيل الاستفاده وشكرا
المفضلات