الموضوع: سجل لانجازات منتدى بروتون على نايل موتورز

وانا التاني

طبعا انا لما اشتريت الجين كنت نازل استلم لانسر علشان كده انا كنت بخش في نايل موتورز في اللانسر و مدخلتش على الجين غير بعد ما اشتريت العربية


اول عرض استفادت منه في نايل موتورز هو عرض بشمهندس تامر alfa car care ودا بستفاد منه كل اسبوع تقريبا

تاني حاجة استفادتها هنا من الاستاذ kodak الي ساعدني كتير في تظبيط السوند سيستم بتاعي و بتاع صحابي و كمان اشتريت من قسم الصوتيات حبت حاجات كتير كده ( 2 بيونير - 2 كينود - 2 بازوكا )


بس وهي دي حكايتي مع nile motors



وكالعادة موضوع جامد جدا جدا جدا

المشاركة الأصلية كتبت بواسطة mohamed_3abdel3al

وانا التاني

طبعا انا لما اشتريت الجين كنت نازل استلم لانسر علشان كده انا كنت بخش في نايل موتورز في اللانسر و مدخلتش على الجين غير بعد ما اشتريت العربية

اول عرض استفادت منه في نايل موتورز هو عرض بشمهندس تامر alfa car care ودا بستفاد منه كل اسبوع تقريبا

تاني حاجة استفادتها هنا من الاستاذ kodak الي ساعدني كتير في تظبيط السوند سيستم بتاعي و بتاع صحابي و كمان اشتريت من قسم الصوتيات حبت حاجات كتير كده ( 2 بيونير - 2 كينود - 2 بازوكا )

بس وهي دي حكايتي مع nile motors

وكالعادة موضوع جامد جدا جدا جدا

محمد
عرض استفادت منه في نايل موتورز هو عرض بشمهندس تامر alfa car care ودا بستفاد منه كل اسبوع تقريبا
دى عروض عن ايه كماليات ولا ايه؟؟؟

السلام عليكم ورحمة الله وبركاته

احب برضه اسجل هنا انى فعلا استفدت كتير جدا جدا من كل الناس تقريبا على المنتدى اى معلومه او مشكله او استفسار او نصيحه كلها كانت بتضيف ليا الكتير جدا واكيد كان المنتدى له الفضل عليا فى حاجات كتير مهمه كالاتى :

1- بعد رحلة بحث وحيرة عن انسب عربيه فيها كل اللى نفسى فيه وبسعر مناسب ليا الحمد لله لما دخلت المنتدى ربنا اراد انى اعرف بروتون وعربياتها الجامده وطبعا زى ما قلت قبل كده اكتر من مره مشاركات ومواضيع استاذ توت واستاذ ايمن كان اول ما شدنى للعربيه وبعد كده لما قابلت بقية البروتوناويه على المنتدى لقيتهم كلهم ناس محترمين وما بيتاخروش عن حد يعرفوه او ما يعرفهوش

2- اكيد على الرغم من عشقى للعربيات من صغرى اللى كنت بعدت عن متابعتها لفترة طويلة لانشغالى بالدراسه والعمل ولان العربيه مكنتش لسه دخلت فى مجال اهدافى القريبه الا انى لما دخلت المنتدى كسبت كتير من المعلومات المهمه اللى فاتتنى الفتره اللى فاتت وطبعا احب اشكر كل الناس هنا اللى افادونى كتير جدا

3- ان شاء الله مستنى دعم البروتوناويه فى خلال الشهور القليله القادمه لما اشترى العربيه ان شاء الله ( ماشى يا ايمن عاوزينك تظبط لنا خصم محترم ان شاء الله )

وان شاء الله سنواليكم بكل جديد

سلامى للجميع

المشاركة الأصلية كتبت بواسطة amecath

محمد
عرض استفادت منه في نايل موتورز هو عرض بشمهندس تامر alfa car care ودا بستفاد منه كل اسبوع تقريبا
دى عروض عن ايه كماليات ولا ايه؟؟؟

بخصوص المقابلة علشان نروح عند كار كير اسماعلية
http://www.nilemotors.net/Nile/82013-a.html

الموضوع بتاع استاذ محمد عبد العال فيه كل التفاصيل

المشاركة الأصلية كتبت بواسطة ghareeb

أنا أول مرة أكتب مداخلة فى منتدى بروتون لكن عجبنى قوى الموضوع لأنه فرصة أنى أشكر كل الشباب الى هنا و خاصة أستاذ أيمن عمدة منتدى بروتون لأنى بصراحة منبهر بروح التعاون الى أنا بشوفها منه فى مساعدة كل البروتانية على فكرة أنا مش عندى عربية و انا فى مرحلة المقارنة لشراء عربية جديدة إن شاء الله أدعولى ربنا يهدينى للى فيه الخير و عايز أقول إن أكتر حاجة عجبانى فى جين الجميلة هى حب الناس هنا ليها و ده حاجة بجد محيرانى لأنى شايف إن العربية برغم كل المشاكل الى بتظهر فيها لكن صحابها بيعشقوها بشكل غريب و ده أجمد حاجة فى العربية انا بجد أستفد منكم كتير و قلبى ميال جدا جدا جدا لجين الجميلة بس بصراحة عقلى متردد شوية مش عشان بس مشاكل التقفيل و كدة لكن كمان لأنى العربية عمرها فى الشوارع لحد دلوقتى صغير و انا قلقان من الموضوع ده خاصة لأنه عقلى بيقولى إنه مدام فيه مشاكل فى التقفيل كدة فى العربية و ده حاجة بترى بالعين المجردة أمال بقى الحاجات المتقفلة الى محدش يقدر يشوفها و لا يقيسها و مش هتبان غير لما العربية تمشى فى الشوارع سنين و ده أكتر حاجة قلقانى خاصة إن ده هاتكون أول عربية هاركبها و كمان انا مش من الناس الى بتحب تبيع حاجتها فا مش متهيألى إنى هابيع بعد فترة بس عايز أقولكم إنى لما بشوف العربية ده كل يوم فى الشارع انا رقبتى بتلف مع العربية و بحس إنى لو مجبتش العربية ده هابقى مدايق قوى لما أشوفها على الطريق و انا راكب عربية تانية بس عقلى بيقولى خليكى فى حاجة أوربى أحسن حتى لو كانت أغلى شوية من جين تو .فى الاخر بجد منتدى بروتون أجمد منتدى هنا بوجودكم كلكم و بجد إنتم أهم إنجاز لمنتدى بروتون و يمكن لماركة بروتون نفسها

واحنا بنشكر حضرتك على مشاركتك وروحك الجميله دى وعلى فكره محدش بيدخل قسم بروتون وبيطلع تانى فاضى ان شاء الله البروتوناويه هيقنعوك وبرضه بدون اى تحيز هتبقى بروتونى وعلى فكره بروتون قديمه اوى مش جديده عندك الويرا ماشيه زى الفل ولو بتتكلم عن جين 2 تحديدا محدش الحمد لله اتكلم فى اكتر من العيوب الهايفه بتاعة التوكيل الحمد لله محدش اتكلم عن اى حاجه فى اساسيات العربيه من موتور او عفشه او حتى صاج بل بالعكس التوكيل دلوقتى عامل وحده خاصه لاختبار السيارات قبل البيع فاى مشكله بتبان وبتتظبط فى ساعتها او مع اول صيانه فتقريبا الكلام عن المواضيع دى قل جدا جدا وكله فى نطاق النسب الطبيعيه للخطا فمتقلقش وبلاش تقرا مواضيع المشاكل القديمه وركز مع الجديد خاصة ان فيه ناس كتير استلمت الفتره اللى فاتت ومن كلامهم واضح ان الشكوى شبه اختفت استخير ربنا وفكر وتوكل على الله فيما تختاره ومرحبا بك دائما على بروتون

سلامى للجميع

ولو بتتكلم عن جين 2 تحديدا محدش الحمد لله اتكلم فى اكتر من العيوب الهايفه بتاعة التوكيل

اسف قصدى التقفيل مش التوكيل

السلام عليكم ورحمة الله وبركاته

احب اشكر كل الناس اللى نظموا او حضروا مقابلة بروتون فى فندق امارانت فى جولف سيتى سواء من نايل موتورز او نادى جين 2 على الفيس بوك او التوكيل على المجهود المبذول فى التنظيم او الاهتمام بالحضور للمقابله

----------------------------------------

واشكر استاذ احمد صيام على مجهوده فى البحث عن المكان المناسب قبل المقابله ليكون مكان يليق بالمناسبه ويتسع للجميع واعتقد انه كان موفق لحد كبير

----------------------------------------

واشكر استاذ سامح على مجهوده فى نقل الحفله لحظه بلحظه بصوره الجميله اللى تمثل 90 % من الصور اللى مرفوعه فى السايت او الفيس بوك بجد شكرا جدا

----------------------------------------

واشكر المهندس امر على حضوره الحفله واهتمامه بالاعضاء واعتقد ان كذا مقابله زى دى اكيد هتذيب كتير من المشاكل او سوء الفهم بين التوكيل والناس فمستنيين تقارب اكتر باءذن الله

----------------------------------------

واشكر استاذ ايمن اللى بجد يا جماعه مقعدش لحظه اثناء الحفله من هنا لهنا واقف مع ده شويه وده شويه ده غير جهده الفظيع عشان يجمع اكبر قدر من الناس لانجاح الحفله و نجح والحمد لله انه يجمع اكتر من 25 عربيه بروتون من اجمالى اللى حضروا المقابله لدرجة ان المهندس امر كان متفاجىء جدا لما شاف العدد الكبير للناس اللى حضروا بعربياتهم وانا سمعته بنفسى بانه مبسوط جدا من العدد اللى مكنش متوقعه اكيد ايمن بذل مجهود رهيب جدا جدا عشان يجمع الناس ويقابلهم ونوصل للمكان بعد ما تهنا شويه ده غير اهتمامه بكل الناس اللى فى الحفله وعشان كده كان لازم نشكر ايمن الشكر ده واقول كل سنة وانت طيب بمناسبة عيد ميلادك النهارده 10-9-2009 شكرا يا ايمن

----------------------------------------

اخيرا احب اشكر استاذ هيثم على التوصيله واهتمامه وحواراته الشيقه جدا وياريت يبدا فى عمل المواضيع اللى كنا اتكلمنا عنها اللى اعتقد انها هتكون مفيده جدا لكل الناس , حقيقى انسان محترم جدا وعلى خلق وانا سعيد جدا جدا انا اتعرفت على واحد زييه وبعتبر احد اهم مكاسبى من الحفله هو تعرفى عليه شكرا يا هيثم

سلامى للجميع