ارجو المساعده انا شايف بجد ناس كتير اوى فى الجروب ده بيسعدوا انا معايا باراتى 2006 والعربية حالتها سوبر بره وجوه بس المشكله عندى رجرجة خفيفة فى العربية التوكيل نصب عليا ودفعنى دم قلبى والعيب لسه زى ماهوه ارجو المساعده فين الميكانيكى الشاطر اللى اتعامل معاه وانا مطمن
مرحبا بك فى فريق ضحايا التوكيلات.........ربنا يكون فى العون
بص يا باشا فية واحد ممتاز اسمة احمد زاهر في صقر قريش بالمعادي عند البحث الجنائى ورقمة
0102221256
انت اتعاملت معاه... انا جربت هانى عصمت اللى ورا حديقة بدر بس مش مستريح لشغله
التوكيل عملك إية ؟ غير بوجيهات و سلك بألف جنية صح؟؟؟ بص نصيحة عليك و علي رشاد في الحرفيين مهندس
فاهم جدا و شغلة جامد أوي بس المشكلة بيبدأ شغل الساعه 12 مساء بس يستاهل السهرة هترجع من عندة مبسوط
رجرجة فى الموتور وللا العربية وهيا ماشية؟؟
بالضبط غير بوجيهات واسلاك بـ 1000 جنيه انا طبعاً اتذهلت من الرقم ده حراميه حراميه وبعدين انا شايف الفنى بيقول للمهندس بعد لما جرب العربية بيقولو ان العربية الرجرجة قلت بس لسه فيها رجرجة خفيفة اوى وبعدين المهندس جه يقولى لا تمام كله تمام.... روحت منادى الفنى وقلتله المهندس بيقول ان لسه فى رجرجه قالى اه وشرحلى الموضوع بس هو مش عارف المشكله فين علشان الكمبيوتر مش مطلع مشاكل.... انا عندى رجرجه خفيفه فى العربية لو انت راكد 128 هتقول قشطة عادى لكن راكب عربية 2006 اكيد مش عادى وبعدين مع السرعات العاليه فى رجرجة خيفيفة فى الطاره ودواسه البنزين كمان.... وكمان عند اخر كل نقله يعنى عند 40 علشان تجيب التالت والـ60 علشان تجيب الرابع الدبرياج خشن مع انى غيرت ديسك واسطوانه وبليه
عليك وعلى سيد فكري راجل فاهم وخبرة اوي هو فى المهندسين ش المشروع متفرع من ش السودان - ورقم تليفونه اهه 0122792588
قولة ان من طرف فادي اللي معاه الجولف البيضاء
وانا تحت امرك فى اي خدمة
هوا كدا أشك ان ممكن يكون فى حاجه عند حضرتك فى قواعد الموتور والفتيس لو الرجرجه دى مسمعه فى جسم العربيه كلو يبقى زى ما بقل لحضرتك قواعد موتور وفتيس خلى حدا من الناس اللى الزمله قالولك عليها يكشفلك على القواعد كلها لو مكانش يبقى فى حاجه أسمها حساس الحراره الحساس دا لما بيبوظ العربيه بتعمل كدا والله أعلم بردو فى النهايهاقتباس:
المشاركة الأصلية كتبت بواسطة mikeatef
تسلم يا معلم.... يعنى اتوكل على الله واروحلو النهارده.... هو عنده كمبيوتر اعطال ولا لأ ... لو انت واثق فيه اروحلو علشان يشوف الموضوع ده
انا والدى قالى كده ممكن ده يكون قواعد الموتور... بس انا عايز اسألك هل لو فعلاً قواعد الموتور عايزه تتغير ده له تأثير على سحب العربية ولا لأ ... وبرضو فى حاله قواعد الفتيس علشان انا بحس ان العربية هى 1600 بس سحبها مش عالى بحس ان 1300 اقوى منى ولا هو الفولكس كلها كده سحبها مش جامد غير فى العالى بساقتباس:
المشاركة الأصلية كتبت بواسطة m.mostafa80
وبعدين العربية سحبها الى حد ما كويس وهى بارده اول لما احركها الصبح لكن بعد لف شوية مش بتكون بتسحب زى الصبح وبرضو الرعشة اللى فى الدواسه مش بتحصل غير لما العربية تمشى شوية
القواعد دورها كبير جدا
ليه
لو القواعد مش سليم هتعمل رجه والميكانيكيه بيسموها تزنيده فى جسم العربيه
الحاجه التانيه وظيفه القاعده أناه تثبت جسم الموتور والفتيس فى وضع ومكان معين
طب لما الموتور والفتيس دول يبقى مكانهم متغير نسبيا نتيجه تلف القواعد أيه اللى ممكن يحصل بيحصل أن بيبقى فى تأثير على ألات الجر فابالتاى بيأثر على السحب وبردو الله أعلم
بخصوص رعشه دواسه البنزين دا بيتهيئلى بتبقى البوابه الرجلاش بتاعها عايز يتظبط ولكن عايز أقولك ان رعشه الأكسلاتير دى لو انت فى وضع الثبات فدا بيتهيئالى عادى لكن لو انت ماشى يبقى دا معناه أن فى مشكله فى البوابه أنها بتفتح وتقفل لوحدها فالأكسلتير تلاقيه بيخبط فى رجلك من تحت زى ماتكون دايس على فرامل أيه بى أس
انت عارف على الغيار التانى بالذات بحس ان العربية لما بشد عليها عايزه تجرى بس مخنوقة عارف احساس ان فى برجله كده تجى لحظة تجرى وتتقل وتجرى وتتقل فى الثانيتن اللى بين التانى والتالت تحس ان العربية بتعافر علشان تجرى وبعدين على عكس كل الناس اللى بيقولو ان الفولكس سحبها قوى فى العالى احسن من الواطى انا بحس العكس ان العربية اقوى فى الواطى من العالى
وبعدين انا سامع عن 3 كويسين بس لو عايز اعرف حد جرب ويدينى خبرته هانى عصمت .... و محمد سمير ..... ورشاد ولو حد اتعامل معاهم ايه ارقام تليفونتهم اكون شاكر جداً
هو محدش اتعامل مع الـ3 ولا ايه
السلام عليكم ورحمة الله وبركاتهاقتباس:
المشاركة الأصلية كتبت بواسطة ata7daki
رقم رشاد 0114195060
وهو فعلا عنده الجهاز وان شاء الله هو الى حيحددلك المشكلة وان شاء الله يكون الحل عنده وترجع من عنده فعلا مبسوط من كل الاتجهات ماديآ ومعنويآ :B4_007::E_braces[1]:
شكرا جدا على المساعدهاقتباس:
المشاركة الأصلية كتبت بواسطة ahmed_gman
أكيد ال 1600 سحبها قوى وبعدين المشكلة دى ظهرت معاك قبل وللا بعد ما غيرت الإسطوانة؟؟
ممكن تكون الإسطوانة تعبانة أو مفوتة
بس طمننا عملت إيه!!
انا رحت عند مركز النيل اللى فى العجوزة كان مكتوب عنه فى المنتدى انه بينظف رشاشات وبص على العربية وقالى على الرعشة اللى كانت فيها اللى قبل لما ننظف ونعمل اى حاجه فول العربية بنزين من بنزينه تانية يمكن البنزين اللى عندك مخشوش واستنى يومين وشوف الرعشة ديه حيحصل فيها ايه.... انا جربت فعلاً انبارح والرعشة قلت لكن ماراحتش بس هو المهندس اللى هناك محترم اوى ومحستش انه عايز يستغلنى زى كل اللى رحت عندهم قبل كده.... هو قالى كده باللفظ لو العربية بعد البنزين كانت تمام مش عايز اشوف العربية ديه هنا عندى اما بقى لو لسه تعلى نشوف العربية على الاسكانر .... بس انا معرفش الأسكانر ده ايه حد عنده معلومات يشرحلى ويدينى خبرته... اكون شاكر
هو بيحط العربيه على جهاز بيكشف عليها لو مفيش حاجه مسجله أيرور فى الغالب ممكن يفكلك الرشاشات وينظفهملك متابع معاك ومهتم وعايز اعرف وصلت لأيه ماشى
ربنا يخليك يا باشا انا هجرب بكره وهروح يوم الاتنين لو العربية متظبطتش وهقولك ايه اللى حصل
ربنا معاك ان شاء الله ومتابع معاك بردو
سيد عبده في جسر السويس راجل فوق الوصف امام سنترال مصر الجديدة بس الناحية التانية 0123993100 الراجل ده مش بيفتي واستاذ في شغله وسعره اقل من العادي
ممكن تشرحلى مكانه بالضبط علشان لازم اروح النهارده انا بكلمه بس الموبيل غير متاح وهو ميكانيكى بس ولا عنده كهربائى وانت معاك جولف 5 وبتصلحها عنده ؟
اكيد قواعد الموتور او الفتيس