باركولي يا جماعه..انضميت للسيراتويه

**soooka86** · 25-08-2009 02:14 PM

بسم الله الرحمن الرحيم

بعد شهور من التفكير استخرت الله و توكلت عليه و اشتريت النيو سيراتو و بصراحه العربيه للوهله الاولي كده شدتني جدا في السحب و الاتزان بس هي فعلا عافشتها ناشفه شويه لكن مش كارثه زي ما الناس بتحاول تشوه صوره العربيه حسيت بدبه في المطبات والنقر و محتاج حد يقولي يا جماعه اظبط العجل علي كام ولو ظبطوا هل دا هياثر علي الكاوتش و ممكن يتلفه او لا ..
العربيه خليجي كويتي كامله تقريبا ايه بي اس فاتحه سقف و جنط 17 فرامل ديسكات ورا و قدام باستثناء الفرش الجلد و مفتاح الباصمه و بها فنيش الابواب بها قماش بنفس لون الكراسي و دي كانت حاجه شكلها احلي من اللي شفته و مغطي كتير علي موضوع الخامات و جودتها مع النواكل اللي في التابلوه.. سعرها 122 الف ..تقسيط ..ادعولي ربنا يكرمني بيها و يكفيني شرها يا رب و شكرا لكل فرد هنا نقل تجربته للسياره بكل حيايده قال عيوبها قبل مميزاتها لوجه الله ..و المنتدي دا كان المرجع ليا في حجات كتيره قبل مشتري ..و ربنا يجعله في ميزات حسنات الجميع ..و انشا الله بعد ما اسوق العربيه اكتر و اتعرف عليها مستعد لاي سؤال و انشا الله هحاول ارفعلكم صور باذن الله .. .. انا مش هقول العربيه ممتازه ولا سيئه لكن هقول انها عمليه نسبيه يعني لو ركبت بي ام و ركبت كيا هتحس انك اكيد قليت انما لو راكب عربيه اقل قيمه او اقدم زمنا هتحس انك راكب مكوك فضائي .كل اللي اقدر اقوله انها صفقه رابحه لانها افضل قيمه لسعرها و معتقدش ان ليها منافس في فئتها فيه جمال التصميم و قوه الاداء و كثره الكماليات

و احب اشكر الدكتور احمد سامي بشكل خاص و انتوا اكيد متفقين معايا ان الراجل دا بيعمل مجهود غير طبيعي في المنتدي لوجه الله تعالي و لم يسلم كمان من نقض بعض الناس اللي اصلا مجربوش العربيه و بينقضوا لمجرد النقض وخلاص
السلام عليكم و رمضان كريم
كل سنه وانتم بالف خير

محمود