الموضوع: بتعمل دراسات عليا ؟

المشاركة الأصلية كتبت بواسطة ahmed samy

بعملها لأسباب كتيرة
3 - برستيج برضه (ست سبع تسطر على اليافطة كده يخوفوا العيانين) :

هو ده المفيد يا دكتور

المشاركة الأصلية كتبت بواسطة ecybrarian

دكتوراه على قدي ادعولي. أصل اقل شهادة في مصر ممكن تنفعك هي الماجستير. بص بصراحة لا فخر في الحصول على دراسات عليا في الجامعات الحكومية في مصر. اي عك وأي حاجة وكله بيعدي مع مرتبة الشرف حسب علاقاتك الحلوة مع دكتارة القسم.

مش كل الجامعات ومش كل الاقسام يا ايس

المشاركة الأصلية كتبت بواسطة islam_galal

انا عملت دبلومة و تبت و الحمد لله
الدكاترة المحترمين بيقولوا "هو انتوا عايزين تاخدوا كل حاجة اللي معهوش ميلزمزش"
لأن طبعا لازم تكزن موجود الساعة 5.30 - هو فيه مهندس يقدر يروح ميعاد الساعة 5.30 مرتين في الاسبوع
و للأسف هندسة اسكندرية انهارت السنين الاخيرة بسبب تلك العقول المتحجرة

يا اسلام بيه انت اول ما قلت الدكاترة بتقول اللى معوش ميلزموش قلت بيطلبوا رشوة والعياذ بالله
لكن الجملة اللى بعدها وضحت انهم بيطلبوا الالتزام بمواعيد المحاضرات اللى هي من 5 الى 8
طيب مش دي مواعيد المحاضرات ؟؟؟؟؟؟؟؟؟؟؟
يعملوا ايه يعني ؟؟؟؟؟
اكيد قبل 5 بيقي محاضرات الطلبة الاندر ومن 5 الى 8 الدراسات العليا
يعملوا ايه يعني
يعملوا محاضرات نص الليل ؟؟؟؟؟؟؟؟
متهيالي معذورين وحضرتك هاجمتهم بعنف
وبعدين عقولهم المتحجرة دي بردة ما هي اللى خرجت الطلبة على مدار الاجيال
ولا علشان فيه نظام منفعش مع حضرتك يبقوا متحجرين ؟؟؟؟؟؟
وعلى فكرة اي جامعة هتلاقي فيها تقريبا نفس المواعيد