التقسيط مع بنك ناصر

**OilMan** · 12-10-2009 12:05 PM

الله ينور عليك انت كده جبت من الاخر انا عملت كده فى عربية المدام وفعلا هو اسلامى لما تحط الوديعهحيديك دفتر فى اخر الدفتر بيشرحلك نظام الاسلامى للارباح بجد لا يعلى على بنك ناصر وكمان بالاخص فرع الحى السابع ناس بجد ذوق جدا

المشاركة الأصلية كتبت بواسطة ahmed4000

بنك ناصر هو اقل فايدة فى مصر 6% وبيصل التقسيط ل 90 شهر يعنى سبع سنين ونص
والمقدم بيبدا من 15%

لو عايز تحسب الفايدة حتبقى كام مثلا على عربية ب100 الف جنيه لو حتقسط سبع سنين يبقى حتدفع فوايد 42% بس على سبع سنين لو على ستة حيبقوا 36% لو على خمسة يبقى 30% لو على اربعة يبقى 24% وهكذا

بياخد رسوم ادارية 1% بالاضافة إلى تامين على الحياة يدفع مرة واحدة 700 او 800 جنيه حسب سنك

العربية انت اللى بتدور عليها وتحدد عايز تشتريها منين وبكام ولونا ومواصفتها وتجيب عرض سعر من المعرض للبنك شامل رقم الشاسيه والموتور

التقسيط متاح ب3 طرق وهى:

اولا: تكون موظف وتجيب ضامن (الضامن يبقى حكومة تقريبا بس اسال ممكن ينفع ميكونش حكومة) وبتعمل اقرار انك تحول القسط كل شهر

ثانيا: للمعاشات بشرط يكون اقل من 65 سنة وده تقريبا مبيحتاجش ضامن

ثالثا: نظام الوديعة اللى اتكلمت عنه وهو انك تحط 60% من تمن العربية وديعة فى البنك وبتاخد عليها عائد متغير كل سنة (علشان يبقى اسلامى) بيزيد عن 10% وطبعا ده اعلى عائد فى مصر، بيتخصم منهم 6% فايدة العربية ويبقالك مكسب 4% كل سنة
يعنى حتقسط العربية من غير فوايد وحتكسب فى اخر المدة 28% من تمن العربية تقريبا ده طبعا للى معاه فلوس كتير شوية

لو مخلص الورق بتاعك كله حتستلم وانت واقف

**alhajmerooo** · 14-10-2009 02:30 AM

يا جماعه بعد اذنكم عايز خدمه
عايز اقل مقدم ولو 10% لانى بشغل فلوسى وبتجبلى عائد فانا ميفرقش معايا القسط مهما كان
والعربيه رينو لوجان سيدان ب67 الف
لو حد يقدر يفدنى ويقولى هيبقى المقدم كام والقسط كام على 60 شهر واقدر اقسطها منين ويكون تسليم سريع
معلش هتعبكم معايا

**alhajmerooo** · 14-10-2009 02:38 AM

مع العلم يا جماعه انى معايا سجل تجارى صيدليه

**Egyzizo** · 14-10-2009 02:50 AM

المشاركة الأصلية كتبت بواسطة alhajmerooo

يا جماعه بعد اذنكم عايز خدمه
عايز اقل مقدم ولو 10% لانى بشغل فلوسى وبتجبلى عائد فانا ميفرقش معايا القسط مهما كان
والعربيه رينو لوجان سيدان ب67 الف
لو حد يقدر يفدنى ويقولى هيبقى المقدم كام والقسط كام على 60 شهر واقدر اقسطها منين ويكون تسليم سريع
معلش هتعبكم معايا

برضه أقل مقدم فى مصر هو بنك ناصر زى ما هو أقل فايدة
وبياخد مقدم 15%.

**د.اشرف هنداوى** · 14-10-2009 03:27 AM

ايه نظام الوديعة ؟

مكتوب علي الموقع بتاع البنك انه بيجمد الوديعة !!!!

طيب ايه الميزه اني اجمد 50 % من تمن العربيه و ادفع تمن العربية بالكامل + الفايده ؟

حد يفهمني لو سمحتم

**Egyzizo** · 14-10-2009 03:52 AM

هو بيقول لك فى حالة الضمان بوديعة ..
واخد بالك من كلمة الضمان ..
فعلى قد ما فهمت هو عايز يقول : فى حالة لو كان اللى حاوليك كلهم أندال وماحدش عايز يضمنك يبقى اشترى كرامتك وتعال اضمن نفسك بوديعة

**Egyzizo** · 14-10-2009 04:27 AM

طب يا جماعة احضرونى كه وركزوا معايا ، عشان فيه موضوع مزقزق فى نافوخى بقى له كام أسبوع من ساعة ما عرفت نظام بنك ناصر وفكرت فيه بصفتى منوفى ..

الموضوع مبنى على نظام فى بنك ناصر بيقول إنك ممكن تشترى سيارة بضمان وديعة و لو كانت قيمة الوديعة تغطى تمن العربية + الفائدة الكلية المحتسبة عليها ، ففى هذه الحالة لا يلزم أن تكون هناك أى ضمانات أخرى سواء وظيفة أو ضامنين أو خلافه ، وأكتر من كده لن يطلب منك فى هذه الحالة عمل ضمان على الحياة ولن يتم أيضاً عمل حظر بيع على السيارة، وكمان ممكن تقسط بدون مقدم.

دلوقتى نفترض إن العربية تمنها 100 ألف جنيه ، وإن معايا سيولة تغطى تمنها ويزيد.. يعنى ممكن أشتريها كاش ..
طيب ليه ما أعملش حركة كده توفر لى أكتر من ربع تمن العربية كالتالى.

أنا لو اشتريت كاش يبقى فقدت الـ 100 ألف جنيه والقصة انتهت
طيب ، لو حطيت الـ 100ألف جنيه دول وديعة فى بنك ناصر وعليهم قيمة فائدة 7 سنين مقدارها 6% عن كل سنة
يعنى 100 ألف جنيه + (6 آلاف جنيه مضروبين فى 7.5) = 100 + 45 = 145 ألف جنيه ..

وهاقسط العربية على 7.5 سنة، يبقى هادفع أقساط مجموعها 145 ألف جنيه

فلما نيجى نشوف الحال بعد 7.5 سنة ، هنلاقى إنك دفعت 145 ألف جنيه تمن للعربية ،
بينما الـ 100 ألف اللى كانوا هيروحوا كاش ، انت استفدت بيهم فى البنك بفائدة للوديعة قدرها 10% وأصبحو :
100 ألف + (10 مضروبين فى 7.5) = 100 + 75 = 175. ده طبعاً مع تجاهل فوايد الفوايد كمان

إذن ، فى نهاية فترة القسط ، الـ 100 ألف جنيه اللى فى البنك ، أصبحوا 175 ألف جنيه.
وفى نهاية فترة القسط أنا دفعت أقساط مجموعها 145 ألف جنيه ..

يبقى على مدى الوقت ده أنا وفرت 30 ألف جنيه من تمن العربية (على اعتبار ان فائدة الوديعة فى بنك ناصر 10%)
وحتى لو كانت الفائدة 9% هتلاقى إنى وفرت 23 ألف جنيه ..

حد يقول لى طب ما هى فلوسك (145 ألف جنيه) هتتجمد سبع سنين ونص لغاية ما تخلص القسط ..
هأقول له لأ ، اللى هيتجمد بس هو المبلغ اللى أنا حطيته فوق تمن العربية (45 ألف) وهاعتبر إنهم متحوشين لفترة طويلة و أهو فوايدهم بتتحسب برضه.
بينما الـ 100 ألف جنيه اللى هم تمن العربية الأساسى بدون فوائد دول كانوا رايحين رايحين لو اشتريت كاش

إيه رأيكم؟؟؟؟؟؟