صيد الأسماك : العدد الأول.

http://img401.imageshack.us/img401/7517/11ve6.gif

هواية صيد الأسماك من أجمل الهوايات

كنا بنمارسها زمان أيام اعدادي وثانوي... وشجعني احد الزملاء علي العودة لممارسة هذه الهواية منذ فترة قريبة...
[gdwl]
طبعآ متعتها مابعدها متعه
المناظر الطبيعيه اللي اتحرمنا منها هنا في المدينة
بخار الماء اللي طالع من المياه وشروق الشمس في منطقة الاراضي الزراعية (غالبآ ترعة السلام ومزارع الاسماك في المطرية)
فرحتك وانت بتطلع سمكه كبيره بعد ساعات من الصبر مع السمك الشير...
[/gdwl]


فحبيت اعمل الموضوع ده واجمع فيه كل ما يتعلق بصيد الأسمــــــــاك
---------------------------

http://img335.imageshack.us/img335/8...heoceanro5.gif
صيد السمك لعبة ام هواية



[gdwl]ماذا تعرف عن هوايات الصيد؟ وهل هي التي تحقق السعادة والمتعة والتامل؟ ام ان السعادة والتامل هما حصيلة الصبر؟ وثمة قائمة طويلة من الاسئلة يطول التفصيل فيها، ومخافة ان نبحر من غير هدف سنكون اكثر وضوحا واكثر تحديدا ونتناول موضوعة الصيد وبالذات (صيد السمك) فهذه الهواية. وليست التجارة فيها – بينها وبين الصبر صلة رحم وقربى ولعلها من ابلغ الهوايات الانسانية اتساما بالحكمة وطول البال وتُحدثنا الذاكرة بان امهر صيادي السمك هم العناوين البارزة في تمضية وقت خاص جدا وطويل لا يحتمله الاخرون، نحن اذن امام مدرسة تعليمية واذا اردنا شيئا من المبالغة نقول نحن امام مدرسة فلسفية تحسن لوحدها معنى التأني ومعنى عدم الياس، انها نظرة امل متيقنة من النتائج الايجابية مع ان تلك النتائج من علم الغيب او هي في بطن البحر.[/gdwl]


ولنبدأ بسرد أنواع الاسماك


- البلطى -

http://img176.imageshack.us/img176/5250/fig08lu0.gif


[gdwl]السن المستخدم له بيكون ما بين ( 9 و 6) وطبعا بيقبل على اى نوع من الطعم ( دود الارض - العجينه – الغله ) وطبعا المكنة بتكون بجانب الشط او بين الحشيش ونادرا ما بتكون فى عمق النيل[/gdwl]

-------------------------------------------
- القرموط -
http://img176.imageshack.us/img176/5981/fig06zr1.jpg

[gdwl]طبعا دى اكتر سمكه بتاكل اى حاجة موجودة فى الميه ودى حكمه من ربنا لانه بتعمل على تنظيف المياه من اغلب القازورات يعنى فار ميت فرخه ميته سمك ميت اى حاجة متعفنه وخلاص من الاخر دى عامله زى القشاش بتاكل اى حاجة فى سكتها وبتيجى بأى طعم واى حجم سن الا انها ممكن تاكل كمان العنب والاحجام الكبيرة منها ممكن نحطلها الطعم عبارة عن فرخه ميته وفى ناس بتعملها عجينه بس يتخلى العجينه تتعفن علشان يكون لها رائحه نفازة تجزب القرموط وممكن تضيف لها روائح من عند العطار اسمها ( الحنتيت ) ويفضل لو وضعنا فى العجينه دماء اى ذبيحه[/gdwl]

--------------------------------------
- الكركور -

[gdwl]الكركور هو صغير الشال وسمى بهذا الاسم لانه بيطلع صوت اشبه بالكركرة وهو طالع من الميه وده بياكل دود ونادرا لما بيجى بالغله او بأى شئ تانى [/gdwl]

---------------------------------


تم تجميع عناصر الموضوع من العديد من المصادر.
Abo Yousif

- الشال -
http://img152.imageshack.us/img152/3364/symemu05fi.jpg
[gdwl]
هو اكبر طبعا من الكركور بس نفس الشبه وبيكون له 3 شوكات اتنين فى الجنبين وواحدة فى الظهر وبيكونو جمدين جدا ومدببين الاطراف واحد اجناب الشوكه مسنن اشبه ما يكون بالمنشار وتكون حادة جدا ودة منه نوعين
الشال العادى وبيكون الظهر رمادى فاتح والبطن بيضاء جدا
والنوع الثانى بيسموه شال الحجر ودة لانه بيعيش بين الاحجار ولون ظهرة بيكون رمادى غامق جدا والنوع دة لازم تاخد بالك منه لانه لو كل الطعم ودخل الحجر يبقى عوضك على الله فى القرمه كلها لانه بيفرد الشوكتين اللى فى الجنبين ويصدرهم فى الحجر ومن المستحيل انه يطلع بعدها لانى بحس ان الشوكتين دول متركبين على مفصلات جامدة جدا لو طلعته فى ايدك وحولت انك تتنى الشوكة للجنب مستحيل
ودة بيفضل دود الارض كباقى الاسماك ومكان وجودة قرب القاع وخاصه الاماكن اللى بيكون فيها حجارة
[/gdwl]
----------------------------------

- البياض ( العبيد) -

ودى سمكه قريبه الشبه بالقرموط والطعم المفضل ليها طبعا دود الارض وقطع السمك والحم اللى بيكون داخل المحارات اللى موجودة على ضفه النيل
--------------------------------------------

- الشلب ( الشلبايه كما يطلقون عليها) -


[gdwl]دى سمكة شكلها رقيق جدا ونادرا لما بتطلع فى السنارة لان ليها طريقه مخصوصه بيها لانها بتتغزى على الحشرات فهى بتاكل قرب سطح الميه وممكن تاكل دود الارض وغالبا لما بتطلع معايا بصفه خاصه بتكون كلت الطعم اثناء مهو نازل يعنى ميكنش لحق ينزل وبتلاقى السنارة جريت منك مع التيار بسرعه بتعرف ان دى شلبايه وطعمها جميل جدا[/gdwl]


- الانوم ( المز)
http://img144.imageshack.us/img144/4499/mokanu15tf.jpg
[gdwl]جسمها ناعم والشوك اللى فيها قليل جدا لذلك نادرا لما بتيجى بالشبك ولازم لصيد السمكه دى يكون معاك سن صغير جدا يعنى 12 او 11 ويكون ربط الشعر فى السن قليل يعنى لفتين تلاته بالكتير علشان ميشغلش حيز من السن علما بأن بق السمكه صغير جدا وله شكل غريب اشبه بخرطوم الفيل( على فكرة صورتها موجودة فى الموسوعه اللى عاملها احد السمكاويه عن الاسماك اللى بتعيش فى النيل ) والطعم عبارة عن دود الارض فقط وبتكون موجودة قرب قاع النيل .[/gdwl]


- الرعاد ( الرعاش )
http://img214.imageshack.us/img214/8443/maeleu30hl.jpg
[gdwl]من اسم السمكه نعرف ان لها علاقه بالرعد او الرعشه فعلا لانها بها شحنه كهربيه ترعش وتؤلم من يحاول ان يمسك بها وهى على قيد الحياه والحل لو طلعت معاك اما انك تمسكها بأى عازل او تتركها لحد متموت ودى بتكون موجودة بين الحجارة والطعم عبارة عن دود الارض او مصارين الفراخ [/gdwl].

موضوع جميل و شيق جدا شكرا ليك.

موضوع جميل و مفيد لكثيرين من هواة صيد السمك بصراحه

صيد البياض في الأنهار

اولا : لكي نستطيع صيد اي كائن حي يجب في البداية دراسة سلوك هذا الكائن
ومنه سنذكر بعضا من سلوك هذه السمكة الجميلة ( البياض)

يتواجد البياض في المياة التي يكثر بها الأسمك الصغيرة مثل تجمعات الشر (بكسر الشين) وهو البلطي الصغير او البخ وهي الأسماك الصغيرة عامة يطلق عليها (بخ) وتجمعات الراي وهي سمكة صغيرة يحب البياض اكلها كثيرا او الجلمان ,

ويمكث البياض بجوار هذه التجمعات لحبه الشديد وولعة بإلتهام هذه الأسماك الصغيرة
وهذا في حالة جوع هذا النوع من السمك أما في حالة الشبع فتمكث البياضة في الأماكن المعزولة
مثل أسفل الكباري وبجوار الجدران وفي زوايا وثنايا الحوائط والبنايات المائية بالمناطق الهادئة العميقة

وهي سمكة ليلية اي تنشط ليلا وتسعى لغذائها عادة ليلا .

ويستدل على وجود البياض في الدور (مرمى الصيد) اولا إذا وجدنا اسماك صغيرة تقفز خارج الماءبشكل عشوائي سريع وبكميات كبيرة في وحدة مساحة صغيرة نعلم انه هناك بياض يهاجم هذه الأسراب ويكون هذا دور مناسب لصيد البياض
ويستدل ايضا على وجودها إذا وجدنا المياة تحدث فقاقيع كبيرة الحجم او نسمع في الليل صوت بقللة في الماء او ظاهرة ما نسمية (تفقيم )السمك أي خروج السمكة على سطح الماء وملامسة السطح والنزول بشكل سريع .
[gdwl]

ثانيا: لصيد البياض يستخدم الزريعة او السمك الصغير
من فئة الجلمان او الراي او الشر الصغير ويفضل ان تكون السمكة المستخدمة للتطعيم حية لجذب البياض إليها ونستخدم سنار حجم 5 او 6 وسلك شفاف 40 للمكنة و من 30 إلى 35 للرمال ورصاص وسط وطريقة الصيد حداف أي على الغاطس بدون عوامة ونقوم بإطعام السمكة وهي حية عن طريق إدخال السنارة في الجزء الظهري خلف الرأس أو فوق الذيل مباشرة في مؤخرة جسم السمكة وإلقائها في الماء ...... و إستعد يا معلم
[/gdwl]

[gdwl]ثالثا : يستخدم لصيد البياض الطعم العادي أو دود الأرض
لكن تطعم السنارة ليكون الطعم على شكل عنكبوت أي بإطعام عدة دودات في السن الواحد و ترك أجزاء من الدود حر وجزء منه عالق يالسنارة ليعطي شكل ارجل العنكبوت ويفضل أن يبقى الطعم حي ليجذب اسماك البياض عيوب هذه الطريقة ان اسماك البلطي الصغيرة تقوم بتمزيق الطعم قبل ان يصل إليه البياض لكن ذلك سلاح ذو حدين ففي بعض الأحيان يجذب اسماك البياض للطعم تجمع اسراب الشر الصغير فيلتهم السن معها ....... ويقع في الفخ .....لكن كن مستعدا [/gdwl]

رابعا : ويمكن ايضا صيد البياض بواسطة العجينة : (لكن لها طقوس خاصة )

[gdwl]اولا نحضر رغيف عيش (نص سوى) طري ونقوم بعجنه باليدين مع وضع قليلا من الماء علية ونقوم بالعجن مع إضافة الماء ويفضل ان يكون الماء محتوي على زفارة سمك ونقوم بالعجن حتى الحصول على القوام المنشود للعجينة ثم يكمل العجن لكن بإضافة أمعاء او أثار تنظيف السمك اي زفارة قوية وتقوم بالعجن جيدا حتى نحصل على عجينة زفرة جدا ثم نضع عليها بضعة نقاط من الزيت ويفضل الزيت الذي قمنا بقلي سمك فيه من قبل وبهذا فقد حصلنل على التركيبة السحرية لصيد البياض [/gdwl]

قم بعمل كورة من العجين في نفس حجم السن كلة وقم بتغطية السن كله مع ركها براحة يدك او بإصبعياك .......ثم إلقي السنارة ولا تخف فلن تسقط العجينة من السن وإركن السنارة على اي حاجة جنبك بس خد بالك للبياضة تقلب بسوادة وتاخد السنارة منك فهي قوية وعفية جدا...............و ربنا يعينك عليها

http://www.moqatel.com/openshare/Beh....gif_cvt01.jpg


http://www.egyptfishing.com/graphics...avally_102.jpg

[gdwl]قشر البياض في ترعة السلام.[/gdwl]

المدة التي يجب أن تقضيها في ترعة السلام

وهي عبارة عن يومين بليلة أو أكثر كيفما يتثني لك الوقت أن تقعد أكثر من ذلك فهو لمصلحتك أولا و أخيرا .لماذا كل هذا الوقت ؟

المسافة بين ترعة السلام و القاهرة حوالي 200كيلو أي أن المسافة التي ستقطعها في الذهاب و العودة حوالي 400كيلو ( مسافة كبيرة تحتاج للراحة في منتصفها ) .
المسافة بين ترعة السلام والمنصورة 140 كم ذهابآ وإيابآ.

وأيضا أوقات دخول الأسماك الكبيرة فيها علي كذا مرحلة وهي الساعة 6 مساء و الساعة 12 صباحا و الساعة 4 فجرا فهذة الأوقات تكون مستعد فعلا للصيد و ليس إنك لسة هتستعد للصيد .

الأدوات المطلوبة للرحلة :

1- سخان ____ لعمل الشاي و خلافة و كذا لتجهيز الطعام لك و من معك .
2- بطانية _____ للنوم عليها ؟أو أن تتغطي بها في حالة البرد .
3-الطعام الذي يكفيك طوال المدة التي ستقوم بالجلوس فيها لإنة هناك لن تستطيع شراء أي شيء لعدم وجود أي مكان تستطيع الشراء منة إلا في البلد و هي تبعد عن الترعة حوالي 50 كيلو .
4- شوال خيش نظيف علشان لما ربنا يرزقك بخير تضعة فية لو أكبر من الأيس بوكي إلي معاك .
5- أيس بوكس و ثلج و مياة تكفيك حسب المدة التي ستقيم بها هناك .
6-طارد للناموس ( وهو متوفر بكثرة ) ... الناموس مش الطارد.
7- جركن تقوم بتخريمة لوضع شر البلطي ليبقي حي
8- ملقاف


أدوات الصيد.

[gdwl]أولا : بالنسبة للسنون :
سن 6 و سن 8 وذلك للبلطي و البياض الأقرع و القراقير و أبو ريالة و القرموط الصغير . ولو في الشتاء للثعابين .
سن 03 و سن 04 للملك ( القشر بياض ) ويستخدم في هذة الحالة الطعم الحي فقط القشر بياض لا يدخل علي أي شيء إلا الطعم الحي و يكون الطعم بصحة جيدة جدا فتقوم بإختيار الشراية الصغيرة و تلاقيها بتتنطط في جركن المياة وليست تعبانة . ومن الممكن أن يدخل علي الطعم الحي هناك ( القرموط - البياض الأقرع )[/gdwl]

[gdwl]ثانيا : الخيوط :
خيط 30 خيط 40 و النوعين دول للبلطي أو بمعني تاني للحاجات الصغيرة خيط 60 خيط 70 و النوعين دول للقشر بياض وللشغل علي الثقيل وفي هذة الحالة لا يحبذ عمل أي نوع من أنواع الخيات في الخيط . في هذة الحالة السن في الخيط مباشرة . الحالة الوحيدة التي يسمح فيها بالتجاوز أن تقوم بوضع واير علي الخيط ويكون الواير 60 أو 40 (نادر الوجود ) أقصي مقاس للواير 80 و أن يكون السن بحلقة .
[/gdwl]
[gdwl]
ثالثا : الطعم المستخدم للصيد :
1- الدوود
2-البرغوت (جمبري صغير )
3-مصارين الفراخ - حمام
4-الريم
5-الطعم الحي
6- الغلة
[/gdwl]


أوقــــــــــات الـــــصـيـــد

الصيد في ترعة السلام ينقسم لعدة مراحل و بيانها كلأتي :

1- صيد التجهيز :
وهو في الفترة الأولي من أول الوصول و حتي الساعة الخامسة عصرا ونقوم فيها بصيد الشر بلطي ووضعة في جركن المياة المخرم مثلما ذكرت سابقا . ولا تصلح العياشة لسبب بسيط لإنك لو ربنا كرمك بشر كتير وهو في العياشة عمر الشراية بيبقي صغير . و أول ما سمكة تموت داخل الجركن أو حتي بالعياشة يجب عليك فورا رفعها . وفي هذة الفترة من الممكن أن يدخل عليك مقاسات كويسة فلا تضعها في الجركن ضعها مباشرة في الأيس بوكس.

2- صيد الملك ( القشر بياض )
بالنسبة لسمك القشر بياض في تـرعـه الـسـلام و الطريقة التى يتم الصيد بها هناك أولا خيط 60 أو 70 على سن 02 إثنين دقن و على غماز مناسب و رصاصة تحافظ علي ثبات الطعم في المياة أما الطعم فهو سمكة صاحية صغيرة أو كما تطلقون علية شر بلطي إذا وقفت فوق السلك هناك خلى بالك إن السمكة الطعم ماتنزلش فى السلك علشان ماتوعرش و تخسر الوش . و خلي بالك إن العصفورة بتاعت الماكينة تكون مفتوحة مش مقفولة لإنة لو حس بالخيط قبل ما يبلع السمكة هيتفها و تزعل انت . فالمطلوب من حضرتك عدد من الأشياء مهم جدا ان تعملها وهى كالأتى :

[gdwl]
1-ترك العصفورة بتاعة الماكينة مفتوحة .

2- أنت الذى يحدد الرمال طولة قد إية حسب المكان إلى هتصطاد فية على ترعة السلام علشان السمكة الصغيرة ما تدخلش فى السلك و توعر .

3- عندما تلاحظ إختفاء الغماز سيبة فترة من غير ما تعمل اي حاجة وهذة الفترة حوالى من 30 ل 60 ثانية لا تلمس الفبرة بعد كدة إقفل شوية على العصفورة وإضرب علي السمكة و على طول لو حسيت بشد إفتح البيك أب بتاع الماكينة وسيبة يسحب زى ما هو عايز وبعد كدة إقفل البيك أب وتعامل مع السمكة لا تشد علي طول و لا ترخى على طول , شد و إرخي لحد ما الخير يوصل لحد عندك .

4- يكون معاك ملقاف كويس و يكون في حد معاك علشان ينزل بالملقاف في المياة قبل ما السمكة توصل للبر ويرقد الملقاف فى المياة و لا يتحرك عندما يري السمكة , و عليك إنت إحضار السمكة للملقاف و ليس هو الذي يذهب بالملقاف إلى السمكة لإنة لو عمل كدة السمكة هاتفزع وتجري ولو حصل كدة إفتح البيك أب بسرعة و متشدش علية و إبداء تاني مرحلة الشد و الجذب حسب قوة السمكة إلي معاك . و الى معاة الملقاف علية فقط رفع السمكة من المياة لا أكثر و لاأقل .

5- فرضا إن السمكة أكبر من فتحة الملقاف تعمل إية ؟ يكون معاك قطعة قماش خشنة علشان الأخ إلى معاك يلفها على إيدة و ينزل يضع يدة فى بق السمكة (القشر بياض بقة واسع لا تقلق) و يشد لإن السمكة هتقفل بقها على اليد إلي داخلة بقها .

6- نصيحة هامة ضع جرس على اللبلوب بتاع الفبرة علشان يسمعك الحركة الحاصلة مع السنارة.

7-أوقات السمكة دى تفزع برة المياة لو عملت كدة في أي وقت إفتح البيك أب بسرعة علشان ماتنزلش علي الشعر و تقطعة .

8- خلي بالك هذة السمكة لها أسنان صغيرة في فكيها فهي طول ما إنت عمال تشدها هي بتهرش الخيط .فلازم يكون الخيط جديد و كويس مش مهروش قبل كدة .

9- الماكينة الى معاك لازم يكون عليها خيط كافي أنا عن نفسي بخلى حوالي 100 متر على الماكينة .

10-بعد لما الخير يخرج من المياة إقطع حوالي 2 متر من الخيط ورمل تانى و إنزل بسن جديد .

11 - أوقات بيدخل عليك قراميط وسمك بياض علي السمكة الصاحية الطعم . كلة خير .
[/gdwl]
أرجو من الله أن أكون أوصلت لحضرتك معلومة كويسة وسهلة

[gdwl]
الأماكن المحبذة للصيد في ترعة السلام
1- قنطرة الحجز
2- محطة رفع السلام
3- كوبري 10
4- محطة رفع السلام
5- الصحارة
6- جميع التفريعات من الترعة الرئيسية ( ملحوظة ) لا يوجد في تلك التفريعات القشر بياض
[/gdwl]

[gdwl]الطريق إلي ترعة السلام تأخذ طريق الإسماعيلية الصحراوي ثم تتجاوز الإسماعيلية و تتوجة إلي طريق بورسعيد ومن هذا الطريق توجد العلامات الإرشادية إلي كوبري السلام وبعد نزولك من علي الكوبري توجد أيضا علامات إرشادية لمنطقة إسمه بالوظة أو سهل الطينة ومنها إلي ترعة السلام ولها الكثير من التفريعات التى تخرج منها . وفي النهاية أرجو أن أكون قد قمت بالشرح الوافي للمكان و طرق الصيد في ترعة السلام و أنواع الأسماك المتوقعة منها و أرجو من الجميع لو نسيت حاجة سامحوني.
[/gdwl]
منقول.
Abo Yousif.

لكل منطقة واقعة على النيل اسماكها التي تشتهر بها بمسميات مختلفة عن البلدة الأخرى سأذكر لكم جميع المسميات الدارجة في القناطر الخيرية بأماكن تواجدها وظروف تواجدها من حيث المناخ وشدة المياة الطعوم التي يمكن ان نصتادها بها



http://www.moqatel.com/openshare/Beh...smak/fig08.gif
1- البلطي
سمك مشهور لا يخفى على صياد ومنه عدة انواع واشكال فمنه السلطاني والأزرق والحجاري والملقاوي و النادرة والابيض ويطعم له إما الريم وهو اكثر ما يفضل ثم الطعم (دود الأرض) ثم الغلة (القمح المنقوع) ثم العجينة ويتواجد في جوانب النيل عند تجمعات الحشيش والنجيل والبوص او في الداخل قليلا اماكن تواجد الحجارة ( بالنسبة للحجاري ) في الأرض الطينية الملساء بالنسبة للملقاوي والبلطي الأبيض له موسمان تزاوج في السنة الأول يبدا من أواخر شهر 3 مارس وحتى شهر 5 مايو والثاني من شهر 9 سبتمبر وحتى اوائل شهر 11 نوفمبر ويسمى هذا الموسم في القناطر الخيرية وخاصة فرع رشيد بالمران وهذه الأوقات لا تكون ملائمة للتأكيل لأن السمكة تكون صائمة لأن البلطي يحتفظ بالبيض في جور يصنعها الذكر وتبيض فيه الأنثى ثم يلقحة الذكر تلقيحا خارجيا وتقوم الأنثى بعد ذلك بالإحتفاظ بالبيض في فمها حتى يفقس ثم تقوم بعد ذلك بمرحلة مايعرف بالبخ تقوم الأم ببخ صغارها حتى يقوموا بالسباحة وعند الشعور بالخطر يتجهون بسرعة نحو فم الأم حتى يصبح حجم البخ 2 او3 ملم تقوم الأم ببخه وتركه ليعاني مرارة الهرب من الأعداء الطبيعية والتي تتغذى عليه مثل سمك البياض


http://www.mekshat.com/pix/upload02/...k52390_kau.jpg
2- البياض
إضغط على الوصلة التالية http://egyptnaturalheritage.com/dy_a...1&cid=6&id=133 سمكة من الفصيلة الجلدية اي لا ينمو على جسمها قشور لها حوالي 4 ازواج من الشوارب وزعنفة جلدية عريضة عند اخر المنطقة الظهرية قبل الذيل المشقوق والرأس تتميز يفتحة فم عريضة مبططة منها لونان البني القاتم او الذهبي وتتغذى هذه السمكة على الأسماك الصغيرة ودود الأرض ويمكن صيدها بالعجين لكن بعد ان يزفر بأمعاء السمك ويمكن صيدها بإطعام السنارة بسمكة صغيرة من نوعية البلطي الصغير ( الشر) اوالراي او الفهد ويفضل ان يكون الطعم حي لجذب البياض إلية أماكن تواجده في النيل خلف اسراب السمك الصغيرة ويمكن الإستدلال على مكان وجود البياض إذا وجدت الشر الصغير يقفز في الهواء قفزات عشوائية فاعلم انه على الأرجح يتعرض لهجوم من قبل إحدى اسماك البياض الجائعة و في زوايا الكباري و الأماكن الضيقة حيث يستقر فيها لحين مرور اي سرب من الأسماك الصغيرة وأفضل وقت لصيدة من شهر سبتمبر و أكتوبر و نوفمبر وهي من الأسماك الليلية أي التى تنشط وتسعى لطعامها ليلا تصل أوزانها على حسب علمي الى من 8 إلى 15 كجم ويطلق الصيادون على الصغير منه إسم (فتايل بياض) ويحب البياض الماء الهادئ نوعا .


http://img41.imageshack.us/img41/2719/84626773.jpg

3- الدقماق
هي سمكة من الفصيلة الجلدية ايضا تشبة إلى حد بعيد البياض إلا ان جسمه مكتنز بالبلدي( مدملك) ورأسه ليس مبططا كالبياضة بل ان رأسه تشبة رأس الصاروخ مخروطية الشكل لونه رمادي مسود أماكن تواجده الأماكن الهادئة وتعتبر منطقة نفوذ له وحدة ويكون سببا في ان (الدور يمنع) لأنه إذا ذخل الدقماق هربت جميع الأسماك حيث انه غول السمك حيث انه لا يميز بين صغير وكبير وسلوكه يشبة إلأى حد بعيد سلوك البياض إلا انه يسكن الأماكن الساكنة فهو منزوي بطبعة ويطلق الصيادون على الصغير منة إسم (جعران) ويصل حجمه من الضخامة ما يفزع إذا ضرب بذيله في الماء فمنه من يصل إلى 60 كجم لكن صيده ممتع لكنه اوشك على الإنقراض من القناطر بسبب الصيد الجائر عن صريق الكهرباء والسم يوجد في اي نوع مياة


http://img176.imageshack.us/img176/5981/fig06zr1.jpg
http://www.killsometime.com/pictures/images/CatFish.jpg

4- القرموط
غني عن التعريف من حيث الشكل اما من حيث السلوك فهو من الأسماك التي تتغذى على اي شيئ ويمكن صيده بواسطة أمعاء الدجاج (المصارين) أو العنب او الطعم لكن يجب ان نطعم دود الأرض في السنارة بشكل العنكبوت ويكون الدود حي كي يجذب إلية القرموط او البياض و القرموط من السمك الرمام الذي إذا قابل حشرة او حيوان او جيفة اكلها ويصل وزنه إلى احجام مهولة ويعيش القرموط في المصارف والرشاحات ويمكنة العيش في مياة الصرف الصحي لذلك انا شخصيا لا أكله إلا إذا علمت مصدرة أيإذا كان من صياد موثوق فية او أكون انا من إصتاده ويمكن تمييز القرموط النيلي عن قرموط المصارف والترع عن طريق لون الجسم ولون البطن إذا كان الظهر باهت اللون مائل للرصاصي كان هذا قرموط نيلي اما إذا كان اشود قاتم فهو من قراميط المصارف والمستنقعات والبطن يجب ان تكون بيضاء بياض شاهق ولا تكون رمادية او بنية الشكل يبدأ موسم القراميط من شهر 5 إلى أخر شهر8 ويمكن صيدها من وسط البوص النامي على حواف النيل بصنع فتحة في وسط البوص والهيش ونقوم بتزفير الفتحة بإلقاء المصارين فيها ثم نقوم بعد حوالي نصف ساعة بإطعام السنارة بالمصران وعقدة جيدا ثم إلقائة في الفتحة وترك السنارة معلقة على اول الفتحة إصنع إثنين او ثلاث فتحات بنفس الطريقة لكن كن حذرا فالقراميط غاية في الشدة ولا تتهاون فاستخدم خيط 45 او 50 وسن 1 ملوي او 2 ملوي ......... وادعيلي .

http://www.fishpondinfo.com/catfish.jpg
5- الرعاش (الرعاد)
ويسكن الأماكن التي تكثر فيها الحوش و الحجارة وهي سمكة لها وسيلة دفاع قوية تمكنها من الإفلات من اي كائن حي يريد ان يوقع بها فهي تعطي صدمات كهربائية قوية عند الإحساس بالخطر او الإمساك بها تعيش في المياة الشبة ساكنة او المتحركة البطيئة تأكل هذه السمكة الطعم العادي(دود الأرض)لكن يجب الإطعام على شكل عنكبوت وبحجم كبير بعض الشيئ وصيدها غالبا ما يكون حداف على الأرض بلا عوامة وتنشط هذة السمكة ليلا حيث يكثر سعيها ويسهل صيدها إن وجدت بالمكان الذي تصتاد فيه ولحمها جيد جدا لكن لا تؤكل السمكة إلا بعد سلخها من طبقة الجلد السميكة والتي تكون سمينة جدا وتقلى وبالهناء والشفاء


http://up1.arb-up.com/files/arb-up-2009-8/xzx41704.jpg
6- المبروكة العادية وتسمى( بالشبوط)
وهي سمكة يكبر حجمها بشكل بالغ وسريع لونها ذهبي مائل للخضرة أو البني قشورها قوية وكبيرة الحجم إسطوانية الشكل وطويلة فكها العلوي اكبر من فكها السفلي قليلا مقدمة رأسها تكون مبططة بعض الشيئ تتغذى أساسا على الأعشاب والبوص واوراق النجيليات النامية على حواف وشواطئ النيل شرهه جدا قوية جدا تحتاج إلى صياد ماهر كي يستطيع إصتيادها تعيش في جميع انواع المياة السريعة منها والبطيئة يمكن صيدها إما بإطعام اوراق نبات البوص (الغاب) في السنارة بتدكيكها عدة مرات بسن كبير الحجم يصل إلى 3 او 4 ويستدل على وجودها في المكان اللذي نصتاد فية برؤية اوراق نبات البوص المتدلية في المياة مقطوعة على حافة الماء ويمكن الإستدلال على مكانها ليلا عن طريق سماع صوتها وهي تنهل من العفش والبوص ليلاً وهي من الأسماك الوافدة على النيل والتي القت بها وزارة الزراعة للقضاء على الحشائش والنجيليات النامية على حواف النيل. ويمكن صيدها بوسطة الريم عن طريق تحضير الدور بواسطة تقطيع الريم في الماء بكميات كبيرة ثم الصيد عليها بعوام وفسفور ليلا وإطعام ريم في السنارة لكن بكمية كبيرة وذلك بتسريح الغماز من فوق الكوبري مع إتجاة المياة الخارجة من عيون الكبري اي من على (المشاية) لمن زار القناطر ويعيب هذه السمكة ان لحمها به سفا او اشواك تتخلل اللحم ويلاحظ ذلك في الأحجام الصغيرة منها لكن لحمها لذيذ خاصة مقلية ويمكن تخليل هذة السمكة

7-المبروكة الزبدية
(لا تختلف في سلوكها عن المبروكة العادية إلا انها تختلف عنها ف الشكل تماما ) رأسها كبير وفمها وعيناها شكلهما غير مألوفان في أسماك النيل جسمها مبطط ودائري ولونها فضي لامع قشوره صغيرة جدا إلا انه في بعض الأحيان يتخلله قشر كبير بعض الشيئ وتجويف معدتها كبير يلاحظ ذلك عند تنظيفها وهناك من يسميها ( السيلفر ) لحمها طري وجلدها سميك بعض الشيئ إلا أن شكلها جذاب جدا وهي من الأسماك الوافدة على النيل والتي القت بها وزارة الزراعة للقضاء على الحشائش والنجيليات النامية على حواف النيل.


يتبع.

http://esyria.sy/sites/images/raqqa/..._39.image2.jpg
8- البني
ومفرده بنية بكسر الباء والنون وهي سمكة جميلة وقوية جدا وسريعة (عفية) لونها فضي وهي صغيرة يتحول لونه إلى الذهبي عند التقدم في العمر ولها شوكة قاسية في الظهر وظهرها يصبح مرتفعا في الأسماك كبيرة الحجم ويسمى (الأتب) ولون ذيلها عادة احمر متدرج إلى الفضي المصفر قشرها يكبر مع كبر حجمها لكنه ضعيف إذا قورنت بالمبروكة ويمكن صيدها بالعجين المضاف إلية فص ثوم مدقوق وبضعة نقط زيت او الريم واشهر طعم لها هو العنب البناتي وهو يوقع الأحجام الكبيرة منها وذلك بإطعام العنب مثل السبحة فوق السنارة اربع او خمس حبات بكل سن وتتواجد هذه السمكة بالمياة شديدة السرعة وهي تسبح عكس تيار الماء وترى وهي تقفز في الهواء داخل عيون الكوبري في المياة شديدة القوة, وهي سمكة نظيفة جدا أمعائها قليلة وبها كتلة دهنية بجوار الأمعاء مما يؤهلها للشوي حتى تذوب هذه الدهون وتعطي الطعم الطيب المرغوب فيه ويعيب هذه السمكة ان لحمها به سفا او اشواك تتخلل اللحم ويلاحظ ذلك في الأحجام الصغيرة منها لكن لحمها لذيذ ويمكن تخليل هذة السمكة


9- اللبيس
يشبة البني إلى حد ما إلا انه لا يملك الشوكة الظهرية الموجودة في البني و قشرها فضي اللون مائل للزرقة عند الظهر ذيلها وزعانفها بيضاء اللون السمكة مستطيلة الشكل ,فمها يكون اسفل الرئس مزود بنتوءات جلدية وذلك لأنها تتغذى على ال طحالب النامية على الصخور ونادرا ما تخرج في سنارة احد الصيادين لأنها لا تأكل إلا من على الصخور او الطحالب النامية على حوائط الكوبري المغمورة بالماء تعيش في المياة الجارية شديدة السرعة ويمكن صيدها بواسطة (الشماط) ويعيب هذه السمكة ان لحمها به سفا او اشواك رفيعة تتخلل اللحم ويلاحظ ذلك في الأحجام الصغيرة منها لكن لحمها لذيذ ويمكن تخليل هذة السمكة


10- اكراكير او الزقازيق
او (ابو ريالة) كما يسميها البعض وهي من الأسماك الجلدية فصيلة catfish مثل القرموط والبياض والدقماق وغيرة لكن حجمها صغير لها فم واسع جدا مقارنة بحجم السمكة يمكن صيدها بواسطة الطعم العادي (دود الأرض)على الأرض (حداف) اي بدون غماز وتنشط هذة السمكة وقت الغروب وليلا

http://img144.imageshack.us/img144/4499/mokanu15tf.jpg
11 - الأنوم وتسمى في القناطر بسمكة (العرسة) بكسر العين وهي سمكة شكلها غريب لها ما يشبة الخرطوم القصير ففمها مستدق وبنهايته فتحة ضيقة بها سنتين علويتين وسنتين سفليتين وبجسمها قشور صغيرة جدا وذيلها مشقوق وتتواجد ليلا اغلب الأوقات في الشتاء يمكن إطعامها دود الأرض وهي سمكة قد لا تجد مثيلها في النيل من حيث الشكل ومن خواص الأنوم ذو الحجم الكبير ان ذيلة يصدر صدمات كهربائية فور خروجه من الماء وهذا قد لا يلاحظه الكثير من الصيادين


يتبع..

موضوع رائع درايفت نورت به الاجتماعى بعد غياب طويل

كل سنة وانت طيب ورمضان كريم

مشكووووووور على الموضوع الجامد ده
وكل عام وكل اعضاء nilemotors طيبين

متابع باهتمام موضوع جامد ياريت بعض المعلومات عن الصيد فى المالح

مشكوووووووووووووور

إيه الجمال ده .. مجهود روعة وألف شكر .. ياريت الواحد عنده وقت للمتعة دي .
أنا حاولت مرة زمان اصطاد بس عمياني كدة من غير دراسة، كنت اقف ملطوع لاثلاث ساعات والاقي معايا سمكتين شر باديهم للعيال اللي بيلعبوا جنبي :)
أيام بقى

مستني باقي الحلقات

شكرا يا باشا

اية الحلاوة دى اخيرا لقيت حد يشاركنى الهواية فى منتدى السيارات
بس احب اضيف حاجة ان البلطى ممكن تصيدة من قلب النيل وعلى اعماق عالية انا صايد بلطى على عمق 3 متر ونص بالريم ومليت العياشة كمان

موضوع جامدجامد جامد

واسمحلي انا هاحتفظ بيه على جهازي

والف شكر عليه

شكرا ابو يوسف .

للاسف من كام يوم حبيت اروح اصطاد مع اصحابي , مصطدتش حاجة غير 4 سمكات بلطى صغير اوووووووووووووووى و رميته و حلفت ما اكررها تانى .

شكرا يا باشا على الموضوع
انا من محبى صيد السمك فى النيل بس عمرى ما جربت
فياريت خبراء الصيد يعملوا مقابلة يعلمونا فيها الصيد (:

[b]ممكن شرح لاجزاء السنارة نفسها
انواع السنون والخيوط [/b]

اقتباس:

---

المشاركة الأصلية كتبت بواسطة BASKOTA

موضوع رائع درايفت نورت به الاجتماعى بعد غياب طويل

---

اقتباس:

---

المشاركة الأصلية كتبت بواسطة BASKOTA

كل سنة وانت طيب ورمضان كريم

---

ميرسي يا بسكوته.
والاجتماعي دايمآ منور بيكم ...
وكل سنه وانتي طيبه ورمضان كريم والله أكرم.

اقتباس:

---

المشاركة الأصلية كتبت بواسطة eslamrace

مشكووووووور على الموضوع الجامد ده

---

اقتباس:

---

المشاركة الأصلية كتبت بواسطة eslamrace

وكل عام وكل اعضاء nilemotors طيبين

---

بارك الله فيك يا اسلام باشا.
وكل عام وانت بأتم صحه وفي أحسن حال

اقتباس:

---

المشاركة الأصلية كتبت بواسطة TaoTao

إيه الجمال ده .. مجهود روعة وألف شكر .. ياريت الواحد عنده وقت للمتعة دي .

---

اقتباس:

---

المشاركة الأصلية كتبت بواسطة TaoTao

أنا حاولت مرة زمان اصطاد بس عمياني كدة من غير دراسة، كنت اقف ملطوع لاثلاث ساعات والاقي معايا سمكتين شر باديهم للعيال اللي بيلعبوا جنبي :)
أيام بقى

مستني باقي الحلقات

---

ههههههههههه...
احنا كلنا كنا كده في البداية.


[B]

اقتباس:

---

المشاركة الأصلية كتبت بواسطة A.Saad

ممكن شرح لاجزاء السنارة نفسها
انواع السنون والخيوط [/b]

---

ان شاء الله في الجزء القادم

اقتباس:

---

المشاركة الأصلية كتبت بواسطة Hacker5

شكرا يا باشا على الموضوع

---

اقتباس:

---

المشاركة الأصلية كتبت بواسطة Hacker5

انا من محبى صيد السمك فى النيل بس عمرى ما جربت
فياريت خبراء الصيد يعملوا مقابلة يعلمونا فيها الصيد (:

---

وانا باجدد نداءك... ياريت حد يكون خبره يتابع معانا الموضوع.
انا مش خبير صيد ولا حاجه بس باحاول اجتهد في الهواية الممتعه دي.

اقتباس:

---

المشاركة الأصلية كتبت بواسطة shok

اية الحلاوة دى اخيرا لقيت حد يشاركنى الهواية فى منتدى السيارات

---

اقتباس:

---

المشاركة الأصلية كتبت بواسطة shok

بس احب اضيف حاجة ان البلطى ممكن تصيدة من قلب النيل وعلى اعماق عالية انا صايد بلطى على عمق 3 متر ونص بالريم ومليت العياشة كمان

---

Wellcome.

Thanks ya man...I love fishing so much...whenever I go to Ain El Sukhna I always go fishing there or I go fishing in the Red Sea....

Fishing the Baracuda is the toughest.....that fish is super smart!

يوجد منتدى لسة فاتح جديد متحصص للصيد منتدي الصيد البري والبحري في مصر والوطن العربي (Powered by Invision Power Board)

انا بعشق منظر السمك سواء و هو في الميه او و هو طالع مع الصيادين
الله الله حاجة كدا تبين ازاي الواحد بيجيله رزقة من ربنا

بس للأسف ما حاولتش اصيد مع اني بداخلي رغبة اني اصيد بالسنارة علي ضفاف النيل

اقتباس:

---

المشاركة الأصلية كتبت بواسطة mostafabakry

انا بعشق منظر السمك سواء و هو في الميه او و هو طالع مع الصيادين
الله الله حاجة كدا تبين ازاي الواحد بيجيله رزقة من ربنا

بس للأسف ما حاولتش اصيد مع اني بداخلي رغبة اني اصيد بالسنارة علي ضفاف النيل

---

fishing is very exciting....it teaches you to be patient....and to relax....and it consumes a lot of time.....

another thing...if you rent a boat for the whole day...you go out after sunrise and you start fishing and then the workers on the boat will cook the fish you caught and then you sit and relax and eat the fishes that you worked so hard to catch all while enjoying the nice boat ride.....

A boat for the day in Sokhna is around 1000 LE...if you get 6 people with you and share the rent...it will be around 100 LE per person and it will be a fun party...

موضوع رائع
انا نفسى اتعلم والله
ياريت تقولنا على ايه الحاجات اللى تلزم نشتريها عشان نبتدى
يعنى السناره والماكينه والخيوط و الكلام دا

blazer...honestly you can buy a 35 LE fishing rod (senara) and it will work just fine...I have seen people fish with it and it performs the same as the 300 LE one

the key is with the string....you need to buy a good brand of string so it doesnt snap easily or coils up in the machine....

There are a couple of well known stores in Nasr City by Genena Mall and some stores in Masr El Gededa

as for the bait (to3m)

some fishes like the Barracuda require to have those silver plastic fish bait....I havent seen someone catch a Barracuda with a worm or a small fish....

everything else just use worm or shrimp (I tend to like shrimp better)