الموضوع: لكل الأعضاء اللى هيحضروا فطار بروتون قصدى رمضان

يا جماعة أنا شايف إن حرام أيمن يشيل فلوس الحجز لوحده فبقترح لو ده مش هيضايق حد التأكيد ما يكونش بس على السايت أو بالتليفون
يا ريت الناس اللى جاية تدفع فلوس الفطار لأيمن قبل يوم الثلاثاء اليوم اللى هيحجز فيه و هنستثنى الناس اللى جاية من محافظات زى أعضاء الاسكندرية و الاسماعيلية عشان عددهم أولا قليل جدا 3 أو 4 أعضاء تقريبا و ثانيا حرام ييجوا يوم مخصوص قبل المقابلة عشان يدفعوا الفلوس و يرجعوا تانى.
و عموما تسهيلا على الناس كلها و عشان ماحدش يضرب مشوار جامد فى رمضان و فى الحر ده أيمن ساكن فى مدينة نصر فأى حد ساكن فى مدينة نصر أو مصر الجديدة ممكن يديله الفلوس بسهولة و أنا ساكن فى المهندسين فالناس اللى ساكنة فى المهندسين أو الدقى أو الهرم أو المعادى كمان لأن شغلى هناك ممكن تدينى الفلوس و أنا إن شاء الله هوصلها لأيمن على يوم الإثنين بحد أقصى
و مهاب سعيد ساكن فى مدينة 6 أكتوبر أى حد ساكن هناك أو فى منطقة قريبة يقدر يديله الفلوس و هو هيوصلها لأيمن برده يوم الإثنين إن شاء الله و أيمن يحجز على قد العدد اللى دفع بس.

و أى حد محتاج نمرتى أو نمرة مهاب يبعتلنا رسالة على الخاص أو ياخد النمرة من أيمن لو معاه رقمه.

إيه يا جماعة كل المشاهدات و مافيش حد من الناس اللى رايحة الفطار