هشترى ياريس بكره عايز نصايحكم

**asemx1** · 26-08-2009 01:21 AM

ياجماعه انا هشترى ياريس يكره من التوكيل فى المنصوره
انا كنت عايز عربيه مش معروضه فى المعرض بس ورانى عربيات عنده عامله 250 ك ولسه جايه
وقالى ان الى فى المعرض اضمن علشان عامله 68 كيلو بس والى هتيجى ممكن تكون عامله 250 كيلو برضو
هيا ياريس فول ابشن اوتوماتيك عايز ارائكم
وعايز كمان ابيع الكسيت الى جاي فيها ولسه ما استعملش اهو حد هياخده منى على كام \؟؟
انتوا رايكم ايه اخد المعروضه ولا استنى ويجيبلى واحده جديده؟ا

**KiNgMaX** · 26-08-2009 04:04 AM

اولا ألف مبروك عليك
ثانيا حكاية 250 كم دى زيادة حبتين انا عربيتى شاريها من موزع كانت عاملة 18 كم مش عارف ازاى وكيل عربياته عامله 250

**Hisham1** · 26-08-2009 04:38 AM

كتيير جدا 250 كم
متجيبها من التوكيل اللي في القاهرة أحسن
والف مبروك مقدما ربنا يباركلك فيها

**original** · 26-08-2009 07:28 AM

هوا جايبها سفر وللا إيه؟؟
عمتا توكل على الله بس المهم تكون جديدة زى مابتقول..
موضوع خلع الكاسيت الأصلى دى عايزة واحد قلبه ميت عشان يبهدل عربيته الجديدة بس لو هتجيب تويوتا الأصلى يبأ تمام بس برده مش مضمونه..

**asemx1** · 26-08-2009 11:11 AM

طيب انتوا رايكم اجيب عربيه لونها سلفر وطابلوها اسود ولا اجيب عربيه لونها بترولى وطابلوها بيج ؟؟
الحاجه التانيه انا استفسرت عليها قالى ان العربيه بتيجى من المنطقه الحره فى الاسكندريه لو مافيش تريلا بتيجى سواقه انا هتصرف وهخليها تيجى على ونش احسن
انا عايز اركب الكاسيت الى موجود فى موضوع هنا الى بييجى بالوش بتاع الطابلوه الى فيه كاميرا ودى فى دى وجى بى اس وحاجات كتير كدا فدا الحوار لو حد عايز الكاسيت الاصلى وهوا فى علبته ما اتركبش عادى ممكن ياخده :)

**asemx1** · 26-08-2009 11:13 AM

اااااه وعلى فكره الى قالى اجيبها من التوكيل فى القاهره انا رحت التوكيل امبارح لقيت العربيات فيه عامله 80 كيلو لانها بتيجى من المنطقه الحره فى الاسكندريه على تريلا وبعدها بتروح ابو رواش ومن ابو رواش لحد التوكيل الى فى العباسيه سواقه

**alisleman** · 26-08-2009 11:21 AM

المشاركة الأصلية كتبت بواسطة asemx1

اااااه وعلى فكره الى قالى اجيبها من التوكيل فى القاهره انا رحت التوكيل امبارح لقيت العربيات فيه عامله 80 كيلو لانها بتيجى من المنطقه الحره فى الاسكندريه على تريلا وبعدها بتروح ابو رواش ومن ابو رواش لحد التوكيل الى فى العباسيه سواقه

كلامك صح اقل حاجة هتستلمها 70 كيلو علشان موضوع النقل فى البلد

**asemx1** · 26-08-2009 02:28 PM

خلاص يا جماعه قولولى مبروك انا دفعت مقدمها خلاص لونها بترولى وطلبتها تيجى على عربيه ونش :)

**أبو صلاح** · 26-08-2009 02:47 PM

المشاركة الأصلية كتبت بواسطة asemx1

خلاص يا جماعه قولولى مبروك انا دفعت مقدمها خلاص لونها بترولى وطلبتها تيجى على عربيه ونش :)

الف الف مبروك
وزين ما اختارت
ربنا يباركلك
ورمضان كريم

بس متنساش انا عايز لفة

**asemx1** · 26-08-2009 02:56 PM

ههههههههههه لا مش هخلى حد يركبها خالص او يتفرج عليها هنقبها كمان ههههههههههه
ياباشا انتا تامر تعالى خد المفتاح من دلوقتى وكمل بقيه الفلوس هههههههههههههههه
اشطه ياجدعان

الموضوع: هشترى ياريس بكره عايز نصايحكم

LinkBack

أدوات الموضوع

عرض

-

-

-

-

المواضيع المتشابهه

هشترى جولف 1 83 بكره ومحتاج مساعده ضرورى

ان شاء الله انا نازل السوق بكرة.عايز نصايحكم

هشترى بطاريه بكره اشتريها نوعها ايه ؟

عايز نصايحكم يا جماعة فى اجراءات استلام السيارة

باور فى ال2107 ...اركبه ولا لأأ..ردوا بسرعه هشترى بكره ان شاء الله

الكلمات الدلالية لهذا الموضوع

المفضلات

المفضلات

ضوابط المشاركة