فعلا الالنترا تستحق الاحترام...

**tarekabosdera** · 26-08-2009 01:50 AM

عن تجربة . كل يوم اكتشف ان الالنترا سيارة ممتازة وتستحق الاحترام.

انا عربيتي النترا 2009 عاملة 6000 كيلو متر. اوتوماتيك - خليجي.

واليكم بعض المميزات والعيوب لحد دلوقتي.....

اولا: المميزات:

1- فخامة السيارة من الخارج ومن الداخل ( وعموما ده أذواق).

2-قوة الماتور الجبارة اللي بيخلي سحب العربية ممتاز ورسع جدا.

3-الدهان بتاع العربية كويس جدا ومبيطلعش الا لو اتحكت حكة شديدة. ( ممكن عشان هي خليجي).

4-وسع الصالون الداخلي بالاضافة الى ان الكراسي مريحة في المسافات الطويلة والسفر.

5- وسع الشنطة .

6-استجابة الجير بوكس ممتازة جدا في الكيك داون من غير ما تدوس على الدواسة للآخر.

7-صوت الماكينة هادئ نسبيا والار بي ام مبيرتفعش الا بصعوبة جدا لما تكون جايب اخر البنزين.

7- العزل ممتاز عند غلق النوافذ وفتح التكييف. كمان العزل الحراري ممتاز ومبحسش بأي حرارة داخل العربية صادرة من الماكينة او تحت .

8-اقتصادية في البنزين ( متوسط 230 كم / صفيحة) بنزين 92.

9- التكييف راااااااااااااااااااااااا ئع جدا حتى في اشد حالات الطقس .

10-السحب مبيضعفش جامد عند تشغيل التكييف.

11-الباور بتاع العربية متطور وبيتقل تدريجيا عند زيادة السرعة. وخفيف جدا لما تكون العربية واقفة.

12- العفشة ناعمة جدا ومريحة.

13- التقفيل كوري 100 % ممتاز جدا وكفائة..

العيوب:

1- العربية خفيفة شوية ( يعني مش خفيفة لدرجة الخطر في السرعات العالية). انما لما يكون الاسفلت مش مستوي بدرجة كويسة وتكون ماشي على 120 - 140 بتحس ان العربية بتعوم شوية.
وانا بالنسبة لي العربية وزنها مناسب لان لو وزنها زاد عن كده استهلاك البنزين هيزيد والتسارع هيقل.

2- اعتقد ( من وجهة نظري) ان تصميم العربية الخارجي يعيبه انه بيصد الهواء من الجوانب بشكل كبير مما يؤدي الى انحراف العربية انحراف بسيط لو عدى من جنبك اتوبيس او عربية نقل بسرعة عالية.

اخيرا وآسف على الاطالة . احب اقول ان الالنترا لا تقل شئ عن اي سيارة يابانية في فئتها . بالعكس بل تتفوق على بعض السيارات اليابنية في فئتها بجدارة. وانا ضد المقولة التقليدية اللي عف عليها الزمن واللي الناس مش عايزين يبطلوا يقولوها ( الياباني احسن من الكوري).

وياريت محدش يفتكر اني متحيز للالنترا عشان هي معايا . انا بقول كلام عن تجربة وكلام سأسأل عنه يوم القيامة اذا كان صادق ام كاذب.

ولو اي حد عنده استفسار يخص الالنترا . انا في الخدمة.

**Hosam_Optrawy** · 26-08-2009 04:26 AM

ربنا يباركلك فيها

**amr2009** · 26-08-2009 11:44 AM

سلام عليكم ورحمة الله وبركاته
الأخ الكريم طارق كل عام وانت بخير وهذا المنتدى الرائع بالف خير اللي استفدت منه كتير
انا ناوي اشتري النرا خلاالا ليومين دول ان شاء الله عايز اسئلك هل في فرق بين الخليجي والمصري بالنسبه للعربيه
الاوتوماتيك gl
خصوصا ان الخليجي ملهاش ضمان في مصر وده فرق جوهري بس هل فيها فروق تستاهل التضحيه بالضمان ولا لأ ياريت تفد دني من خلالا تجربتك واكون شاكر ليك جدا

**tarekabosdera** · 26-08-2009 02:56 PM

المشاركة الأصلية كتبت بواسطة amr2009

سلام عليكم ورحمة الله وبركاته
الأخ الكريم طارق كل عام وانت بخير وهذا المنتدى الرائع بالف خير اللي استفدت منه كتير
انا ناوي اشتري النرا خلاالا ليومين دول ان شاء الله عايز اسئلك هل في فرق بين الخليجي والمصري بالنسبه للعربيه
الاوتوماتيك gl
خصوصا ان الخليجي ملهاش ضمان في مصر وده فرق جوهري بس هل فيها فروق تستاهل التضحيه بالضمان ولا لأ ياريت تفد دني من خلالا تجربتك واكون شاكر ليك جدا

كل سنة وانت طيب وكل اعضاء المنتدى بخير وبعافية.

اولا انصحك اذا كانت امكانياتك المادية تسمح انك تجيب النترا gls اللي هي اعلى فئة ده لان فيها جنوط بتدي ثبات اكتر للعربية ده بالاضافة للفخامة والاوبشنز الكتير وعوامل الامان.

بس عموما الالنترا ممتازة بكل فئاتها.

بالنسبة لموضوع الخليجي انا بفضله لعد اسباب:

- الطلاء الخارجي بتاع الصاج بيكون قوي .

- التكييف بيكون ممتاز وفعال وسريع التبريد في اشد حالات الطقس.

- بتستحمل الحرارة اكتر والتهوية داخل غرفة الماكينة اعلى من النترا التوكيل.

- بيكون فيها ايرباج( في اول فئة في الاوتوماتك).

- فيها مؤشر حرارة.

- كرسي السائق بيعلى وبينخفض ( معرفش اذا كانت موجودة في الالنترا المصري ولا لا).

غير كده الخليجي زي المصري بالضبط.

بالنسبة للضمان : الضمان فائدته فقط لما يطلع في العربية عيب صناعة لا قدر الله وده بيكون احتمال ضعيف لان العربية بتتقفل في كوريا بنسبة 100% تقفيل ممتاز وكفائة.

بس لو انت مصمم على ضمان برضه ممكن تجيب الخليجي وتعلملها ضمان في احد مراكز الخدمة المعتمدة بيكون ساري خلال 40 او 60 الف كيلو مقابل 2000 جنيه تقريبا.

مراكز خدمة هيونداي كتير جدا على مستوى القاهرة ومعتمدة من الوكيل وشغلهم كويس جدا.

بس انت اسأل على الخليجي في المعارض ولو لقيت ان مفيهاش عوامل امان ( abs - 2airbags) يبقى اشتري من غبور الالنترا الاوتوماتك اللي نزلها جديد اللي فيها عوامل امان افضل.

انا الالنترا اللي اشترتها للأسف مفيهاشغير واحد ايرباج ومفيهاش abs بس ساعتها غبور مكنش لسه نزل الالنترا بعوامل الامان.
فانت حظك كويس ان غبور نزلها بعوامل امان.

وربنا يوفقك

**M.ABDEEN** · 26-08-2009 03:15 PM

ربنا يباركلك يا باشا وفعلا هيونداي وكيا دلوقتي مش على ابواب المنافسة لا ؟؟؟؟ دول في قمم المنافسة مع العمالقة بس فعلا يا ريت الحاقدين زي ما بتقول عقدة الياباني والالماني زي عقدة الخواجة كده ......وبرده هيقولوا عربية كوري ورق وبلاستيك ومواتير سكوتر اخرها 2 او 3 سنة وتبقى روبابيكيا خلينا في التوك توك الهندي احسن كوري ايه وبدنجان ايه ؟؟؟؟؟؟؟وحسبنا الله ونعم الوكيل

**sam07** · 26-08-2009 05:18 PM

المشاركة الأصلية كتبت بواسطة tarekabosdera

عن تجربة . كل يوم اكتشف ان الالنترا سيارة ممتازة وتستحق الاحترام.

انا عربيتي النترا 2009 عاملة 6000 كيلو متر. اوتوماتيك - خليجي.

واليكم بعض المميزات والعيوب لحد دلوقتي.....

اولا: المميزات:

1- فخامة السيارة من الخارج ومن الداخل ( وعموما ده أذواق).

2-قوة الماتور الجبارة اللي بيخلي سحب العربية ممتاز ورسع جدا.

3-الدهان بتاع العربية كويس جدا ومبيطلعش الا لو اتحكت حكة شديدة. ( ممكن عشان هي خليجي).

4-وسع الصالون الداخلي بالاضافة الى ان الكراسي مريحة في المسافات الطويلة والسفر.

5- وسع الشنطة .

6-استجابة الجير بوكس ممتازة جدا في الكيك داون من غير ما تدوس على الدواسة للآخر.

7-صوت الماكينة هادئ نسبيا والار بي ام مبيرتفعش الا بصعوبة جدا لما تكون جايب اخر البنزين.

7- العزل ممتاز عند غلق النوافذ وفتح التكييف. كمان العزل الحراري ممتاز ومبحسش بأي حرارة داخل العربية صادرة من الماكينة او تحت .

8-اقتصادية في البنزين ( متوسط 230 كم / صفيحة) بنزين 92.

9- التكييف راااااااااااااااااااااااا ئع جدا حتى في اشد حالات الطقس .

10-السحب مبيضعفش جامد عند تشغيل التكييف.

11-الباور بتاع العربية متطور وبيتقل تدريجيا عند زيادة السرعة. وخفيف جدا لما تكون العربية واقفة.

12- العفشة ناعمة جدا ومريحة.

13- التقفيل كوري 100 % ممتاز جدا وكفائة..

العيوب:

1- العربية خفيفة شوية ( يعني مش خفيفة لدرجة الخطر في السرعات العالية). انما لما يكون الاسفلت مش مستوي بدرجة كويسة وتكون ماشي على 120 - 140 بتحس ان العربية بتعوم شوية.
وانا بالنسبة لي العربية وزنها مناسب لان لو وزنها زاد عن كده استهلاك البنزين هيزيد والتسارع هيقل.

2- اعتقد ( من وجهة نظري) ان تصميم العربية الخارجي يعيبه انه بيصد الهواء من الجوانب بشكل كبير مما يؤدي الى انحراف العربية انحراف بسيط لو عدى من جنبك اتوبيس او عربية نقل بسرعة عالية.

اخيرا وآسف على الاطالة . احب اقول ان الالنترا لا تقل شئ عن اي سيارة يابانية في فئتها . بالعكس بل تتفوق على بعض السيارات اليابنية في فئتها بجدارة. وانا ضد المقولة التقليدية اللي عف عليها الزمن واللي الناس مش عايزين يبطلوا يقولوها ( الياباني احسن من الكوري).

وياريت محدش يفتكر اني متحيز للالنترا عشان هي معايا . انا بقول كلام عن تجربة وكلام سأسأل عنه يوم القيامة اذا كان صادق ام كاذب.

ولو اي حد عنده استفسار يخص الالنترا . انا في الخدمة.

كل الكلام الا انت قولته ده صح انا معي العربيه ولاحظت الكلام ده!
شكرا

**Ahmed.TV** · 26-08-2009 05:56 PM

انا معاكم ان الالنترا ممتازة جدا وبصراحة اثبتت انتشار وكفاءة ورفعت اسم الكورى فى مصر لفوق بس اللى بيخلى الناس مترددة منها هو مركاز الصيانة والخدمة بتاعت غبور بيقولوا انها سيئة للغاية سواء فى الصيانة او المعاملة او الخدمات , فى ناس بتقولوا انهم معندهمش نظام ولا فهم وكمان فى جشع عندهم , فعشان كدا الناس بقة بتقلق من غبور , بس هى العربية تحفة وخصوصا اللى بينزل منها بمواصفات خليجى زى الافانتى مش عارف اذا كانت لسه بتنزل ولالا , العربية دى فى امكانيات هايلة وقريته فى موضوع هنا عنها عجبنى تقفيلها وخاماتها وامكانيات الامان اللى فيها والكماليات اللى معاها بمقارنة بالمصرى بتاع غبور ارمى العربية وسبهاله تصدى , بس الالنترا ممتازة وكعيب فى العربية هو التنفيخ اللى فى صاجها لو لقدر الله عملت حادثة صعب السمكرية يرجوعها تانى وغير كدا المصرى بيقولوا ان طلاء العربية بيضعف لكن من ناحية الماتور تحفة وعزلها سواء الحرارى او الصوتى كويس جدا واحسن من السيراتوا بكتيرررر