ارجو المساعده من اهل العلم__لادا2105

بدات المشكله بحدوث رجرجه عنيفه جدا اثناء الحركه على الغيار الاول من الثبات و ذلك عندما تسخن السياره فقط
اما و هى فى بدايه اليوم فلا توجد اى مشكله
اقتنعت انها ديسك و قولت اغير طقم دبرياج و لكن للصدفه غيرت طقم كهرباء الاول (بوجيهات و ابلاتين و كوندنسر)
فلم تعد الرجه بنفس العنف بل تحولت لرعشه بسيطه سلسه و استمرت اسبوعين تلاته
فصرفت نظر عن تغيير طقم الدبرياج و قمت بتنظيف الكاربيراتير و ظبط المكنه عند الميكانيكى و بعدها مباشره رجعت نفس الرجه العنيفه مره اخرى
هل الابلاتين و الكوندينسر و ظبط الهوا و السلانسيه عليهم عامل فى تخفيف هذه الرجه العنيفه و كيف؟

ام لا علاقه؟
و جزاكم الله كل خير

كل دة مشكلة كهرباء ,خلى حد شاطر يظبطهالك

جزاك الله خير

اولا المشكلة ديه ليها كذا سبب
اولا الموتور مش مظبوط يعني كهرباء و ظبط هواء
ثانيا انتا بتقول لما العربية تسخن انت كدة عندك مشكلة في خامة و حالة الاسطوانة و الفلام
ثالثا ممكن تكون المشكلة من قواعد الموتور و الفتيس عاوزة تربيط او تغير
شوف الاخف الاول صقم كهرباء و بوجيهات و سلوك بوجيهات
و بعدين بص على القواعد
و بعدين لو كلة طلع اول يبقي طقم دبرياج و ممكن يكون الفلام محتاج خرط

شكرا لك اخ aYaBooY لكن ما هو الفلام و اين مكانه و ما المشكله فى تغييره

الفلام هوا ترس كبير بياخد الحركة من الكرنك و بيديها للاسطوانة الي بتسلمها للفتيس و منه لعمود الكردان و من عمود الكردان للكرونة

شكرا لكل من حاول المساعده و سوف اوافيكم بالنتيجه ان شاء الله