هي بالنسبة للظروف الإقتصادية في مصر و للشباب دي فرصة .
إنما إنسانياَ ده إستعباد طبعاَ .. إدارة المحل بتطالب واحد يلغي حياته في مقابل 2000 جنيه في الشهر !
بس طبعاََ إحنا عارفين الظروف صعبة في بلدنا .
عرض للطباعة
هي بالنسبة للظروف الإقتصادية في مصر و للشباب دي فرصة .
إنما إنسانياَ ده إستعباد طبعاَ .. إدارة المحل بتطالب واحد يلغي حياته في مقابل 2000 جنيه في الشهر !
بس طبعاََ إحنا عارفين الظروف صعبة في بلدنا .
بالنسبة للحياة فى العاصمة هنا فده صعب جدا جدا جدا .
لما تدخل التوحيد و النور هتلاقى كل الموظفين و العاملين من القرى و الارياف .
لان اولا هما اهتماممهم بالموبايل مش زى اللى عايش فى العاصمة , و كمان المرتب يعتبر كبير الى حد ما , و الشغلانة دى مش بتطلب خريج كليات معينة او خبرات بالسنين .
فبتبقى فرصة كبيرة جدا لشباب القرى و المحافظات البعيدة عن القاهرة + انهم ما شاء الله صحتهم بتكون افضل لان نسبة التلوث عندهم قليلة .
من الاخر دى وظيفة متنفعش لشباب القاهرة خــــالص .
ربنا يوفقكم جميعااا
اكيد دى تبقى فرصة لواحد معندوش شغل او لسه متخرج او ظروفه صعبة
ياجماعة فى جمعية "اكفل اسرة" بدخل على بيانات الاسر فيها الاقى الاسرة محتاجة 250 جنيه فى الشهر
اسرة بحالها محتاجة مبلغ زى ده وده اقصى امانيها
فمبالك لو قلتلهم الف جنيه
فبلاش نتكلم من برجنا العاجى واحنا فى مكتبنا اللى بالتكييف والاب توب والعربية اللى مستنيانا تحت فى الضل علشان لما ننزل التكييف يبقى شغال كويس
الحمد لك كما يبنغى لجلال وجهك وعظيم سلطانك
الراجل ده هيبيع ايه؟
و بعدين مرتب عبيط على وقت الشغل ده كله
انا حاسس بجد انى حلاقى حد بيقول 1600 جنيه دول مش حيقضوا فاتورة الموبيل
من كلامي كذا مرة مع بياعيا وناس شغالين هناك
الموضوع استعباااااااااااد وتحكم ولا الجيش وضرب من تحت الحزام وموظفين بتضرب في بعض (القدام والجداد)
استاذ مايو ,
شكرا ليك , انت قصدك كريم فعلا .
ولكن للاسف مواصفات العمل الي حضرتك بتوصفها دي حتى تعتبر تعدي علي مبادئ حقوق الانسان !
المفروض ( المفروض ) العمل الطبيعي للانسان , 7 يوميا او 40 ساعة اسبوعيا , اجازة يوم واحد هي الجمعة يبقى الخميس نصف يوم .
لو الخميس يوم كامل يتعوض فرق الساعات في الاسبوع و يكون الجمعة و السبت اجازة .
طبعا ده نظام عام و مش بيطبق بحذافيره .
لكن ده النظام المتبع تقريبا في كل حتة من اصغرها لاكبرها بس في مصر ال 7 ساعات دول بيبقوا 8-9 .
بصرف النظر كونه التوحيد و النور او ان شاء الله منظمة في الامم المتحدة :)
انت جبت من الاخر , ربنا يبارك فيك
حضرتك تقدر تشغل واحد لسه خريج تجاره بمرتب يتعدى الألف ونص فى الشهر بدون ما يكون عنده خبرات ؟
مع احترامى اتحدى
يا جماعه بس متقولوش استعباد علشان يعنى محدش بيروح يشتغل فى حته وصاحب الشغل بيقعد يهشكه طول النهار
اللى بيشغل حد عايز ياخد منه فلوسه شغل وانتاج وكون صاحب الشغل حريص على تأديه العامل شغله على اكمل وجه ميبقاش اسمه استعباد , كل ده علشان بياخد منهم التليفونات ؟ صدق من قال ان التليفونات كلت دماغ الناس وقضت على فلوس الشعب
ضرب من تحت الحزام والكلام ده موجود فى اى شغل من اول مخزن محل بقاله لغايه اكبر شركه بترول فى العالم كله مش مصر بس كمان , دى طبيعه فى البشر
مش موضوع مبادئ حقوق الانسان انت لو قسمت المده هتلاقيها 7 ساعات ونص المرتب حوالى 800 جنيه او اكتر يبقى هو هو بس التوحيد والنور بيقدم فرصه احسن للى عايز يشقى ويتعب ويكافح علشان يبنى نفسه وبدل ما يشتغل فى مكانين ويبقى صبح وليل بيلف فى الشوارع وملوش ميعاد للراحه يقدر يشتغل فى مكان واحد مع الاخذ فى الاعتبار يعنى ان شغلانه البياع دى فى اى مكان مستحيل توصل مرتبها ل 800 جنيه
بعيد عن كدا اللى اشتغل قطاع خاص هيعرف ان الشغل بيطلبك فى اى وقت ومفيش حاجه اسمها مينفعش يعنى شغلك هيتعدى ال 7 ساعات دى + ان لأى ظرف ممكن اجازتك تروح ومفيش تعويض عليها غير ان بس المدير يبقى بيحبك وبيكرمك وبيعاملك حلو علشان انت بتتعب
اللى ميعرفش الكلام ده يبقى مشافش شغل الخاص ومشافش معاناه واحد متخرج جديد من كليه ومعندوش اى خبرات وعايز يكون نفسه , اللى بيشتغل الشغلانات دى فعلا شباب ربنا يبارك فيهم عايزين يبنو نفسهم صح ويشتغلو كل الوقت لأن اللى عايز يبقى حاجه محترمه مش هيحط فى باله امتى هيخرج مع صحابه وهيتطمن على الناس بالموبايل وقت الشغل ازاى
الحمد لله على حالنا وربنا يبارك للراجل صاحب التوحيد والنور على مساعدته للشباب
Ahmad Nouh..you call this helping the people....
it is more like a killing than helping