مشكلة المصريين بشكل عام فى جزئية المبيعات عايزين دروس مكثفة لكيفية تعامل موظف المبيعات مع العميل ابتداء من الابتسامة لحد ما تأخذ السلعة وتستخدمها الى خدمة مابعد البيع احنا متخلفين فى المجال ده لابعد الحدود
رقم العضوية : 45032
تاريخ التسجيل : 17Aug2009
المشاركات : 28
النوع : ذكر
الاقامة : C
السيارة: y
السيارة[2]: x
الحالة :
بسم الله الرحمن الرحيم
أنا قلت أعمل موضوع أحكي فيه كل حكايتي (إلي لسة في أولها أصلاً) مع السيراتو الجديدة يمكن دة يفيد أي حد من متابعي المنتدى
أولاً أنا عرفت المنتدى من فترة قريبة عن طريق واحد صاحبي أول ما قلتلو اني ناوي إن شاء الله أجيب عربية جديدة و الحقيقة من ساعتها و أنا فاتح المنتدى تقريباً أربعة و عشرين ساعة.
في البداية كنت بفكر في لانسر الجديدة بس كانت أغلى حبة من حساباتي و مكنتش فاهم هي ليه مش منتشرة أوي و فكرت في عربيات تانية كتير ذي الصني و المازدا 3 و السيفيك و غيرهم .. المهم مش هطول عليكم .. من ساعة ما قعدت أتابع الموضوعات اللي في المنتدى و أنا كل شوية أخبط في السيراتو و أخبارها و اعجاب الناس بيها و تفاصيل تفاصيلها لحد لما اقتنعت بيها على الاخر (ألف شكر بجد لكل واحد بذل مجهود عشان يشرح ميزاتها و عيوبها)
المهم قررت أروح اتفرج عليها بعد ما تقريباً حفظتها من غير ما أشوفها و بما اني من سكان مدينة نصر فكلمت امبارح فرع روكسي عشان حسيت إن دة أقرب توكيل ليا و سألتو عن مكانهم و مواعيدهم .. حسيت من اللي رد عليا إنه كان قرفان شوية بس ما علينا .. سألتوا عن مكان فرع القطامية فقالي إن دة للصيانة بس مش للبيع.
النهاردة بعد الفطار رحت فرع روكسي و لقيت اتنين مسؤلين مبيعات جالي واحد منهم اسمو عمرو و قلتلو اني عايز اشتري السيراتو الجديدة الهاي لاين .. أظن مفيش أكتر من كدة وضوح اني مش جاي أضيع وقتوا و إنه محتاج يبتسم بس في وشي و أنا أروح أجبلو el-126 ألف علطول مش بس المقدم .. انما طبعاً فضل كرهني ذي مكون باذيه بزيارتي ديه .. قالي على المواصفات اللي أنا كنت حفظها أصلاً و مش عارف اوقفوا عن التسميع .. عرفت منو إن الحجز بعشرين ألف و الاستلام بعد حوالي أربع شهور .. و مفيش ألوان الابيض و الأزرق .. مكنشي فيه أي عربية أتفرج عليها فخلاني أبص بسرعة على عربية واحد كان جايبها للصيانة .. بس لا شرح حاجة ولا كان عايز يكلمني أصلاً أو حتى يقف معايا و أنا بشوفها .. بعد ما شفتها رجعتلو لقيتو مشغول فدخلت على التاني اسمو رامي و سألتوا نفس الاسئلة و جاوبني بنفس التكشيرة .. حاجة تقرف بصراحة
لما روحت قررت أعرف سكة أي فرع تاني عشان نفسي إتسدت من الفرع دة .. وصلت لنمرة فرع القطامية و كلمتهم و إتأكدت فعلاً انهم صيانة بس .. و عرفت نمرة فرع المعادي و كلمتهم مردوش .. هكلمهم بكرة تاني و يا رب أوصلهم .. وإلا مش هيبقى قدامي غير أبو رواش و دة بعيد عني أوي.
معلومات سريعة:
- العربية عجباني جداً .. من برة عظيمة .. و من جوا تبلوه نضيف .. متصدقوش الكلام عن إنو فقير .. إلا لو كنت بتقرنوا مع bmw مثلاً
- الكراسي الجلد ناشفة شوية بس مريحة .. الشنطة واسعة جداً جداً
- دة اللي لحقت الاحظو في العربية اللي شفتها
-فرع روكسي دة هووا اللي فيه بيع و صيانة بمعاد .. فرع القطامية صيانة بس و من غير حجز مواعيد .. و جمبهم موزع اسمو محمد زكي .. فرع المعادي بيع بس.
هحاول أضيف كل ما أعمل خطوة في سكتي لحد لما اشتري السيراتو أو استسلم أمام تكشير مسؤولي المبيعات.
اتمنى إن الموضوع يكون مفيد و إذا كان حد عايز يسأل عن حاجة يقولي بس و أنا اسأللو لما أروح تاني.
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
مشكلة المصريين بشكل عام فى جزئية المبيعات عايزين دروس مكثفة لكيفية تعامل موظف المبيعات مع العميل ابتداء من الابتسامة لحد ما تأخذ السلعة وتستخدمها الى خدمة مابعد البيع احنا متخلفين فى المجال ده لابعد الحدود
رقم العضوية : 33438
تاريخ التسجيل : 19Feb2009
المشاركات : 14,563
النوع : ذكر
الاقامة : استراليا
السيارة: None
السيارة[2]: Toyota Camry
دراجة بخارية: Harley-Davidson
الحالة :
روح لفرع المعادي و اسال عن محمد عبد القادر شاب ذوق ذوق ذوق صراحة .....
رقم العضوية : 30094
تاريخ التسجيل : 14Jan2009
المشاركات : 2,256
النوع : ذكر
الاقامة : EgYpTo
السيارة: Only One
السيارة[2]: Private
دراجة بخارية: RR
الحالة :
فعلا بتوع المبيعات ف مصر لعنه .. بدل ما يخليك تحب العربيه يكرهك فيها ..
ودا يمكن علشان كل واحد منهم كان نفسوا ف شغلانه تانيه او مش عاجبه المرتب وبيفكر ف الشيفت التاني اللي ف مكان تاني او عارف انه مش هيفرق ف كتير او قليل ف قرارك
ربنا يُلطف بينا !!
[glow1=#7a3131]Dr.Ahmed AlSherif[/glow1]
رقم العضوية : 45032
تاريخ التسجيل : 17Aug2009
المشاركات : 28
النوع : ذكر
الاقامة : C
السيارة: y
السيارة[2]: x
الحالة :
فعلا .. ضايعين إلى أبعد الحدود .. دة أنا باقلو عايز اشتري .. يعني عايز اه أكتر من كدة عشان يهتم .. و على فكرة أنا شفت نفس التكشيرة الغبية ده في بافاريا إلي عند كارفور المعادي .. كنت مع واحد بيدفع 360 ألف في bmw 320i و بردو واخد تكشيرة في وشو.
فعلاً مشكلة عامة جداً في مصر .. ملهاش علاقة بمستوى المكان ولا مستوى العملاء
رقم العضوية : 45032
تاريخ التسجيل : 17Aug2009
المشاركات : 28
النوع : ذكر
الاقامة : C
السيارة: y
السيارة[2]: x
الحالة :
رقم العضوية : 33890
تاريخ التسجيل : 24Feb2009
المشاركات : 2,315
النوع : ذكر
الاقامة : Cairo
السيارة: Megane 2005
السيارة[2]: Corolla 2016
دراجة بخارية: ﻻ يوجد
الحالة :
مش عارف اقولك ايه ...هي العربية حلوة اوي ... بس المشكلة ان التسليم زفت ...لو مستعجل خليك مع الموزعين واستحمل الاوفر برايس
سبحان الله عدد ما كان و عدد ما يكون و عدد الحركات و السكون
رقم العضوية : 22753
تاريخ التسجيل : 20Oct2008
المشاركات : 230
النوع : ذكر
الاقامة : el haram
السيارة: lancer shark 2008
السيارة[2]: kia sportage
دراجة بخارية: no
الحالة :
روح لمحمد زكى ناس محترمة بجد و اسأل على واحد هناك اسمو سمير راجل جدع اخر حاجه و زوق جدا و من غير ما تقلهم انك حتشترى حتلاقيهم بيرحبوا بيك و يقدروك و ربنا يوفقك ان شاء الله
رقم العضوية : 12441
تاريخ التسجيل : 07Jun2008
المشاركات : 1,107
النوع : ذكر
الاقامة : nasr city
السيارة: sunny 2005 / rio 2006
السيارة[2]: cerato 2009 old shape
الحالة :
بص يا سيدي
كدة كدة الوكيل معنذش تسليم فوري
و أنا بترجاك
متشتريش بالؤفر بريس
كمان لو عايز تشوف العربية برحتك
روح محمد زكي القطامية
و فعلاً سمير ممتاز جيداً و محترم جيداً و د رقم محمول ٠١٠٢٩٠١٠١٥
إتصل به عشان تعرف في عربيات متوفرة عشان تشوفها ولا لأ
و في ياسين فرع روكسي أمام نادي هليوبليس
إسأل على أحمد رأفت
بردو رجل ذوق جيداً و متعاون جيداً
و لو موجودة عندهم و طلب أوفر برس بلغني و أنا أجيبلك سعر كويس من عندهم
رقم العضوية : 43788
تاريخ التسجيل : 21Jul2009
المشاركات : 861
النوع : ذكر
الاقامة : EL-REHAB CITY
السيارة: Corolla Adv. 09
السيارة[2]: Yaris 2015
دراجة بخارية: مش باحبها
الحالة :
المشكله الازليه انه بيحسسك انك رايح تشحت مش رايح تدفع فلوس اللى بيقبض منها مرتبه هو واللى زييه
المفضلات