السلام عليكم
ياجماعة انا من الاسماعيلية وعايز انزل لمنطقة ابو رواش لعمل الصيانة للسيارة
فياريت مساعدة من الاعضاء
عرض للطباعة
السلام عليكم
ياجماعة انا من الاسماعيلية وعايز انزل لمنطقة ابو رواش لعمل الصيانة للسيارة
فياريت مساعدة من الاعضاء
الطريق سهل جداً إن شاء الله
انت طبعاً هاتنزل من طريق الإسماعلية علي الدائري...إتجاه القاهرة الجديدة و القطامية و المعادي...
هاتفضل ماشي فيه لما تزهق...لا تحود يمين ولا شمال...مسافة بتاعة 30 كيلو كده
هاتعدي النيل...
و انت ماشي هتلاقي كوبري جديد كده و هتلاقي يفط بتقولك طريق إسكندرية الصحراوي...إطلع الكوبري ده
انا ماطلعتوش لسه...بس اللي أعرفه انه بينزل علطول علي الطريق...و عموماً هتلاقي يفط كتير ماتقلقش
أول ما تنزل عند طريق إسكندرية...هاتمشي شوية لحد ما تلاقي كارفور و داندي مول علي يمينك...و بعدها فيه بنزينه موبيل...بعد البنزينة علطول...خش يمين...بحيث يبقي علي شمالك سور القرية الذكية
هاتفضل ماشي في الشارع ده على طول...لحد ما تلاقي صينية ...هتلف و تخش شمال...مع يفط كيا و فولكس...و تفضل ماشي في الشارع ده لحد ما هتلاقي توكيل كيا علي يمينك بعد البنزينة
فهمت حاجة ولا حاسس انك روحت المريخ؟
نادر هما فتحوا الكوبري و لا لسه؟ على حد علمي لسه !
اعتقد الاتجاة التانى اسرع
اطلع الدائرى اتجاة اسكندرية الزراعى واعدى على طول لحد متلاقى المريوطيه او الكوبرى الجديد ما هو اوله من هنا على فكرة ناحية المعادى هتمشى اكتر من 60 كيلو الناحية التانية مش اكتر من 25 كيلو انا مجرب الاتنين
علشان انا ساكن فى المعادى وبروح اسكندرية الزراعى كتير
شكرا ليكوا ياجماعة
وبجد شكر خاص لنادر اللى بعنى فى الصيانة بس هنزل وهحاول اتوة نفسى
ميدو باشا انت حجزت الساعة كام
انا هاكون هناك بأذن الله الساعة 9 صباحاً