استهلاك البنزين في البرسونا؟
السلام عليكم و رحمة الله وبركاته
إزيكم يا شباب, كل عام وأنتم طيبين وإن شاء الله تكونو بخير.
كان نفسي آجي الفطار بس للأسف في فطار ل صحاب الجامعة مظبطينو من فترة في نفس اليوم :majd(4):
إن شاء الله تتعوض مرة تانية.
الحمد لله العربية ماشية معايا تمام ومبسوط منها
ماطلعليش عيوب الحمد لله غير حاجة بسيطة, الدركسيون مش مظبوط, يعني عشان أمشي طوالي لازم اعوج الدركسيون شوية مش اخليه أفقي, ومؤشر البنزين بحسه فعلا مش مظبوط, ومرة فولت وفضل مشاور على إن لسة في شارتة ناقصة, , بس دي كلها حاجات بسيطة الحمد لله,
بس في عندي سؤال على استهلاك البنزين,
لما حسبته آخر مرة لقيته 271.8 كيلو ب 35.43 لتر أو 153 كيلو ل كل 20 لتر.
مع العلم إن العربية اوتوماتيك فل أوبشانز, وعاملة 1130 كيلو. وماشغلتيش التكيف أكتر من15-25 دقيقة من وقت الاستهلاك اللي حسبت عليه الرقم ده.
فـمش عارف هل ده طبيعي أو عشان العربية لسة مش عاملة كيلوات كتيره مثلا؟
أو ممكن تكون طريقة سواقة, وإذا ده السبب طب أعمل إيه عشان اقلل استهلاك البنزين؟ :L_bhuhhh[1]:
باسمع ناس بتقول متوقرسش وماتسوقش سواقة رياضية , بس إيه معنى ده في الاوتوماتيك بالضبط؟ :shyy:
متشكر ليكم جميعا على اهتمامكم