صوت الكاوتش الكومهو مزعج للدرجة دى؟
الموضوع يا شباب إنى بسمع صوت عالى مثل صوت المحرك (صوت خشانة كده) على جميع السرعات لدرجة إنى بطفى المحرك و أنا على سرعة 120 ك/ساعة و بكون ممور العربية حتى أسمع الصوت لوحده و تخيلوا صوته أحيانا بيكون أعلى من صوت الموتور يعنى الصوت ده لو مش موجود العربية تبقى ناعمة و super silent كمان
المهم فى البداية قولت صوت bearing رولمان بلى يعنى بتاع العجل الأمامى و قبل ما أحير نفسى روحت التوكيل فرع العامرية ك 28 صحراوى و قام بعمل drive test المهندس أحمد بهنسى و كانت إجابته قاطعة
صـــــــــــوت كاوتــــــــــــــش
مع العلم إنى عامل 33000 كم فقط و عربيتى أوبترا 2007 أتوماتيك و الكاوتش مافيهوش حاجة من ناحية الفرامل و لكن هو ناشف شويه من أول يوم و قالى أصل الأوبل بتنزل ببريدجستون و الشيفروليه بينزل بالكومهو كله على أد فلوسه
طبعا ده مش هيبان إلا لما أغير الكاوتش و هتكون العربية خرجت من الضمان
أنا فكرت أرفع العربية عند أى ميكانيكى و أدورها حتى أسمع صوت الـbearing لوحده بس قولت أستشيركم الأول و أعرف هل الصوت موجود عندكم و انا اللى موسوس حبتين و لا إيه النظام