كلمة ونص 10-مايو-2007

**sab3aawy** · 10-05-2007 12:13 PM

ليه لما بروح للميكانيكى او الكهربائى علشان يغيرلى لمبة فى الفانوس الامامى او بربطلى مسمار فى قاعدة الموتور لازم ارجعله علشان نفس العيب 3 او 4 مرات؟ وليه لما اكون بعمل شغلانة كبيرة فى العربية احسن حاجة اعملها بعدها علشان ارحم نفسى هو انى اراجع بإيدى تربيط العربية كلها ورا الميكانيكى،بدل ما ارجعله 100 مرة؟

**وائل عطية** · 10-05-2007 12:18 PM

ياسيدي أنت تتحدث عن مشكلة الضمير
فاختفاء الضمير في تعاملاتنا على جميع المستويات يُفضي إلى ظهور كافة المشاكل وإلى انتشار سياسة " الهبش " بأي شكل وخلاص
أصل هو لو ربط وظبط كل حاجة هو مقتنع إنك مش هاترجعله تاني مايعرفش إن ممكن صحيح ما ترجعش لكن ممكن تعمله تسويق عند واحد زميلك أو صديقك كمكافأة له على إتقانه لعمله !!!

**ragea Abdoo** · 10-05-2007 12:24 PM

للاسف كل الناس الصنيعية محتاجة الدق على الراأس مثل المسمار علشان تمشى عدل ولازم تقف على رأس الميكانيكى علشات تضمن انه لم ينسى مسمار فى جسم المريض ..... اقصد العربية إلا من رحم الله

**M_ElSabaa** · 10-05-2007 04:25 PM

الموضوع ده مش فى الميكانيكية بس يا استاذ سبعاوى ده موجود فى كل الصنايعية تقريبا مفيش حاجة تعملها عمولة عند حد وإلا لازم تكون مراقبه انا مرة واحد صاحبى كان بيظبط حاجة فى العفشة والميكانيكى مربطلوش الكاوتش كويس وهو ماشى فلتت العجلة بس ربنا ستر ومحصلوش حاجة