-
انا معى عربية اسكورت موديل 98 عملت حادثة جامدة روحت الحرفيين عندى السكرى والصفا دول نصبين اربع ابواب 2400 كبوت 800 جزء خلفى الصفا 4100 السكري 6500 روحت بورسعيد الصفا جمله السكري الاسبوع الجاي ..... الخ فيه واحد اسمه الازهراي و الرحيم بس الحاجة مش موجود الان الجعفرى فى الاسماعيلية اشتريت من عنده الاربع ابواب 1200 كامله الكبوت 400 رقم تليفونه 0123977975فية واحد لسة فاتح جديد فى الاسماعيلية في اول شارع البحرى اسمه العميد اشتريت منه الفانوس الخلفي 100 جنية واسعاره ذى الجعفرى
-
الف سلامة عليك من اي حادث و ربنا ما يحكم عليك باي مكروه تاني
الجعفري بجد راجل عاوز يبيع و بيتقى ربنا في الناس و السكرى فاكر نفسة فاتح بازار في المتحف
العميد ده هاروح اشوفة في اقرب وقت بس هو في اول البحري من ناحية هدى شعراوي ولا من ناحية الاستاد ؟؟
و ده رقم تليفون الجعفري الكبير و الرقم الي انا كنت منزلة بتاع واحد اسمه محمود اعتقد ابنه
-
-
الجعفرى ده مكانه فين بالظبط ياباشا
-
-
احمد في الوكالة 0105197581
-
شكرا جدا على الموضوع والمعلومات
لو ممكن نحدد احسن مكان لشراء قطع الغيار اصلى واستيراد ومكان تصليح او ميكانيكى يكون شاطر من غير خبط
-
مشكوريييييييييييييييييييي ييييييييين جدا علي مجهوداتكم الجبارة دي و خاصه مجهود صاحب الموضوع النجم aYaBooY لانه فعلا لم اكتر من 90% من الناس اللي كنت بسمع عنهم في السوق و ياريت نعمل مواضيع مجمعة زي دي كتير مثلا عن كل مراكز الصيانة و الميكانيكية و العفشجية و عناوينهم و نمر التليفون و اخبار المعاملة عندهم ايه و نجمع معلومات عن العربيات الفورد و معظم الاعطال الشائعة لكل واحدة و طريقة تصليحها و هكذا عشان نسهل عملية الصيانة و التصليح من غير ما يضحك علينا
-
انا عن نفسى بصلح العربية عند ميكانيكى مش متخصص فورد وهقولكم الفرق اللى بينه وبين اى ميكانيكى عادى وبين "متخصصين فورد"
اولا انا اشتريت العربية من سنتين وكان فيها عيب الحرارة وصباع الحرارة بايظ وعايز يتغير وكلام كده
طبعا انا جديد فى الفورد وفاكرها زى اى عربية فودتها لميكانيكى وكنت اشتريت صباع الحرارة ده وقولتله ركبه قالى من عنيا المهم قعد بالساعات علشان يلاقى مكانه ويغيره مع انه لو حد حافظ مكانه كان غيره فى ربع ساعة
المهم اكتشفت ان الفورد لازم متخصص ,,, بس عندى قدام بيتى ميكانيكى كل الناس بتشكر فيه وفى شغله فالعربية فى مرة و طقم الدبرياج كان تعبان فباظ خالص وقطرناها لحد البيت فقولت اوديهاله وربنا يستر علشان الميكانيكة المعقدة اللى فيها ,,, روح قلتله بتفهم فى الفورد قالى بفهم فى الفورد قلت اهى محاولة وربنا يستر ,,, بس بجد طلع راجل فاهم فيها كل حاجة وحافظها بمعنى الكلمة ومش بيفتى فيها يعنى عارف مكان المسمار فيها ومن ساعتها وانا بصلحها عنده وفى حاجات طبعا بيقولى مينفعش انا اعملهالك زى الكهرباء علشان الكنترول يونيت وكده يعنى مش بيفتى
انا كان فيه مشكلة من فترة ان العربية الموتور بتاعها بيعلى ويوطى فى المشى المهم طبعا كان فيه حد شافها وقالى ده ايدلر المهم غيرته وفضل نفس العيب ,,, المهم قريت موضوع هنا عن نفس العيب مع خبير القسم هنا جوزيف ان العيب ده عنده وكان الكل بيقول ايدلر وتى بى اس وراح لقطب اللى فى الضاهر وزبظتهاله بالكمبيوتر والمشكلة اتحلت المهم روحتله راح ساقها بس قبل ما يسوقها فك حساس الكيلومتر الصوت راح والسحب بقى وحش جدا جدا جدا مع انه كان فك الحساس كان حلو جدا جدا المهم راح قايل دى تبقى اسطوانة دبرياج !!!! مع انها جديدة فالمهم قلتله هشوف كده وهبقى اجيلك طبعا انا متأكد ان العيب مش فى طقم الدبرياج المهم حد نصحنى اروح تكنو الىل فى الحرفيين اكشف عليها فى نفس اليوم روحت وطلع ان العيب فى التى بى اس وغيرته والعيب فضل هو هو
المهم روحت لورشة فورد فى صقر قريش وهما اللى ظبتوها بجد وكان فيه خراطيم بايظة ووصلات عايزة تتوصل والمشكلة اتحلت وحساس الكيلومتر اتوصل والسحب رجع عال العال
طبعا انا مش بنتقد اسطى قطب لانى مش بحب احكم على اى حد من اول مرة وبجد لو احتجت اظبط كهرباء فى العربية وده ان شاء الله هيحصل قريب هروحله لانى مش بحكم على اى شحص فى اى مجال من اول مرة لانه ممكن يكون خانه التقدير
اللى عايز اقوله ان الفورد مش محتاجة متحصص فورد احبانا بس ده فى حالة ان الميكانيكى اللى بتتعامل معاه خافظ العربية زى الميكانيكى اللى بروحله بجد مغيرلى حاجات كتير صعبة يعنى طقم دبراج وسير اللى بيبقى عند الباور اللى بيبقى فيه كذا بكرة وطرمبة ماية ومانافولد والفلاتر كلها وجوان وش سلندر وقواعد ماتور والكلام ده وبيعملها من غير ما يدور لا هو حافظ فين مكانها وكذلك العفشجى مش شرط متخصص المهم يكون فاهم
بس ضرورى فى الكهرباء الصعبة تروح لمتخصص فورد لازم لازم لازم لان ظبطها مش اى حد بيعمله لازم اجهزة وبرامج مخصوصة وده لو الميكانيكى بتاعك فاهم وبيراعى ربنا هيقولك كده
العربية يا جماعة لازم تعمل حاجات ضرورية " للناس اللى معاهم فورد او اللى بيفكروا يجيبوا "
الفلاتر دى يا جماعة " فلتر هواء وبنزين وزيت" بجد انا كنت مهملهم جدا جدا والبوجيهات برضوا بس بجد من اسبوع فات من ساعة ما غيرتها وانا حسيت انى كنت راكب حاجة مكتومة وفجاءة اتفتحت بجد اداء مشفتهوش قبل كده فارجوكوا متهملوش الفلاتر ولا البوجيهات
الزيوت كذلك من زيت العربية والباور والفتيس لان تغييرهم بيحسسك بفرق
بجد يا جدعان الفورد دى عربيات عظيمة محدش عارف قيمتها وكلوا يقول قطع غيار غالية مع ان الغالى تمنه فيه ومش بيبوظ بسهولة وبجد عربية متعة فى السواقة
+
فيه مكانين بيبعوا فيه قطع غيار الفورد الاستيراد فى منطقة الهرم
الاول ورا فندق سياج المريوطية بالظبط واسمه الامريكية تقريبا بس هو باين اوى وراه بالظبط والمكان ده ليه فرع تانى عند شارع خاتم المرسلين بس بجد مش عارف الوصف بالظبط
وفيه واحد فى فيصل الطالبية بيبقى باين اوى من بره حاطط انصاص وكده برضوا هبقى اتأكد من العنوانين بالظبط وهجبها فى خلال ايام ان شاء الله
وفيه طبعا نور الامير فى فيصل لقطع غيار الفورد الجديدة مش استيراد هو اسمه نور الامير بس فى الموضوع هنا اسمه مكتوب اسمه باسم بس هو اسمه نور الامير برضوا محل كويس اوى بس اسعاره غالية شوية بس حاجته كويسة واتعاملت معاه كتير
والاسعار دى من عنده من اسبوع تقريبا
بوجيهات موتوركرافت = 100 جنيه
بوجيهات انجليزى = 40 جنيه
قاعدة موتور علوية "الكاوتش" = 350 جنيه
قاعدة موتور علوية معدن = 250 جنيه
فلتر بنزين = 60 جنيه
مقصات = 325 الواحد
فى الاخر اسف على الاطالة
-
عاوز تظبط كهرباء
تقصد ايه بالظبط
علشان الفيستا عندك 2 ضفيرة واحدة ميكانيكا و منصحكش حد مش فاهم يلعب فيها و التانية انوار و ابواب و حاجات زي ديه
و ديه بس محتاج تروح لكهربائي بس يكون بيشتغل في عربيات فيها كنترول
Content Relevant URLs by
vBSEO 3.6.0 PL2