فلتر بنزين النيو اكسنت

**firstknight216** · 26-08-2009 03:08 PM

تخيلوا في صيانة العشرين ألف الوكيل غير فلتر بنزين النيو اكسنت
تعرفوا سعر الفلتر كام
270 جنيه !!!!!!!!!!!!!!
في حين ان سعر الفلتر الاصلي بالمحلات 70 جنيه مش اكتر
لو اسعار الوكيل بالشكل ده انا بفكر اني محرش التوكيل تاني

**basemzaki** · 26-08-2009 03:17 PM

طبعا لو سعر الفلتر بالمحلات 70 جنيه يبقي كدة كتير، ليه مارفضتش تغيرة وتغيرة في أي مركز صيانة خارج التوكيل؟!
خاصة انو مش شغلانة وممكن اي حد يقوم بيها.

لي سؤال لحضرتك هما في التوكيل بيبلغوك أسعار قطع الغيار قبل التركيب ولا بيركبو وبعدين لما العربية بتخلص بتعرف الأسعار؟

**firstknight216** · 26-08-2009 03:18 PM

اسف قصدت كلمة مروحش

**sss2000** · 26-08-2009 03:19 PM

بصراحة طالما ان العربية وصلت معاك 20000كم بدون مشاكل من الافضل مترحش الصيانة تاني انا ناوي ان شاء الله اعمل كدا واشوف ميكانيكي محترم اتعامل معاة بعد كدة ولا استغلال التوكيلات

**firstknight216** · 26-08-2009 04:09 PM

انا اسف السعر ده كان في مركز خدمة للأمانة بس التعبير كان خاطئ مني
هو بيقولي انا ح اغير الحاجة الفلانية بقول ليه غير وبعدين بتكون المفاجأة بيبعت الفاتورة

**Nile_Storm** · 26-08-2009 04:14 PM

لازم يكتبلك التكلفه التقديريه
و لو معملش كده اشتكي فورا
اصل الموضوع مش تدبيسه و السلام

**حماده المصري** · 27-08-2009 01:16 AM

انا متهيالي انه الفلتر الاصلي صعب جدا يكون ب 70 جنيه

عامه الفرق بين اسعار التوكيل والمحلات في قطع الغيار الاوريجينال بيكون متقارب يعني لو 270 ممكن تبقى برا 200 انما 70 صعب جدا

وخلي بالك المضروب على ودنه اليومين دول

وياريت تقولي انت بتتعامل مع محلات برا ايه وفين

**firstknight216** · 27-08-2009 11:31 AM

والله يا أستاذ حماده زميل من الشركة معنا هو سائق لما حكيت الحكاية قدامه نزل وسأل بنفسه عن سعر الفلتر وقال لي انه سعره 70 جنيه
وانا نزلت بنفسي امبارح ولقيت انه فعلا كده
انا شغلي في محافظة السويس المحل اسمه حسن نون وهو ده اللي سألت عنده امبارح
على كل انا برده غير مقتنع ان سعر الفلتر ممكن يوصل للسعر ده بأي حال من الأحوال وأكيد في زملاء كتير غيرت الفلتر ده واكيد تعرف سعره

**megaman** · 27-08-2009 08:58 PM

يا جماعه الفلتر اللى ب70 او حتى ب200 مش اصلى لسبب بسيط هيونداى تصدر قطع الغيار الاصلية فقط لغبور وموزعينه المعتمدين وبنفس الاسعار اى حاجة تانية بتبقى بمواصفات الله اعلم بيها ممكن تبقى زى الاصلى او اسوء انما نفس المقاس فقط فنصيحتى للى عاوز يحافظ على عربيته فى حالة الفابريكة لا يستخدم الا الاصلى اما لو بيفرق معاه السعر ومش مقتنع فاكيد حايشترى اللى موجود ولاحظوا حاجة اللى بيتقال عليه اصلى بيتقال كده لان سعره غالى ويقترب من الاصلى هذا والله اعلم

**حماده المصري** · 27-08-2009 09:39 PM

على العموم يا استاذ نصيحه ليك متغيرش الفلتر تاني الا بعد مده لا تقل عن 70 الف كيلو اسمع مني والله العظيم

انا اخر مره غيرت فيها الفلتر كانت على 50 الف والعربيه دلوقتي ماشيه 140 الف ولا الهوا

والكلام ده قالهولي كزا ميكانيكي ان فلتر العربيه دي مرتبط بالعوامه والطرمبه وهو من النوعيه الي لا تحتاج تغير الا في الحالات الطارئه وانا ماشي بالعربيه زي الفل

بعكس عربيات تانيه بيبقى الفلتر تحت الكبوت وبيبقى صغير ويتغير كل 10 الف تقريبا

اما التوكيل بيحاول يغيرك الفلتر كل 20 او 25 الف وده بصراحه مالوش لازمه