شباب محتاج مساعدتكم ضروري في ياريس اوتوماتيك!!

الحمد لله حجزت ياريس 2008 اتوماتيك فول اوبشنز
والشركة قالتلي انها لسه هاتنزل ويعملولها حفلة يوم 5 / 11 والاستلام ممكن يكون في حدود 5 ايام بعد كده

المهم كنت عايز اعرف منكم عند الاستلام ايه اللي لازم ابص عليه وايه اللي بيبقى مع العربية (استبن - كتالوجات - ......) والورق بتاعها بيبقى عبارة عن ايه
وبالنسبة للكاسيت هايبقى ايه؟؟
معلش اصلي مليش خبرة اوي (الاستبن بيبقى جنط عادي والا اسبور؟)

وبالنسبة لسواقتها (المفروض اني هارّوح بيها مشوار حوالي 150 كم ) :cry: انا اصلا معايا شاهين :D فطبعا شتااااااااااااااان ايه المفروض اللي اعمله عشان اتعود عليها قبل المشوار الجامد ده والسرعة اللي امشي عليها وكده يعني

م الآخر اي كلام يفيدني يا ريت ما تبخلوش علي ولسه بدري ع الاستلام يعني ع الاقل اسبوعين

شكرا مقدما لكل اللي هايرد واللي مش هايرد ;)

اخيار موفق الف مبروك وربنا يحفظهالك

انا سمعت ان موديل 2008 نزل خلاص مش عارف بقى ده الحجز ولا الاستلام ؟

انت حجزت فى الشركه تويوتا ايجبت ولا موزع معتمد؟ ودفعت كام مقدم حجز ؟ والسعر الاجمالى كام ؟وخذت لون ايه ؟

الف مبروك بجد العربيه ده جميله جدا ربنا يديمها عليك نعمه ويحفظهالك وان شاء الله تعجبك

الله يبارك فيك
وانا حجزت في شركة عندنا في البلد
20 الف من اصل 99.900
اللون احمر

بس ما جاوبتش على اسئلتي؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة prsameh

بس ما جاوبتش على اسئلتي؟؟؟؟؟؟؟؟؟؟؟؟

---

والله انا معلوماتى ضئيله فى موضوع التلين واستلام السياره
بس عمتا متقرص على النقلات وخليك هادى متجريش

بالنسبه للاستلام انا مش عارف هيه معاها ايه بالضبط
بس عمتا شوف الانوار والاشارات والعدادت والكاسيت
شوف لو فيه اى حكه او خبطه او نقره
يعنى من الاخر اعد قلب فى العربيه


بس انا لسه مكلم تويوتا ايجبت امبارح فى التليفون وقالولى ان سعر الاتوماتيك كامله ب96900 والعاده 87900 مش عارف ده سعر مو2007 ولا 2008

اقتباس:

---

المشاركة الأصلية كتبت بواسطة prsameh

الله يبارك فيك
وانا حجزت في شركة عندنا في البلد
20 الف من اصل 99.900
اللون احمر

بس ما جاوبتش على اسئلتي؟؟؟؟؟؟؟؟؟؟؟؟

---

موديل 2008 نزل خلاص،
انت كده دفعت حوالي 3 آلاف جنيه زيادة !!!!!!!!!
طالما حجز بحجز يبقى كان الأفضل إنك تحجز عن تويوتا إيجبت وتاخذ بالسعر الرسمي
بالنسبة لأسئلتك : أرجو مراجعة قسم تويوتا في المنتدى وستجد إن شاء الله الأجوبة الكاملة عن جميع أسئلتك، وهناك إسهامات قيمة لزميلنا Sharky فيما يتعلق بالياريس، ويمكنك البحث عنها ومراجعتها
ومبروك عليك مقدماً

الف مبروك
ربنا يعطيك خيرها و يكفيك شرها

خلي بالك و انت سايق تبقي مركز حبتين لحد متتعود علي ابعاد العربيه ز لان انت كنت راكب شاهين غير ان الياريس ابعادها غريبه شويه يعني مش هتبقي شايف الكبوت و هتحس ان الموضوع في الاول جديد عليك

كمان خلي بالك انك بتلين فميغركش قوه العربيه و المشوار الطويل اللي هتمشيه يعني متعديش 90كم/ساعه و كمان متعملش كيك داون .... متزودش ال ار بي ام عن 2000 2500 بالكتير

ماتنساش اول حاجه تعملها اول ما تستلمها انك تروح محطه نضيفه تفول و تضبط ضغط هوا الكاوتش

هأكد عليك كمان مره انك تضبط مراياتك كويس و تربط حزامك و تدي نفسك و قت تتعود علي الابعاد و تجرب الفرامل عشان تتعود علي قوه دوسة رجلك ليها و متفكرش تشد او تجري و خليك هادي و ااستمتع بعربيتك و ربنا يباركلك فيها

شكرا لكل اللي رد وشكرا يا ZOZZA

اقتباس:

---

المهم كنت عايز اعرف منكم عند الاستلام ايه اللي لازم ابص عليه وايه اللي بيبقى مع العربية (استبن - كتالوجات - ......) والورق بتاعها بيبقى عبارة عن ايه

---

لازم تبص على
1- العداد عامل كام بالطبط هو الأفضل يكون في رنج 15 كيلو و أقصى حد 50 كيلو
2-لازم تبص علر العدة و الكوريك تحت كرسي السواق
3- تتأكد إن العربية مافيهاش خدوش و لا خبطات في العتب أو الجسم أو الاكصدام
4-تبص على أنوار التابلوه في لمبة عاملة زي كاميرا لونها أصفر لازم تقفل بعد اما تشغل
5-مفروض إن في كاتلوج العربية في درج التابلوه
6 - مفروض إن المعرض إلي هتشتري منه هيبقى معاه ورق التخليص الجمركي و هيعملك ورق المرور بصورة البطاقة القومية

اقتباس:

---

وبالنسبة للكاسيت هايبقى ايه؟؟

---

مش فاهم كاسيت تويوتا عادي

اقتباس:

---

وبالنسبة لسواقتها (المفروض اني هارّوح بيها مشوار حوالي 150 كم ) انا اصلا معايا شاهين فطبعا شتااااااااااااااان ايه المفروض اللي اعمله عشان اتعود عليها قبل المشوار الجامد ده والسرعة اللي امشي عليها وكده يعني

---

أنا اسمع إن العربية متلينة في الأصل بس للضمان مفروض تسوق على سرعة 90 أقصى مع أر بي ام لايزيد عن3 لمدة 1000كيلو

اقتباس:

---

م الآخر اي كلام يفيدني يا ريت ما تبخلوش علي ولسه بدري ع الاستلام يعني ع الاقل اسبوعين

---

حسب كلام الأعضاء الافضل إنك تحجزها تبع الوكيل و توفر 3000 - من الأفضل إنك تحافظ على مؤشر البنزين فوق الربع (3 شرط)
و مبروك مقدما

خلى بالك لأن او ل اما بتستلم العربية انوار الصالون و العدادات مبتبقاش شغالة

فى فيوز المفروض يتركب مكانه مع استلام السيارة

الاربع طاسات بتوع العربية

شوف العربية كلها سواء خدوش, تجريح اى حاجة من دى متستلمش

انا برضة اتصلت امبارح بموزع معتمد لتويوتا ....وقالي ان في عربية ياريس كاملة مانيوال استلام فوري لون اسود...بس قالي انها ب 90.5 الف...(كدة برضة يبقي مزود حوالي 2.5 عن السعر الرسمي ...)

مافيش فايدة في التسويق في مصر.....حاجة مالهاش حل .....لما الموزع المعتمد يوزد مبلغ زي دة ....نعمل اية ....كل الناس تروح تشتري من التوكيل ....مش عارف والله اية السياسة الغريبة دي .....ويبقي اية لازمة الموزعين دول....

اقتباس:

---

المشاركة الأصلية كتبت بواسطة hero

مافيش فايدة في التسويق في مصر.....حاجة مالهاش حل .....لما الموزع المعتمد يوزد مبلغ زي دة ....نعمل اية ....كل الناس تروح تشتري من التوكيل ....مش عارف والله اية السياسة الغريبة دي .....ويبقي اية لازمة الموزعين دول....

---

مش كل الناس يا هيرو تقدر تشترى من التوكيل مباشرة , كل موزع لة الحق يبيع العربية بالسعر الى يريحة , و كل موزع تكاليفة مختلفة يعنى اللى فاتح فى المهندسين بيدفع تكاليف غير اللى فاتح فى الشروق , كل موزع و لة طريقة فى حساب التكاليف بتاعتة , و الزبون حر يجيب من المكان اللى يناسبة , و دة نظام تجارى فى اى سلعة , يعنى لما تشترى البقالة حتلاقيها فى المهنديسن غير العتبة و كدة فى كل بضاعة , و دة مش معناة ان المهندسين دة بيغالى او بيزود حاجة كدة و خلاص , زى ما قلتلك كل موزع تكاليفة مختلفة و خدماتة مختلفة , و انت كزبون تشترى من المكان اللى يناسبك و يريحك .

اقتباس:

---

بالنسبة لأسئلتك : أرجو مراجعة قسم تويوتا في المنتدى وستجد إن شاء الله الأجوبة الكاملة عن جميع أسئلتك، وهناك إسهامات قيمة لزميلنا Sharky فيما يتعلق بالياريس، ويمكنك البحث عنها ومراجعتها

---

بصراحة أخجلتنى بردك دا يا وائل باشا :oops:

اقتباس:

---

اقتباس:

المهم كنت عايز اعرف منكم عند الاستلام ايه اللي لازم ابص عليه وايه اللي بيبقى مع العربية (استبن - كتالوجات - ......) والورق بتاعها بيبقى عبارة عن ايه


لازم تبص على
1- العداد عامل كام بالطبط هو الأفضل يكون في رنج 15 كيلو و أقصى حد 50 كيلو
2-لازم تبص علر العدة و الكوريك تحت كرسي السواق
3- تتأكد إن العربية مافيهاش خدوش و لا خبطات في العتب أو الجسم أو الاكصدام
4-تبص على أنوار التابلوه في لمبة عاملة زي كاميرا لونها أصفر لازم تقفل بعد اما تشغل
5-مفروض إن في كاتلوج العربية في درج التابلوه
6 - مفروض إن المعرض إلي هتشتري منه هيبقى معاه ورق التخليص الجمركي و هيعملك ورق المرور بصورة البطاقة القومية اقتباس:

وبالنسبة للكاسيت هايبقى ايه؟؟


مش فاهم كاسيت تويوتا عادي
اقتباس:

وبالنسبة لسواقتها (المفروض اني هارّوح بيها مشوار حوالي 150 كم ) انا اصلا معايا شاهين فطبعا شتااااااااااااااان ايه المفروض اللي اعمله عشان اتعود عليها قبل المشوار الجامد ده والسرعة اللي امشي عليها وكده يعني


أنا اسمع إن العربية متلينة في الأصل بس للضمان مفروض تسوق على سرعة 90 أقصى مع أر بي ام لايزيد عن3 لمدة 1000كيلو
اقتباس:

م الآخر اي كلام يفيدني يا ريت ما تبخلوش علي ولسه بدري ع الاستلام يعني ع الاقل اسبوعين


حسب كلام الأعضاء الافضل إنك تحجزها تبع الوكيل و توفر 3000 - من الأفضل إنك تحافظ على مؤشر البنزين فوق الربع (3 شرط)
و مبروك مقدما

---

اقتباس:

---

خلى بالك لأن او ل اما بتستلم العربية انوار الصالون و العدادات مبتبقاش شغالة

فى فيوز المفروض يتركب مكانه مع استلام السيارة

الاربع طاسات بتوع العربية

شوف العربية كلها سواء خدوش, تجريح اى حاجة من دى متستلمش

---

من الاخر متهيألى مافيش كلام بعد اللى قالوا محمد و معاذ

شكرا ليكم يا شباب على النصايح الغالية