هات فيرنا او لانوس مانوال وخليك عملي
عرض للطباعة
هات فيرنا او لانوس مانوال وخليك عملي
هات لوجان جميع الكامليات وعليه
وان شاء الله ربنا يباركلك فيها
رينو لوجان فل اوبشن طبعا
لوجان بدأت تنتشر وعائلية وسعرها مناسب ولو معاك فلوس اكتر يبقى افيو
رايي تكمل عليهم وتشتري ياريس افضلك في الفئة دي وهتريحك في حاجات كتير قطع غيار معمره اقتصادية في التشغيل اعادة بيع محترمه
الياريس هتجمع لك بنود كتير فيها لصالحك
وانصحك بكثرة الأستخارة لكي ترزق الخير اين كان ان شاء الله
:Ta_clap[1]:
والله ياجماعة أنا مش عارف أشكركم أزاى على الردود الرائعة دى ربنا يباركلكم جميعاً:Ta_clap[1]:
بس بصراحة أنا مابحبش الصينى خاااااااااالص
وبناء على ترشيحات حضراتكم الموضوع أنحصر فى 3 موديلات ، وهى على الترتيب فى الأفضلية من وجهة نظرى :
1- شيفروليه لانوس
2- رينو لوجان
3- هيونداى نيو أكسنت ( طبعاً مع زيادة المبلغ المتاح شوية)
وبرضه طمعان فى رأى حضراتكم فى واحدة بس من الموديلات الثلاثة علشان أحدد بالظبط
مع أنى سمعت من آراء ملاك اللوجان أنها رائعة بس ضيقة شوية من جوه ، ومفيش أيرباج للراكب بجوار السائق ولا مرايات كهرباء وتقريباً الشنطة وتانك البنزين بيتفتحوا من برة بالمفتاح ( مش متأكد قوى)
وبالنسبة للنيو أكسنت ياريت أعرف سعرها كام ؟
وعلى فكرة أنا معايا ماروتى 2007 بس عاوز أجيب حاجة أكبر
شكراً ليكم جدا جداً :satelite:
احنا معانا نيو اكسنت ...العربيه تكاد تكون بدون عيوب ..ماعدا العفشه الناشفه قوي اللي بتبقى عامله زي المراجيح وطبعا انها من وش غبور..انما كمميزات...هي اكتر عربيه 1600 سي سي موفره في البنزين في مصر ..مع قوة ماتور هايله جدا ...والمانيوال بتاعها ناعم جدا ...الدبرياج ناعم والفتيس سلس ...وربنا يوقفك
اولا كل سنة وحضرتك طيب ورمضان كريم
الثلاث سيارات اختيارات ان شاء الله موفقين بس كل عربية بتختلف عن التانية
بالنسبة للانوس :
هى عربية حلوة وقطع غيار رخيصة + صيانة سهلة + اعادة بيع 100 100 بس يعيبها شكلها القديم
بالنسبة للوجان :
هى مش ديقة ولا حاجة بالعكس العربية واسعة جدا (واضح حضرتك ماتفرجتش عليها )
بالنسبة ان مافيش ايرباج لجوار السائق متهيألى هى العربية الوحيدة فى المقارنة اللى فيها ايرباج ( ياريت حد من ملاك العربيتين يأكدو الكلام دة او يصححوه لو فيه غلط )
الفل ابشن بها مرايات كهربة وفعلا فتح التنك والشنطة من خارج السيارة
ودة لينك عشان تتفرج عليها
http://www.nilemotors.net/Nile/90472-2010.html
بالنسبة للنيو اكسينت :
عربية جميلة وحترك تقيمها لملاكها الاعزاء
والف مبروك مقدما وربنا يرشدك للاختيار الصح ان شاء الله واعمل استخارة قبل اى حاجة
طالما معاك ماروتى ومعاك 70ألف يبأا شيفروليه لانوس وأكيد هتحس بفرق كبير وبلاش ديون
اللوجان لو لأيتلها قطع غيار إشتريها وإنتا مغمض بس مافتكرش هتلاقيلها حاجة ول حد قاللك فى التوكيل بس يبأا ماتشتريهاش لأنها مش رخيصة وبرده مش هتلائى كل حاجتها
نيو أكسنت ممتازة بس قطع غيارها أغلى من الفيرنا
التويوتا ياريس عملية جدا وقطع غيارها متوفرة بس طبعا مش رخيصة بس تحس إنك إشتريت عربية