ما هى عيوب النيسان صنى

**eslamenan** · 03-09-2009 01:18 PM

انا معايه نيسان 2009 وعامل بيها 4500 كيلو لغايه دلوقتى
العربيه فى العموم ممتازه
العيوب عيوب موش جوهريه
هى ثابته فى السرعات العاليه يعنى لل 140 ثابته والتحكم فيها كويس مبتعمشى وبيتهيقلى انتى موش محتاج تمشى اكتر من السرعه دى فى شوارع المحروسه
الفرامل ممتازه مه العلم نا معيه abs فراملها كويسه جدا
تكييفها ممتاز بارد وبالذات مع المشاوير الطويله لو الجو حر ممكن تسقع
عزل الصوت ممتاز فين ناس بتقول العزل موش قد كده لكن انا بالنسبالى لو الصوت اتعزل اكتر من كده يبقى انتى موش هتسمع حتى كلاكسات العربيات الى حوليك يبقى العزل مناسب يعنى مانع الضوضاء وفى نفس الوقت عارف ايه الى بيجرا حواليك بره

سحب البنزين انا شايفه فى معدل سحب العربيات 1600 بمعنى انا لسه عامل تقييم للاستهلاك لقيتها عامله 5000 كيلو فى 40 لتر يعنى بتعمل 12.5 كيلو فى الليتر مع العلم انا سواقتى على الطريق سريعه يعنى فوق 100 متوسط 120
مع التكيف بشكل مستمر
وسعات كتيره بالنهار ممكن اكون واقف ومشغل التكييف طبعا العربيه مبتعدش كيلو مترات لكنها بتسحب بنزين
بمعنى عام العربيه راجل يعتمد عليها
نيجى لعيوبها
عيوب فاضيه
- تقطقه العجله الشمال لكن مجرد صوت موش ماسر فى الاتزان ولا معوم العربيه فى ثبات العربيه مع الفرامل سواء القويه او البسيطه
-صوت طقطقه فى الكرسى الى جنب السواق
-سعات ماشر البنزين بيعلق بالذات لما تبكون لسه مفول متلاقيش الموشر بيوصل للاخر وده بيخلينى اشك ان عامل البنزينه مفولش بالفعل
لكن لقيت لما بابطل العربيه بعد شويه واشغلها تانىالمؤشر بياخد وضعه مليان للاخر
-بالنسبه للوسع قدام المساحه محترمه ورا مناسبه
اوضحلك معلومه فى ناس بتحب تدوس على دواسه البنزين بتراطيف صوابعها عشان كده بترجه الكرسى ورا تحس انه عامل الكرسى سرير موش بيكون موش شايف الكريق الى طالع منه عينه زى مايكون خايف يشوف الطريق
الى زى ده اكيد الى وراه هيحس ان المساحه ورا ضيقه
لكن الى طوله متوسط وملوش كرش كبير يبقى الى ورا مرتاح وعمره ما يحس انه متظايق
انا بالنسبالى مفيش مشكله فى الموضع
ده فى عجاله تقييمى عن سيارتى 2009 وبشكر رنا انه وفقنى فى اختيارى
لانك بتشترى عربيه يابانى باسعار العربيات الكورى ولو العربيه نزله تقفيل بره اكيد سعرها هيكون اكتر من كده بكتير
واسف على الاطاله
م / اسلام

**Amr81** · 03-09-2009 04:45 PM

م / اسلام
هو حضرتك مش شايف إن العربية نشفة أصل الموضوع دة تعبني و حضرتك معلش طولك أد اه
أصل أنا مش طويل أوي يعني حوالي ١٧٨ والي أعدين ورية بيكونوا مخنوقين بس هما تقريباً نفس طولي لكن القصيرين شوية يعني ١٦٥ و ١٧٠ بيكونوا مرتاحين

**omarsara** · 03-09-2009 09:14 PM

المشاركة الأصلية كتبت بواسطة eslamenan

انا معايه نيسان 2009 وعامل بيها 4500 كيلو لغايه دلوقتى

-سعات ماشر البنزين بيعلق بالذات لما تبكون لسه مفول متلاقيش الموشر بيوصل للاخر وده بيخلينى اشك ان عامل البنزينه مفولش بالفعل
لكن لقيت لما بابطل العربيه بعد شويه واشغلها تانىالمؤشر بياخد وضعه مليان للاخر

صيح الحالة تحصل دايما" معاية كلام مضبوط

**Bishoy.Girgis** · 04-09-2009 04:07 AM

علي فكرة يا جماعة العفشة بتبقي ناشفة في الاول بس لكن بتطري بعد كده و تنعم كل ما تستعمل العربية اكتر يعني ممكن تنعم عند 30000 كيلو . بالنسبة للعربية فوق فوق فوق الممتازة عن اي عربية في مصر بصراحة شكل و عفشة مش زي العربيات التانية شكل فقط لا غير اما بالنسبة للبنزين انا لاحظت ان العربية بتسف بنزين بعد 110 كيلو بالظبط لأن الكامة التانية اول لما بتفتح . بتبتدي تسحب بنزين جامد انما قبل 110 كيلو علي الساعة بيكون سحبها للبنزين ولا حاجة خالص

**eslamenan** · 05-09-2009 10:33 AM

المشاركة الأصلية كتبت بواسطة amr81

م / اسلام
هو حضرتك مش شايف إن العربية نشفة أصل الموضوع دة تعبني و حضرتك معلش طولك أد اه
أصل أنا مش طويل أوي يعني حوالي ١٧٨ والي أعدين ورية بيكونوا مخنوقين بس هما تقريباً نفس طولي لكن القصيرين شوية يعني ١٦٥ و ١٧٠ بيكونوا مرتاحين

انا طولى زيك ومدى لنفسى براح والى ورا موش متضايق
متحطش الموضوع فى دماغك العربيه مساحتها معقوله زيها زى اليابانى بشكل عام - كورولا - لانسر

بالنسبه للنشوفيه انا عملت للعربيه غاز وانا فى اللف الاولانى كانت خشنه واو لما خرجت من عند محل الكاوتش كانى ركبت عربيه تانميه وحصلى رضاء داخلى عن العربيه ومحستش بخشونه العربيه خالص وبعدين العربيه كل لما تمشى بتنعم
جرب تحط غاز للعجل وبجد هتلاقى فرق كبير وموش هتفكر فى موضوع نشوفيه العربيه
وممكن كمان تعمل فرش للكراسى وتحطه تبطين كده انت خليت احساسك بالعربيه انعم
بس انت الاول حط غاز الكاوتش ده هيريحك كتير
م/ اسلام

**hesham_soaida** · 05-09-2009 05:09 PM

أكبر عيب في السيارة من رأيي ان الموديل, كشكل خارجي للسيارة أصبح قديم جدا (أكثر من خمس سنوات)
وسؤالي هو هل الشركة تنوي تغيير الشكل تغييرا جذريا؟ ولو الاجابة بنعم, امتى؟؟؟

**ENG\AHMED** · 05-09-2009 06:31 PM

المشاركة الأصلية كتبت بواسطة largeman

اما بالنسبة للبنزين انا لاحظت ان العربية بتسف بنزين بعد 110 كيلو بالظبط لأن الكامة التانية اول لما بتفتح . بتبتدي تسحب بنزين جامد انما قبل 110 كيلو علي الساعة بيكون سحبها للبنزين ولا حاجة خالص

الاستهلاك الامثل فى اى عربية 90 - 100 اكتر من كدة الاستهلاك هيعلى

مفيش حاجة اسمها الكامة التانية لما بتفتح الكامتين شغالين باستمرار واحد مسئولة عن فتح وغلق صمامات الشحن ( دخول الخليط) والتانية مسئولة عن فتح وغلق صمامات العادم

**eslamenan** · 06-09-2009 01:19 PM

المشاركة الأصلية كتبت بواسطة hesham_soaida

أكبر عيب في السيارة من رأيي ان الموديل, كشكل خارجي للسيارة أصبح قديم جدا (أكثر من خمس سنوات)
وسؤالي هو هل الشركة تنوي تغيير الشكل تغييرا جذريا؟ ولو الاجابة بنعم, امتى؟؟؟

اخى الحبيب موضوع الشكل ده نسبى مابين واحد والتانى
انا بالنسبالى طالما العربيه انا متقبلها بشكل عام موش فارقه معايه بتدى على شكل الموديل القديم او الجديد
انا يهمنى كفائه العربيه و تلبيتها لمتطلباتى واحتياجات اسرتى والامور الجوهريه فيها
الشكل طالما مقبول مفيش مشكله عندى
وطبعا لولا اختلاف الازواق لبارت السلع
م/ اسلام

**hesham_soaida** · 06-09-2009 02:49 PM

المشاركة الأصلية كتبت بواسطة eslamenan

اخى الحبيب موضوع الشكل ده نسبى مابين واحد والتانى
انا بالنسبالى طالما العربيه انا متقبلها بشكل عام موش فارقه معايه بتدى على شكل الموديل القديم او الجديد
انا يهمنى كفائه العربيه و تلبيتها لمتطلباتى واحتياجات اسرتى والامور الجوهريه فيها
الشكل طالما مقبول مفيش مشكله عندى
وطبعا لولا اختلاف الازواق لبارت السلع
م/ اسلام

كلامك صح, والعربية ككل انا مقتنع بها جدا بالنسبة كعربية عائلية ومعمرة في هذه الفئة السعرية. وبالنسبة لعيوب العربية فهى قليلة جدا, ومفيش عربية من غير عيوب.

**elansary** · 06-09-2009 09:48 PM

محدش يزعل مني بصراحة انا اركبتها لمدة يومين ومتبسطش منها ابد ودة للاسباب دي
اولا ناشفة جدا عن اي عربية ركبتها
ثانيا استهلكها في البنزين غريب جدا بتستهلك جامد
ثالثا الصالون ديق وده يمكن لاني طويل شوية
رابعا وانا سايقها حاسس اني راكب عربية كبيرة لان الكبوت بيكون ظاهر بعكس العربيات اللي الكبوت مبتشفوش وانت سايق
خامسا بس بصراحة التكييف بتعها ممتاز
سادسا الثبات بتعها كويس قوي
وده راي