سمعت ناس بتقول أن العفشة مصرىو سيئة و كده و هل فيه عيوب تانية ولا لأ
عرض للطباعة
سمعت ناس بتقول أن العفشة مصرىو سيئة و كده و هل فيه عيوب تانية ولا لأ
بص يا باشا احنا في مصر بلد الاشاعات العربية كويسة جداً وذي الفل معايا وعملة ٣٧٠٠٠ لحد دلوئتي و كل إلي بعملو الصيانة الدورية
هي كل القصة إن العفشه ناشفة فعلاً و دة في ناس كتير مش بتشفو عيب بس هو إلي مزود الاحساس بالموضوع هو إن بردو الكراسي ناشفة شوية فى ناس بتروح تعمل فرش للكراسي فبتبقى أحسن
أنا عن نفسي مش متقبل موضوع إن العربية ناشفة زائد إن الكراسي إلي ورى ضيقة
لكن للامانة أنا العربية معايا كويس لحد دلوئتي
النيسان صنى عربيه كويسه جداً وثابته عالسرعات العالية وسحبها جميل جداً وخصوصاً على الاوفر درايف وفرامها قويه العربيه واسعه من قدام وورا واللى يقوللك ضيقه من ورا يبقى الباشا اللى بيقول كده ممكن يكون طويل شويه
التقفيل المصرى ليه عيوبه برضه
البشوات مركبين زجاج عادى مش تريبلكس و لذلك نزلت يوم الصبح لقيت الزجاج الخلفى فتافيت (السيارة جديده مشيت بيها 4000 كيلو فقط )
اللى اعرفه ان عفشه اكس صالون عفشه رياضيه ذى سوبر صالون واللى اعرفه ان العفشه الرياضيه ناشفه بطبيعتها
عيبها إن العفشة ناشفة ... والكراسى الي ورا مش مريحة والقعدة ضيقة ، وأنا طولى متوسط
يا جماعة أنا معايا صني 2008 وعاملة 25000 والعربية كويسة وأنا مبسوط منها بالرغم من اني باتفق مع اللي قالوا ان العفشة ناشفة والصالون من ورا ضيق شوية بالنسبة للطول بس أن بصراحة مابعتبرش دي عيوب
بعدين ياأخواني هوا فيه عربية مافيهاش عيوب؟؟
كلام مظبوط يا Ayman H مفيش عربيه مفيهاش عيوب
انا معايه نيسان 2009 وعامل بيها 4500 كيلو لغايه دلوقتى
العربيه فى العموم ممتازه
العيوب عيوب موش جوهريه
هى ثابته فى السرعات العاليه يعنى لل 140 ثابته والتحكم فيها كويس مبتعمشى وبيتهيقلى انتى موش محتاج تمشى اكتر من السرعه دى فى شوارع المحروسه
الفرامل ممتازه مه العلم نا معيه abs فراملها كويسه جدا
تكييفها ممتاز بارد وبالذات مع المشاوير الطويله لو الجو حر ممكن تسقع
عزل الصوت ممتاز فين ناس بتقول العزل موش قد كده لكن انا بالنسبالى لو الصوت اتعزل اكتر من كده يبقى انتى موش هتسمع حتى كلاكسات العربيات الى حوليك يبقى العزل مناسب يعنى مانع الضوضاء وفى نفس الوقت عارف ايه الى بيجرا حواليك بره
سحب البنزين انا شايفه فى معدل سحب العربيات 1600 بمعنى انا لسه عامل تقييم للاستهلاك لقيتها عامله 5000 كيلو فى 40 لتر يعنى بتعمل 12.5 كيلو فى الليتر مع العلم انا سواقتى على الطريق سريعه يعنى فوق 100 متوسط 120
مع التكيف بشكل مستمر
وسعات كتيره بالنهار ممكن اكون واقف ومشغل التكييف طبعا العربيه مبتعدش كيلو مترات لكنها بتسحب بنزين
بمعنى عام العربيه راجل يعتمد عليها
نيجى لعيوبها
عيوب فاضيه
- تقطقه العجله الشمال لكن مجرد صوت موش ماسر فى الاتزان ولا معوم العربيه فى ثبات العربيه مع الفرامل سواء القويه او البسيطه
-صوت طقطقه فى الكرسى الى جنب السواق
-سعات ماشر البنزين بيعلق بالذات لما تبكون لسه مفول متلاقيش الموشر بيوصل للاخر وده بيخلينى اشك ان عامل البنزينه مفولش بالفعل
لكن لقيت لما بابطل العربيه بعد شويه واشغلها تانىالمؤشر بياخد وضعه مليان للاخر
-بالنسبه للوسع قدام المساحه محترمه ورا مناسبه
اوضحلك معلومه فى ناس بتحب تدوس على دواسه البنزين بتراطيف صوابعها عشان كده بترجه الكرسى ورا تحس انه عامل الكرسى سرير موش بيكون موش شايف الكريق الى طالع منه عينه زى مايكون خايف يشوف الطريق
الى زى ده اكيد الى وراه هيحس ان المساحه ورا ضيقه
لكن الى طوله متوسط وملوش كرش كبير يبقى الى ورا مرتاح وعمره ما يحس انه متظايق
انا بالنسبالى مفيش مشكله فى الموضع
ده فى عجاله تقييمى عن سيارتى 2009 وبشكر رنا انه وفقنى فى اختيارى
لانك بتشترى عربيه يابانى باسعار العربيات الكورى ولو العربيه نزله تقفيل بره اكيد سعرها هيكون اكتر من كده بكتير
واسف على الاطاله
م / اسلام
م / اسلام
هو حضرتك مش شايف إن العربية نشفة أصل الموضوع دة تعبني و حضرتك معلش طولك أد اه
أصل أنا مش طويل أوي يعني حوالي ١٧٨ والي أعدين ورية بيكونوا مخنوقين بس هما تقريباً نفس طولي لكن القصيرين شوية يعني ١٦٥ و ١٧٠ بيكونوا مرتاحين
علي فكرة يا جماعة العفشة بتبقي ناشفة في الاول بس لكن بتطري بعد كده و تنعم كل ما تستعمل العربية اكتر يعني ممكن تنعم عند 30000 كيلو . بالنسبة للعربية فوق فوق فوق الممتازة عن اي عربية في مصر بصراحة شكل و عفشة مش زي العربيات التانية شكل فقط لا غير اما بالنسبة للبنزين انا لاحظت ان العربية بتسف بنزين بعد 110 كيلو بالظبط لأن الكامة التانية اول لما بتفتح . بتبتدي تسحب بنزين جامد انما قبل 110 كيلو علي الساعة بيكون سحبها للبنزين ولا حاجة خالص
انا طولى زيك ومدى لنفسى براح والى ورا موش متضايق
متحطش الموضوع فى دماغك العربيه مساحتها معقوله زيها زى اليابانى بشكل عام - كورولا - لانسر
بالنسبه للنشوفيه انا عملت للعربيه غاز وانا فى اللف الاولانى كانت خشنه واو لما خرجت من عند محل الكاوتش كانى ركبت عربيه تانميه وحصلى رضاء داخلى عن العربيه ومحستش بخشونه العربيه خالص وبعدين العربيه كل لما تمشى بتنعم
جرب تحط غاز للعجل وبجد هتلاقى فرق كبير وموش هتفكر فى موضوع نشوفيه العربيه
وممكن كمان تعمل فرش للكراسى وتحطه تبطين كده انت خليت احساسك بالعربيه انعم
بس انت الاول حط غاز الكاوتش ده هيريحك كتير
م/ اسلام
أكبر عيب في السيارة من رأيي ان الموديل, كشكل خارجي للسيارة أصبح قديم جدا (أكثر من خمس سنوات)
وسؤالي هو هل الشركة تنوي تغيير الشكل تغييرا جذريا؟ ولو الاجابة بنعم, امتى؟؟؟
اخى الحبيب موضوع الشكل ده نسبى مابين واحد والتانى
انا بالنسبالى طالما العربيه انا متقبلها بشكل عام موش فارقه معايه بتدى على شكل الموديل القديم او الجديد
انا يهمنى كفائه العربيه و تلبيتها لمتطلباتى واحتياجات اسرتى والامور الجوهريه فيها
الشكل طالما مقبول مفيش مشكله عندى
وطبعا لولا اختلاف الازواق لبارت السلع
م/ اسلام
محدش يزعل مني بصراحة انا اركبتها لمدة يومين ومتبسطش منها ابد ودة للاسباب دي
اولا ناشفة جدا عن اي عربية ركبتها
ثانيا استهلكها في البنزين غريب جدا بتستهلك جامد
ثالثا الصالون ديق وده يمكن لاني طويل شوية
رابعا وانا سايقها حاسس اني راكب عربية كبيرة لان الكبوت بيكون ظاهر بعكس العربيات اللي الكبوت مبتشفوش وانت سايق
خامسا بس بصراحة التكييف بتعها ممتاز
سادسا الثبات بتعها كويس قوي
وده راي
السلام عليكم وكل عام وانتم جميعا بالف خير
ياباشا مفيش زعل احنا هنا بنفيد بعضينا الى عاوز يشترى ممكن يستفيد والى بيفكر يغير بردو هيستفيد والى عنده مشاكل بردو نفس الوضع ممكن يسال واحد مر عليه التجربه دى ويدله اتحلت ازاى وممكن بردو تعديل مفاهيم وكشف ان اكيد لكل عربيه امتيازات وعيوب مفيش عربيه كامله ولا هترضى كل الازواق
واسمحلى ارد على بعد اسئله سيادتك
اولا ناشفة جدا عن اي عربية ركبتها
من وجهت نظرى الثبات يعنى النشوفيه عدم الاتزان يعنى طريه وناعمه
ثانيا استهلكها في البنزين غريب جدا بتستهلك جامد
قارنت بايه وايه المعدل المطلوب تعمله العربيه والى بتعمله غيرها من السيارات فى نفس الفئه السلندريه؟
هى من وجهت نظرى كمثيلاتها نفس الفئه السعريه 1600 انا ساعات باعمل 12.25 كيلو لللتر متنوع مع العلم سواقتى دائما على السريع متوسط 115-120 مع التكييف واكيد ده بيسحب بنزين اكتر ولو تقارن باى موديل فى نفس الفئه السعريه والسلندريه هتلاقيها فى نفس المعدل موش بعدت لدرجه انها تلفت الانتباه ويتعمل عليها علامات استفهام
رابعا وانا سايقها حاسس اني راكب عربية كبيرة لان الكبوت بيكون ظاهر بعكس العربيات اللي الكبوت مبتشفوش وانت سايق
فعلا الكبوت شكله كبير بس الوبترا بردو الكبوت كبير ومن وجهت نظرى لما يكون الكبوت كبير بتسهل الصيانه للعربيه ورئيه كل تفاصيل المحرك لتحديد الاعطال وصيانتها
خامسا بس بصراحة التكييف بتعها ممتاز
فعلا
سادسا الثبات بتعها كويس قوي
مناسب بالنسبه لمصر
اتمنى انى اكون رديت على اسئلتك
وشكرا
م/ اسلام
على فكرة انا معايا صنى 2009 و طولى 196 سنتى و برجع الكرسى على الاخر للوراء و اللى ورايا قاعدين عادى
بس مش برجع ضهر الكرسى عشان بقعد عدل شوية
يعنى انا مثلا كان معايا لادا 2015 اللى قاعد ورايا كان بيموت او لازم يبقى طفل اقل من 10 سنوات
فى الصنى بيقعد ورايا شخص كبير بس يكون مش طويل
فى رائيى عربية اكثر من ممتازة
انا كان عندي سؤال..هي الصني 2009 بتنزل ب ABS و EBD و Airbag ولا لأ....انا معجب بالعربيه بس للأسف ما جربتهاش خالص و لا ركبتها بس بحس إنها أفخم شويه من اللانسر
ياجماعه العربيه فعلا ضيقه مقارنة بحجمها الخارجي و صدقوني اللانوس اوسع منها و محدش يقارنها باللانسر لان اللانسر اوسع منها بكتير غير كده كمان الصاج ضعيف جدا و الاكصدامات محموله علي كليبسات ضعيفه جدا و لا يوجد تحتها الكمر الحديد للحمايه من الخبطات البسيطه غير كده الموتور و العفشه و التسارع و البنزين زي الفل
انا شايف عيبها كراسيها الناشفه اوي زايده عن اللزوم وتبان لما تنزل من صني وتركب اي عربيه تانيه زي ما بعمل اركب السيريون بعد النيسان حاجه تانيه خااااالص
تاني حاجه شكل التابلوه من جوه قدييييييييييييييييييييييي يييييم انقرض اصلا مش متخيل عربيه موديل 2010 وبتنزل بتابلوه من التسعينات !!!!!!!!
العفشه ناشفه بس انا مرتاح معاها عشان تحس انها قويه
الباور بتاعها تقيل شويه
لكن الصراحه انا بحب شكلها الخرجي جداااااااا هو كلاسيك صحيح بس فخم
والعربيه موتورها ماشاء الله جبار
تكييف معقول
ثبات معقول برده
عزل العربيه معقول بس صوت الموتور مسمع جوه العربيه بس عادي موجود في اللانسر برده
يوجد بععض مشاكل الخامات المصريه الزبال......... زي الكاوتش اللي علي الزجاج كل منزل الزجاج الكواوتش يتحشر مع الزجاج ويعمل صوت غبي مش عارف حله ايه
سماعات العربيه تعباااااااااااااانه اخر حاجه وتزن مع المطبات وترجع تاني
بس من الاخر العربيه سعرها حلو اوي بصراح كامله 92 الف تمام يعي
انا مش فاهم ليه الناس مركزه على موضوع الشكل....الشكل ممتاز وبصراحه العربيه شكلها حلو جدا وشيك وتشرف....
الانوس والنوبيرا بينزلو من زمان ومحدش قال حاجه...الانوس من 97 والنوبيرا من 2001 والماتريكس نفس الكلام والفيرنا نفس الكلام
الانسر اللى الناس موهومه بيها بتنزل من من زمان (البومه) نازله من اخر 2004 اظن ولما حصل تغيير الناس معجبهاش برضه:E_braces[1]: وعلى فكره فى نيسان صنى شكل تانى شفته وبصراحه معجبنش زى اللى معانا
النيسان تابلوها كويس...لونه شيك خصوصا البيج ومهواش قديم للدرجه (راى شخصى) والخامات من النوع اللى بيستحمل الارف والهبد
عيــــــــــــوب النيــسان من وجهه نظرى:
1-العربيه ضيقه من جوه وخصوصا بعد تركيب فرش
2-الكراسى صغيره والكنبه نفس الكلام
3-صوت العربيه على 120 عالى (اكنك مركب ديفل) بس بعد كده بيهدى بطريقه تخوف
4-الباور تقيل...ودة عشان مقاس الجنط 15
5-دبارياش تقيل نسبيا ولما تعمل مشوار بالعربيه كبير تحس انك مهدود :brn:
دى العيوب من وجه نظرى...التقفيل والفرامل والسحب والعفشه لا غبار عليهم
على فكره انا جبت بالعربيه 215 على طريق العالمين وكانت زى الفل وصوت الموتور كان هادى
العربيه تعتبر احسن عربيه فى السعر ده بالاضافه الى عمرها الافتراضى المحترم والنيسان معروفه من ايام الدتسون
انا عندى سؤال ليك هى العربيه بتاعتك اوتوماتيك؟
لو اتوماتيك جرب انك تجيب بيها 170 كيلو فى الساعه
لو العربيه اللى جايبه سرعه 210 دى يدوى مش اتوماتيك كنت ممكن اصدق خاصتا ان اليدوى بيبقى الفتيس خمس نقلات امامى وواحده خلفى غير الاوتوماتيك بيبقى اربع سرعات امامى بس مش خمسه
بصراحه انا مش مصدق الفيديو اللى انت حاطه ده خالص:pointi~2[2]:
فى الفيديو ده الراجل جايب 210 بعربيه اتوماتيك
معلش يا باش مهندس انا مش مصدقك
ما فيش عربيه اتوماتيك بتقفل العداد يعنى العداد ممكن يبقى مكتوب فيه 220 لكن العربيه تجيب 170 او 180 و ده لان نفس الطابلوه بيركب فى العربيات اليدوى اللى بتجيب اكيد سرعه اعلى
على فكره عربيتى مانيول وليست اتوماتك...
وسعرها مقبول لا تنسوا
I have two problems withe the Sunny,
-Very narrow Saloon
- Fuel tank is somehow limited
الخلاصه العربيه ممتااااااازه بالنسبه لسعرها وبالمقارنه مع اسعارالعربيات التانيه