سؤال عن زيوت المحركات

**wkisho2005** · 26-08-2009 07:16 PM

ازيكوا ياجماعة كان عندي سؤال كدا هو بيبقي مكتوب علي علبة الزيت هي بتقعد اد ايه؟؟يعني الف او تلاتة اوو عشرة كدا يعني

اصل اللي بلاحظه ان كل اللي بيبقي مكتوب انو زيت نضيف وعالي اجودة ومش عارف نتاج شركة ايه والكمية مثلا اربعة كيلو وخلاص لكن المدة اللي بيقعدها اد ايه بعرفها من الراجل اللي بشتري منه ولو الكلام دا صح ايه بئي اللي يضمنلي انو الزيت دا فعلا بيتغير عند الف او تلاتة او غيره ماهي الدنيا سايحة في بعضها اهي ومفيش تحديد؟؟

**aYaBooY** · 27-08-2009 01:32 PM

يا ريت لو حد يفيدني انا كمان علشان مشوفتش موضوع عن المسافة بتاعت الزيت
حتى لو حد قال ان الرقم بتاع الحرار 20w50 مثلا بيحدد هاؤلة ان الاماراتية بيعد 3000 و مكتوب عليه 20w40 و فيه تعاون بيعد الف و مكتوب عليه 10w50 علشان ديه ارقام درجة حرارة تشغيل الزيت بس يا ريت يكون حد وصل لطريقة تحدد بيها مسافة الزيت
و برده انا اتعرضت لموقف مع زيت كالتكس غيرتة مرة و الراجل قالي اخرة الف و نص و غيرتة من حد تاني و قالي يعد معاك ثلاثة مرتاح

**wkisho2005** · 05-09-2009 04:09 AM

ماهو انا بتكلم بئي يا ayabooy علي الكوميديا اللي بتحصل دي اصل انا مزاج عندي كل ماروح اغير زيت اسال اللي بيغيره او اللي بشتريه منه اغيره بعد اد ايه حتي لو عارف بس بسمع اجابات غريبة

موبيل مثلا
انا كنت بغير موبيل الابيض دا اللي المفروض كل الف الاقي الراجل بيقولي ياعم الف ايه سيبه تلاتة ولا حاجة الف دا بدري اوي
واحد تاني يقولي لا دا في الصيف تغيره عند 800 وفي الشتا 1200 يعني بيتكلم في فرق كيلوات بسيط جدا والتاني بيتكلم في الافات فرق

زيت كالتكس
جربته بردو اللي اشتريته منه يقولي الف كيلو
اللي غير الزيت قالي الفين كيلو
والميكانيكي قالي الف ونص
والتلاتة بيتكلموا علي نفس الزيت

وعجبي

**LinuxMan** · 07-09-2009 02:47 PM

احسن حاجة يا باش تقيس مستوي الزيت ودرجة لزوجته ولونه كل فتره وعلي الاساس ده تغيير زيتك

**wkisho2005** · 07-09-2009 11:51 PM

المشاركة الأصلية كتبت بواسطة linuxman

احسن حاجة يا باش تقيس مستوي الزيت ودرجة لزوجته ولونه كل فتره وعلي الاساس ده تغيير زيتك

بس في نقطة ياباشا ان بيتهيئلي الزيت كدا كدا بيسود مش شرط عشان مدته خلصت ولكن تقريبا عشان الاحتراق الداخلي للموتور ودرجة الحرارة العالية جدا تقريبا يعني

**ابوهاشم** · 19-09-2009 06:12 PM

على العموم الزيت لما بيحل من اللزوجه
بيبتدى يتبخر وينقص

**a3reda** · 17-10-2009 12:19 AM

اشتروا دماغمكم واستعملوا موبيل وان او الترا شيل

وده بيتغير كل 10 الالاف

**aYaBooY** · 19-10-2009 05:58 PM

المشاركة الأصلية كتبت بواسطة a3reda

اشتروا دماغمكم واستعملوا موبيل وان او الترا شيل

وده بيتغير كل 10 الالاف

اي موتور بعد ما يمشي اكتر من 100 الف كم او 150 الف للفورد استعمال موبيل وان او شل الترا او اي زيت تخليقي هايضر بعمرة مش هايفيد

**wkisho2005** · 22-10-2009 04:50 AM

المشاركة الأصلية كتبت بواسطة ayabooy

اي موتور بعد ما يمشي اكتر من 100 الف كم او 150 الف للفورد استعمال موبيل وان او شل الترا او اي زيت تخليقي هايضر بعمرة مش هايفيد

امال رايك بعد ال100 الف كيلو نستعمل ايه؟

**aYaBooY** · 24-10-2009 04:15 PM

المشاركة الأصلية كتبت بواسطة wkisho2005

امال رايك بعد ال100 الف كيلو نستعمل ايه؟

الزيت التخليقي بيكون درجة خفيف و خفيتة ديه في اوائل استعمال العربية و الخلوصات ماسكة و محبوكة و كلة اشطة بتكون كويسة بس بعد فترة المسافات بتوسع و الرايش بيزيد و هنا بيكون استعمال الزيت التخليقي بدون فائدة يفضل بعد الـ 100 الف او اكثر يحول استعمال الي الزيوت المعدنية الي بتعد 5000 كم و بعد فترة ممكن تكون 250 الف كم نبداء في الزيوت السفلية التي يتم تغيرها كل 3000 او 1000 و هكذا لحد ما الموتور يجيب اخرة و يتم عمل عمرة ليه و طبعا بعد العمرة مش هاينفع نرجع للزيت التخليقي لان ايا كان حرفة المعمر مش هايقدر يظبطة زي الفبريكة بس ممكن نبداء بالزيت النص تخليقي و عادتا بينصح انه يستخدم 7000 كم فترة و بعدين نبداء العد التازلي من تاني لحد العمرة الي بعدها

الموضوع: سؤال عن زيوت المحركات

LinkBack

أدوات الموضوع

عرض

سؤال عن زيوت المحركات - انشر الموضوع فى :

-

-

-

-

-

-

-

-

المواضيع المتشابهه

كيف تفهم أنواع ورموز زيوت المحركات وكيف تختار الأنسب منها لمحرك سيارتك

مواصفات زيوت المحركات

زيوت المحركات

ما هو الافضل فى زيوت المحركات

أسعار زيوت المحركات في مصر والخليج (مقارنة)

الكلمات الدلالية لهذا الموضوع

المفضلات

المفضلات

ضوابط المشاركة