عاوز اطلع على الدائرى عشان اروح على الاسكندرية الزراعى
من مصر الجديدة
نقول مثلاًَ من عند ميدان الكلية الحربية
=================
ومن نفس الحتة برضه لو حبيت اروح فيصل عند شارع حسن محمد كدا
وبرضه طريق الرجوع للدائرى من فيصل
عرض للطباعة
عاوز اطلع على الدائرى عشان اروح على الاسكندرية الزراعى
من مصر الجديدة
نقول مثلاًَ من عند ميدان الكلية الحربية
=================
ومن نفس الحتة برضه لو حبيت اروح فيصل عند شارع حسن محمد كدا
وبرضه طريق الرجوع للدائرى من فيصل
من الكليه الحربيه اطلع على السندباد وكمل فى طريق جوزيف تيتو مع سور المطار .. هتوصل للكوبرى عند اخر السور ..خده وتنزل تكمل لمدة 2 ك هتلاقى زحمه جامده تحت كوبرى مشاه.. عدى منها وهتلاقى مخرج على يمينك يدخلك ع الدائرى.. هتمشى فيه 17 ك لغاية منزل الطريق الزراعى
شوف حضرتك وركز معايا بس صلى على النبى الأول.
قدام حضرتك طريقين والأتنين من ميدان الكلية الحربية.
حضرتك تمشى فى شارع النزهة اللى هوا فيه السندباد كأنك رايح الحرفيين او السلام وطبعا المطار على يمينك هتفضل حضرتك ماشى لأخر الشارع ده لغاية ما هتلاقى كوبرى اللى هوا كوبرى الحرفيين هاتطلع عليه وهاتنزل هاتكمل على طول فى طريق مصر اسماعيلية لغاية ماتعدى على موقف العاشر وخش من اول يوتيرن على ايدك الشمال يعنى كأنك راجع على موقف العاشر تانى وبعد كدة خش يمين من عند موقف العاشر هتلاقى حضرتك طلعت على الدائرى وتكمل على طول.
الطريق التانى حضرتك هاتمشى نفس الطريق بس مش هاتطلع الكوبرى بتاع الحرفيين هاتعدى من جنبه يعنى هاتفضل ماشى جنب سور المطار وبرده هيفضل على يمينك هاتخش فى طريق حارتين رايح جاى هاتفضل ماشى فيه على طووووول لايمين ولاشمال لغاية ماهتلاقى نفسك طلعت على الدائرى بس ده الأتجاه ده بيودى القطامية والسويس هاتفضل ماشى فيه لغاية مهتلاقى يوتيرن هاتخش فيه وترجع وده بقى اتجاه اللى يودى المرج وميدان الرمايه واسكندرية والحتت دى وهتلاقى نفسك دخلت نفق وده اللى فوقيه موقف العاشر .
ربنا يرجعك بالسلامة
الكوبرى اسمه الحرفيين ولا الهايكستب؟؟مكتوب فى جوجل ايرث الهايكستب