مشكلة في طلاء هيونداي النترا زيرو

**dr_abooody** · 26-08-2009 11:54 PM

الحمد لله انا شاري العربية من اسبوعين من ابوغالي اللي في مدينة نصر بس العربية انا لاحظت من الاجناب الناحيتين ان في وساخة اشبة ما يكون انا مش عارف اوصفها اوي بس هي بالمعنى دة ( كانك دلقت عصير كدا و اعد ينزل لحد تحت و عمل خطوط بالطول كدا من فوق لتحت يعني الدهان مش كلة مية واحد لكن دة كان حاجة مسكوبة كدا و مش متناسق و دة فيالناحيتين على اجناب السيارة لكن الباقى كويس

قولت اروح البنزينة اغسل و كدا المهم بعد ما غسلت لقيتها زي ما هي

الراجل قالي دة كدا مشكلة في الطلاء ؟؟؟

معقولة عربية زيرو تبقى كدااا

انا مش عارف اعمل اية اروح اقلب الدنيا في صيانة الالف و لا اعمل اية

بس هي مش باينة اوي غير لما الشمس تخبط فيها تحس انها وساخة حاجة زي كدا

و المشكلة ان دة حلها انهم يرشوها تاني و دة طبعا مرفوض عشان لسة زيرو

قولولي اعمل اية

هي العربية لونها فيراني و الخطوط دة تحس ان لونها ابيض كدا نازلة بالطول

و لا دة ممكن يكون شمع مع ان العربية اتغسلت بالفوم و الماكينة دة بتاعت الفرشة اللي بتحوط العرببية من كل الجهات

افيدوني افادكم الله

**meshmeshahanem** · 27-08-2009 02:03 AM

اولا ألف مبروك علي العربيه وربنا يديك خيرها ويبعد عنك شرها
ثانيا انت متستناش لحد صيانه الالف انت تروح لأبو غالي أللي حضرتك اشتريت منه العربيه وتقولهم علي العيب ده لأن العيب ده مش ناتج من سوء استخدام ده عيب فالبويا وهددهم انك حتروح تشتكي في جهاز حمايه المستهلك انا بقولك كده لأني لسه عارفه النهارده من حد شغال في معرض سيارات وقالي علي بلاوي بلاش اقولهالك عشان متتعكننش زيي وعشان منظلمش حد بس متسكتش علي الموضوع ده ولا تستني عشان بعد كده ممكن يقولولك انك انت اللي عملتها

**sam07** · 27-08-2009 09:49 AM

أنا لس شاري العربيه من التوكيل ٢٠١٠ وعندي نفس المشكله لما سالت التوكيل قالي ان ده من الندي الي كان بينزل علي الشمع الي علي العربيه لما كانت مركونه في المينا قالي معي الغسيل والشمس هايروح! و بيبان قوي مع المياه لما تغسل العربيه .

**dr_abooody** · 27-08-2009 07:16 PM

المشاركة الأصلية كتبت بواسطة sam07

أنا لس شاري العربيه من التوكيل ٢٠١٠ وعندي نفس المشكله لما سالت التوكيل قالي ان ده من الندي الي كان بينزل علي الشمع الي علي العربيه لما كانت مركونه في المينا قالي معي الغسيل والشمس هايروح! و بيبان قوي مع المياه لما تغسل العربيه .

شكراا يا باشا على ردك

انت طمنتني شوية

انا كلمتهم في ابوغالي قالي ان مع صيانة ال 1000 دة بتتشال بالكمباوند

**mosaelaswad** · 27-08-2009 07:42 PM

يانهاااار ابيض كومبوند فى عربية جديدة 00000عادى مانا كانت جديدة وفيها حدفة يمين---اللة لا يسامحة غبور افندى

**dr_abooody** · 27-08-2009 10:45 PM

المشاركة الأصلية كتبت بواسطة mosaelaswad

يانهاااار ابيض كومبوند فى عربية جديدة 00000عادى مانا كانت جديدة وفيها حدفة يمين---اللة لا يسامحة غبور افندى

هو الكومباوند دة عبارة عن اية

انت قلقتني كل الحكاية ان العربية عليها حاجه مش عارف مدلوقة و لا شمع دة مش عارف بالظبط و مش عايز يطلع يبقى عايزلة مادة قوية تطلعة

لو الكومباوند دة لية عيوب قولي

**bmya** · 27-08-2009 10:52 PM

الكومباوند ده بيلمع بس بيستخدم اعقتد مع العربيات القديمه الدهان قديم نوعا ما وبيكون خشن شويه
اعتقد البوليش احسن وممكن حضرتك تجرب تجيب علبه بوليش ب 5 جنيه وفيه انواع تانيه غاليه المهم وحوط منه علي مساحه صغيره من المكان اللي حضرتك شايفه وادهنه بصبعك كده علي شكل دائري وهات قنطه نضيفه وامسح فيه وادعكها كويس بس زي ما قلتلك جرب في مساحه صغيره وطبعا قبل ده اسمحها كويس من التراب وشوف كده لو طلعت تبقي دي كانت وساخه لو ماطلعتش تبقي عيب دهان وسيبهم بقي يتصرفوا

**أحمد كمال** · 28-08-2009 01:57 AM

المشاركة الأصلية كتبت بواسطة motorizer

الكومباوند بيعمل عملية صنفرة خفيفة للدهان عشان يشيل أي حاجة عالقة به .. ملوش أضرار لو الإستخدام علي فترات متباعدة
البوليش ملمع و filler بمعني لو فيه خدش في الدهان بيخش جواه و يملاه و بيخلي أثره أقل و غير مرئي .. ملوش أضرار برضه لو بيستخدم علي فترات متباعدة .

رأيي تروح مركز متخصص في طلاء السيارات و الكشف عليها و تطلب منهم تشخيص العيب فقط دون التدخل في علاجه .
لو إتضح إنها حاجة مزمنة .. أطلب تغيير السيارة و إعمل شكوي في حماية المستهلك .. أو عالأقل يتم تعويضك مادياَ عن عيب زي ده .

بلاش يروح مركز متخصص

هو يروح غبور يردح لهم

بدل ما يقولوا له انت اللي بوظتها او المركز اللي بوظها

-

-

الموضوع: مشكلة في طلاء هيونداي النترا زيرو

LinkBack

أدوات الموضوع

عرض

مشكلة في طلاء هيونداي النترا زيرو - انشر الموضوع فى :

-

-

-

-

-

المواضيع المتشابهه

فيه معرض عنده النترا 2011 زيرو للى بيدور على زيرو

مشكلة في هيونداي النترا

محتار اجيب هيونداى النترا زيرو ولا نيسان صنى زيرو

عندي مشكلة في النترا زيرو

أول انتاج كمي لسيارات هيونداي هجينة من هيونداي ، النترا ، 2009

الكلمات الدلالية لهذا الموضوع

المفضلات

المفضلات

ضوابط المشاركة