محتاج مشورتكم فى جيتا 2009 قبل ما اجيبها

بسم الله الرحمن الرحيم

طبعا بعض الاعضاء تعرفنى وتعرف عربيتى الجولف 3 بس للاسف انا انقطعت عن المنتدى فتره لظروف خاصه

والحمد لله ربنا وفقنى وهشترى جيتا 2009 كمفورت وعايز اعرف بعض النصائح منكم والاعضاء الذى يملكون السياره

وكل شئ عنها قبل ما اجيبها

العربيه الى ناو اشتريها بأذن الله مواصفاتها كاتالى

فتحة سقف

زينون

فوجات

فرش قماش لانها كفورت

التحكم فى الكاسيت والجير بوكس من الدركسيون

جنط 17

لونها ذهبى شامبين

فاميه الظهر والبابين الى ورا

زيرو طبعا

كل الكماليات ما عدا

السخانات الى فى الكراسى

الكراسى عاده مش كهرباء

الماريات بتتقفل يدوى

الفرش قماش مش جلد

اتمنى تفيدونى لانى بعشق العربيه دى وتقريبا بأذن الله شبه اشترتها

تم النقل لفولكس
مشرف العام

اولا
حمد الله عالسلامه
وولكم بااك
ثانياا
مبروك عليك العربيه
وربنا يوفقك في اختيارك
ويباركلك فيها ويحفظك منها
هي عربيه تحفه
لكن مش هقدر افيديك الصراحه
اعتقد تروح منتدي الvw افضل
هناك هيفيدوك اكتر

:satelite:الف الف مبروك ياباشا وربنا يباركلك فيها ويكفيك شرها
انا كمان بشترى واحدة بس انا بشترى الكاملة الهاى لاين بالشاشة التاتش والابنوس والكراسى الجلد والجنط ال 17 بس حوار الزجاج الفامية دا مش عارف ان كان فيها ولا لا مع انى عاوزها بالفامية:120146b هى عموما العربية دى لا غبار عليها لانها
اولا انها المانى
ثانيا من فولكس
ثالثا عن تجربة الناس ليها الناس شكرت فى العربية وقالو ان عيوبها قليلة
رابعا كماليتها ما شاء الله كتيرة
خامسا كفاءه ومتانة وجودة وخدمة شاقة
سادسا قطع غيار معمرة
وربنا يباركلك فيها كدا :ask: ويكفيك شرها وتكون وش الخير عليك وعليا:ma:

وعلى فكرة اول صيانة للعربية دى على 5000 كم ودا الى عرفتة

ياراجل وهى مشاء الله محتاجه مشوره بردو أتكل على الله وانت مغمض
بس صلى أستخاره الأول عشان تشوف هى خير ليك ولا لأ

اتكل على الله و مش هتندم العربيه تحفه ماشاء الله

السلام عليكم ورحمة الله وبركاته

اولا لا غبار على الاختيار طبعآ ان شاء الله موفق بأذن الله و انتشارها فى شوارع مصرنا الحبيبة دليل النجاح وانها تستحق ......يعنى خدمة شاقة وعملية وماشية باى بنزين 90 او 92 ماشى بس انا انصح باقل حاجة 92 مش اقل من كدة بس هى ماشية 100 100
ثانيآ : هى مكسيكى مش المانى ولكن طبعآ بلا جدال تحت اشراف فولكس فاجن
والمفاجئة انها نفس السيارة الى بتنزل امريكا هى هى الى بتنزل مصرنا الحبيبة هذا الكلام سمعته هنا فى المنتدى الجميل
ثالثآ : واهم حاجة صلاة الاستخارة كما سبقنى فى هذه النصيحة أ . محمد مصطفى حبيبى
وان شاء الله موفق وكل عام وانتم بخير

هما نزلوا فى اسعار 2009 بسبب قرب نزول 2010 و لا لأ؟

موديل 2010 نفس المواصفات المطلوبة ب 196000

http://www.nilemotors.net/Nile/91436-2010.html

اولا اشكركم جدا على ردكم وتعبكم معانا فى الموضوع وفعلا كنت متوقع انى هلاقى الخبره هنا لانكم فعلا اهلا للخبره

ثانيا فعلا يا جماعه العربيه بتقف قدامها تبقى مش عايز ترفع عينك من عليها

وبأذن الله اولا ما اجيبها ان شاء الله هنزل صوره ليها من الداخل والخارج وتجربتى عن ادائها

وفى النهايه لا يسعنى غير شكركم جميعا بارك الله فيكم ورزقكم احسن منها

ربنا يباركلك فيها يا باشا........لما تجبها انشاء الله يارات تؤلنا بس عن السعر والمواصفات اللي جبتها واللى شفتها وانت بتدور


شكرا

معلومة صغيرة عن الجيتا الجديدة والأوكتافيا كمان

طمبورة الكمبرسور بتاع التكييف فبر والطمبورة على سير الدينامو

ومع الحركة والخبط والهبد العاديين جداً في شوارعنا أو مع حداث الطمبورة بتتكسر. وطبعاً السير لازم يلف وعلشان السير يلف يبقى لازم الطمبورة تكون سلية والطمبورة ملهاش قطعة غيار. يعني الي بيتغير هو الكمبرسور.

غير كده طرمبة المياه على كلاتش ودي مواصافات غير مناسبة إطلاقاً مع شوارعنا

إلي مش مصدق يروح يبص بعينه ويسأل واحد أهل ثقة مش بياع في معرض

دا بجد ؟؟؟ و طب و الوضوع دا حله ايه ؟؟ ايه القلق دا بس

اقتباس:

---

المشاركة الأصلية كتبت بواسطة umoussa

معلومة صغيرة عن الجيتا الجديدة والأوكتافيا كمان

طمبورة الكمبرسور بتاع التكييف فبر والطمبورة على سير الدينامو

ومع الحركة والخبط والهبد العاديين جداً في شوارعنا أو مع حداث الطمبورة بتتكسر. وطبعاً السير لازم يلف وعلشان السير يلف يبقى لازم الطمبورة تكون سلية والطمبورة ملهاش قطعة غيار. يعني الي بيتغير هو الكمبرسور.

غير كده طرمبة المياه على كلاتش ودي مواصافات غير مناسبة إطلاقاً مع شوارعنا

إلي مش مصدق يروح يبص بعينه ويسأل واحد أهل ثقة مش بياع في معرض

---

دا انهى جيتا 1400 ولا 1600 اصل حضرتك بتقول الجديدة فا ياريت حضرتك توضح اكتر :120146b

كله يا عزيزي

دا تغيير في سياسة الشركة الأم، التركيز على بعض قطع الغيار الحساسة في العربية لرفع المبيعات وإنعاش سوق السيارات

اقتباس:

---

المشاركة الأصلية كتبت بواسطة islamaboelnaga

دا بجد ؟؟؟ و طب و الوضوع دا حله ايه ؟؟ ايه القلق دا بس

---

ملوش حل

الحل الوحيد فك طمبورة من كمبرسور بايظ وعمل واحدة معدن عند الخراط

غير كده عليك وعلى كمبرسور جديد أو لو حظك ضرب ولقيت كمبرسور بايظ وطمبورته سليمة

ياعم أسامة حرام عليك وجعت بطننا ليه قبل الفطار يا راجل. طبعا ماحدش يقدر يشكك في كلام أسامة موسى كراجل فاهم بس ياريت تقولنا سعر الكمبريسور الجديد كام
سؤال اضافي ، عند المقارنة بين الجيتا و الأوكتافيا كان دايما الرد بأن الأوكتافيا حمالة أسية عن الجيتا ، هل الكلام ده مازال منطقي بعد كلام أسامة عن الكمبريسور و طرمبة المياة؟.

خالص احترامي

محمد

اقتباس:

---

المشاركة الأصلية كتبت بواسطة umoussa

معلومة صغيرة عن الجيتا الجديدة والأوكتافيا كمان

طمبورة الكمبرسور بتاع التكييف فبر والطمبورة على سير الدينامو

ومع الحركة والخبط والهبد العاديين جداً في شوارعنا أو مع حداث الطمبورة بتتكسر. وطبعاً السير لازم يلف وعلشان السير يلف يبقى لازم الطمبورة تكون سلية والطمبورة ملهاش قطعة غيار. يعني الي بيتغير هو الكمبرسور.

غير كده طرمبة المياه على كلاتش ودي مواصافات غير مناسبة إطلاقاً مع شوارعنا

إلي مش مصدق يروح يبص بعينه ويسأل واحد أهل ثقة مش بياع في معرض

---

شوف يا باشا مع احترامى الشديد ليك ولرأيك ولخبرتك الكبيره بس انا مش مقتنع بكلامك نهائى لسبب ان كلامك ده بيعنى ان كل عربيه فى العالم حتى الى فى امريكا وكل جيتا هتظهر فيها المشكله دى

وخلى بالك حضرتك فى حاجه انت فوتها العربيه الى بتنزل من مصنع المكسيك على مصر او على السودان هيا هيا الى بتنزل فى اصعب وارخم سوق فى العالم الى مش بيعجبه الا عربيات القمه وهو السوق الامريكى يعنى معنى كده ان المشكله دى لما تظهر هتخلى سوق العربيه فى امريكا يختل ويبدأ السوق الامريكى فى البعد عن السياره ومش ممكن شركة زى فولكس تخاطر بحاجه زى دى عشان قطعه غيار!َ!! اصلها مش فقيره يعنى عشان تنعش سوق قطع الغيار بحاجه ساذجه زى دى والاهم من ذلك يباشا ان اى عربيه بيظهر فيها عيوب وممكن تكون دى عيب عرضى مش وباء يعنى وكلمه عايز اقولك عليها مع احترامى ليك بس احنا مش هنعدل على الالمان مهما حصل حتى لو عملوا عربيه بتمشى بفرده واحده ! لانى دى بلد صناعى فى المقام الاول

ارجو ان تتقبل كلامى بصدر رحب لانى بجد حسيت من كلامك انها 128

لكن احنا بنتكلم عن عربيه تنمها 185 الف جنيه

واكيد ياباشا هما قاصدين حاجه احنا مش فاهمنها من انهم يعملوا كده

يا عزيزي كلامك على رأسي ومعنديش أي اعتراض عليه

بس ليا رجاء عندك

أول لما تسمع عن حالة بالمنظر ده، تدخل على الموضوع هنا وتقول شفتها وسمعتها بنفسي، اتفقنا؟

اقتباس:

---

المشاركة الأصلية كتبت بواسطة umoussa

يا عزيزي كلامك على رأسي ومعنديش أي اعتراض عليه

بس ليا رجاء عندك

أول لما تسمع عن حالة بالمنظر ده، تدخل على الموضوع هنا وتقول شفتها وسمعتها بنفسي، اتفقنا؟

---

طبعا يا استاذ اسامه وارجو انك متكونش متضايق من كلامك انا بس بقول وجهة نظرى ولك طبعا كل التقدير والاحترام

يا أخي الفاضل أنا مبتكلمش من فراغ ولا هاوي



وبعدين الاختلاف في الرأي لا يفسد للود قضية مطلقاً وأنا لو مكانك ومعنديش خلفية بالعربية حقول إن الكلام ده فارغ. بس بكل أسف دي حقيقة

ولك مني كل احترام وتقدير

اقتباس:

---

المشاركة الأصلية كتبت بواسطة bolvegari

طبعا يا استاذ اسامه وارجو انك متكونش متضايق من كلامك انا بس بقول وجهة نظرى ولك طبعا كل التقدير والاحترام

---

كل اللى جايب عربيه جديد لازم يحصل له سوء تفاهم مع اسامه موسى لان له بعض الاراء الصادمه :36_1_40[1]:لاى حد شارى عربيه جديد لاكن مع الوقت هتعرف انه هو بيعبر عن رايه فى ايه عربيه من وجهه نظر شغله هوا مش من وجهه واحد عاوز يركب العربيه
لكن فى النهايه اسامه من الناس المحترمه جدا فى منتدى الفولكس و مسيرنا نحتاجه ان اجلا او عاجلا :S_thum1[1]:

يا سيف يا عزيزي جزاك الله خيراً عن كل حرف كتبته

ربنا يعلم إني بنصح الناس لوجه الله وربنا ما يكتب على أي حد يتعامل معايا