هو رغم ان الموضوع قديم بس اهو نرد علشان لو حد تانى عايز يجى يستفيد

الفنادق اللى اسعارها حتبقى معقولة هى بتوع الجيش وتبقى كويسة مش وحشة يعنى

الماسة (ده افخمهم) جنب المنصة مباشرة بس اسعاره غالية

دار الدفاع الجوى فى شارع النزهة (امتار من سيتى ستارز وقريبة من عباس العقاد ومكرم)

دار الاشارة (فى اخر شارع سيتى ستارز)
دار المدفعية (صلاح سالم جنب البانورما والاستاد)
دار الامداد والتموين (الاوتستوراد أمام عباس العقاد تقريبا)
دار الهيئة الهندسية قريب من صلاح سالم والخليفة المأمون بس مش عارف اسم الشارع بالظبط

طبعا فى فنادق 5 نجوم ناحية المطار شوية زى فيرمونت (موفنبيك سابقا) البارون (صلاح سالم) سونستا (شارع الطيران-فندق تعبان)

أما التاكسى بياخد كام فتفرق رايح فين فى مدينة نصر لانها كبيرة اوى وفى اماكن ممكن تدفع 10 واماكن تانى تدفع 15
علشان كده الاحسن التاكسى الابيض