الموضوع: جاري جاب لإبنه عربية

سفه + مفسدة مبكرة + انعدام مسؤلية بطريقة فجة ,
على فكرة مش خسارة ان يتبلغ عنه قبل ما يرتكب مصيبة هوه او حد من صحابه اللى ممكن يستلفوها منه خاصة و همه فى سن بعض ,
منتهى الاستهتار ..............

المشاركة الأصلية كتبت بواسطة ashraf229

يعني أنا و حضرتك و أهلنا و حبايبنا و جيرانا و كل اعضاء المنتدى المصريين متخلفين!!!!!!!!

الله يسامحك..........

أفهم من كده برضه اننا في انتظار حد ييجي يربينا.......... برضه الله يسامحك

و هل من الائق انك تعمم الناس كلهم بالشتيمة انهم مش متربيين و متخلفين !!!!!!!

ارجو من أحد المشرفين الأفاضل الحفاظ على كرامة المشتركين و الاهتمام بالألفاظ في الردود زي اهتمامهم بقوانين الكتابة و ألوانها و اسلوبها

لأن الكلام ده غير مقبول و غير لائق من شخص محترم لناس محترمة لا تقبل الأهانة

احنا بنتكلم في موضوع و بندردش و نتناقش فيه مفيش داعي ندخل في سكة ان الناس متخلفة و عايزة تتربى و نرجع نقول احنا رخاص عند الناس برة ليه !!!!!!!!! اذا كان ده رأي واحد مننا فينا و في أهله و أبوه و أمه و أصدقائه و بلده و عموم الناس بلا استثناء حتى نفسه..........

عفوا............لا تؤاخذوني يا جماعة لكن اسلوب الكلام لفت نظري و استغربت انه ما ضايقش حد منكم عادي يعني.......

و رمضا كريم لك و للجميع يا شقيق.............

بُص يا أستاذي الفاضل
أولا معنى كلمة متخلف مش شتيمة
متخلف لها معاني كثيرة
منها هو الشخص الذي لم ينضج عقله النضج الكامل مع أمتداد عمره
يعني العقل تخلف عن النضج مع أمتداد العمر و هو ما نسميه التخلف العقلي .

و التخلف الحضاري ( اللي أحنا بنعيشه حاليا ) أحنا و الدول العربية علشان متزعلش .
يعني أيه تخلف حضاري
يعني تصبح إنسان بلا قيمة حقيقية للمجتمع الأنساني في العموم و للمجتمع المحلي في الخصوص .
أحنا أمة تخلفت عن الركب الحضاري ..... يعني لم نجاري الركب الحضاري و الركب المعلوماتي .
يعني بالبلدي القطار فاتنا و مش بنحاول نجري وراه ...... لاءة واقفين نتفرج عليه من بعيد لبعيد و هو عمال يبعد أكتر و أكتر .

إن كنت شايف أي شتيمة في المعاني دي ............ يبقى أنا آسف لحضرتك و كمان ممكن حضرتك تستثني نفسك لو حضرتك حاسس أنها شتيمة ........ و حاشى لله أني أشتم أحد
أنا بأوصف الوضع الحالي لجمهوريتنا العظيمة ........................ و هو التخلف الحضاري و العلمي و الأدبي و الديني .

تعالى بقى نتكلم عن لُب الموضوع اللي أحنا بناقشه
واحد متخلف ( يعني لم يكتمل عقله لأسباب نفسيه .. و عنده عقدة نقص )
يروح يشتري عربية لعيل صغير و مفكرش في سلامة الواد المايص ........ يبقى في ستين داهية ... أبنه و هو حر فيه أن إشاء الله يأخده على النيل و يغرقه هناك .. ( و لو أن ده ضد الدين و ضد العرف الأنساني ) .
إنما لما الواد المايص ده .... يخرج بالعربية و يجرح عربيتين مثلا أو يدوسني في الشارع و يمشي يعاكس بنات الناس
يبقى الأخ المتخلف الأب ......... أضر المجتمع بتخلفه ....
و الأدهى هو النظام القائم الذي لا يمنع مثل تلك الأفعال
يبقى النظام تخلف عن تطبيق القانون و تطبيق العدالة الأنسانية و الدينية و المجتمعية على هؤلاء السفهاء المتخلفين محدثين النعمة .

يبقى الشعب تخلف .... لأنه بيفكر بأسلوب القرون الوسطى .
و الحكومة تخلفت عن تطبيق واجباتها بفعالية لحماية أفراد المجتمع اللي هو أنا و حضرتك و المصريين جميعا .

يبقى النتيجة :
بالاضافة للتخلف العلمي للعالم العربي جميعا
أحنا بنتميز بالتخلف الحضاري كمان ...... و فيه مشاركة في التخلف بدرجة أو بأخرى بينا و بين الدول العربية طبعا
و كل دولة و لها خصوصيتها .

و في النهاية حضرتك مش عايش في مصر ...... و مش حاسس بالعذاب اليومي اللي أحنا بنحس به بسبب الأفعال اللي زي دي ....... و آخر بتيجي تزور البلد لمدة شهر أو ما شابه و بالتالي و انت موجود بيكون أحساساك مختلف علشان بتكون البلد واحشاك و مش بتبص اللي على الجزء المليان من الكوب ..... لأنك جاي علشان تستمتع بأجازة .
إنما لما تكون حياتك كلها في البلد دي و بتتعذب بسبب التصرفات دي ...... هاتعرف أحنا بنعاني أد أيه بسبب الناس دي .

نرجع للكلمة التانية اللي مضايقة حضرتك قوي و هي التربية :
التربية هي التقويم للإلتزام بالأسس و القوانين الإنسانية و الدينية و المجتعمية الموضوعة
و اللي يخالف هذه القوانين يبقى محتاج بالطبع إلى أعادى تقويم لوضعه على الطريق الصحيح مرة أخرى و هو ما يقال بالتربية أو المقصود بها هو التربية .

و مش عيب أننا نتكلم عن سلبيانتا اللي غرقت أي ايجابيات موجودة ......
لأصلاح المشكلة
ضع يدك عليها ....... و أعترف بها .......... و أبدا في وضع الحلول ........ ثم تنفيذ الحلول .... الحل تلو الأخر .

و رمضان كريم و كل سنة و حضرتك طيب ....... و أرجوا أن تتفهم مقصدي من الكلام
و مرة تانية بأعتذرلك لو الكلام ضايقك .....................


-----------------------------
الأخوة الكرام اللي خيالهم سرح بعيد لمعنى ج ع ع لدرجة هاتدخلنا السجن .........
أحنا غلابة يا جماعة و مش ناقصين ........ و كمان صايمين
عموما هي الكلمة لها مرادف ....................................... بالفوضى و متدخلش السجن و لا حاجة .......
و كفاية كدا علشان أنا مش بحب العيش و الحلاوة .........و يجعله عامل

كانوا بيجيبوا زمان عجل للاولاد الصغار دلوقتي عربيات
جتنا نيله في حظنا الهباب
بجد لا تعليق