تحت كوبري زينهم ....

و عند محطة المترو ...

الدنيا زحمه ... عربيات مبطلة .. أقترح علينا زميلي ينزل يجيبلنا

حاجه ساقعة ...

و فجأة هجم من المخالف .... ميكروباص كالوحش الكاسر ...

و وراه تاكسي بيجو ...

عايزين يقتحموا الطريق و احنا وراهم زي البطريق ...

عربيتنا كبست شوية ...

تحجز مكان قبل البيجو بعد اليأس مع الميكروباص ...

و للأسف دخال الميكروباص زي المنشار في الأكصدام ...

مع صوت قرقعة تهتز لها القلوب و تقشعر لها الأبدان ...

و قفت الدنيا ووقف معاها الطريق مرة تانية ....

كالاكسات و خناق و اللي بيقول اديني رخصتك ...

و سواق الميكروباص سيطرت عليه ملامح الخضوع ...

و هو بيقول هاصلحها ...

و نزلنا نبص علي العربية ...

و لاقينا الأكصدام كله علي الأرض ...

أولا ... الأكصدام مصنوع من أردأ أنواع البلاستيك و اتقطع من النص و طري زي الورق ...

و الله زي الكرتون كده ....

و كمان الأكصدام مربوط في العربية عن طريق كليبسات ضعيفة للغاية ....

المهم ... و قف صاحبها ...

طبعا مش أنا .......

يتحسر علي ال 100000 ألف جنيه اللي دفعهم في عربية ورق ...

من الواضح انه اشتري اسم بس دون النظر عن الخامه ....

و الله دي كانت كلمته بالحرف الواحد ...

"تصدق ان العربيات دي فعلا ورق ... واضح ان الواحد اشتري اسم"

انها لانسر 2007 .......

بجد يا حسرته ....

المهم من حسن حظه انه كان مأمن ع العربية عند اليانز ...

و راح لهم ادوا له ايصال بتغيير الأكصدام من الوكيل مجانا ....


وصلني لحد ما ركبت عربيتي ...

و حمدت ربنا ان انا عندي اسبرانزه .....