انسى الكلام ده
الكلام ده كان زماااان
احنا دلوقتى بتوع السلام السلام السلام
النهضه السلااام اسبيكو السلااام
عرض للطباعة
الحمد لله
أخيراً أدهم صبري أنقذهم
يا حلاوة يا ولاد
وهذا مقطع من الأحداث:
..... وبطلقة رصاصة واحدة أطاح أدهم صبري ب 45 رشاش و 13 أر بي جي على الأرض من أيدي القراصنة
وذلك دون أن يصاب أحدهم بأذى
وبعد أن تحركت المراكب للهرب
ظهر حوت أزرق ضخم أمامهم فاتحاً فاه ليلتقمهم بمراكبهم
فما كان من أدهم صبري إلا أن لكمه لكمة على أعلى مؤخرة زرزورة أنفه اليسرى
فلقي الحوت مصرعه في الحال ....
........................................
حتى وصل أدهم صبري بهم إلى أرض الوطن .
انا شفت تقرير الجزيرة اول ما "الرجالة" رجعوا
و شفت الدم الحامي اللي سابق الكلام للسان الصيادين
وشفت البدل و الكرافتات اللي بتسمع نصوص ملزقة و مقرفه
هو ليه ما حدش عايز يحط نفسه مكان الصيادين
يعني أنا لو شفت جنس دبورة مصرية بتدافع عني و تاخد بإيدي
ولا مليم أحمر اتدفع علشان يحررني
دا أنا كنت عملت فرح و اطلع في كل قناة و أنا داهن و شي التلات ألوان زي بتوع الكورة
و هاغني ما شربتش من نيلها كمان
انما رد فعل البحارة مالوش غير معنى واحد انهم فعلا حرروا نفسهم ..
بعد ما فقدوا الأمل في بلدهم و عرفوا انهم هايخللوا هناك
و للي بيقول اشمعنى بعد 4 شهور ....
ولو كان تاني يوم كان هايبقى (معقول يحرروا نفسهم تاني يوم)
اللي عملوه ده مخاطرة بحياتهم
قرروا يعملوها لما لاقوا انهم مالهمش غير دراعاتهم
و للي بيقول ان العملية سرية ....
سرية ليه ؟؟؟ .......زي الجلف الكبير كده ؟؟؟
ولو هي سرية ...يبقى يستحملوا كلام (الشعب الجاهل) و هي دي ضريبة العمل السري
ما انا بقولك كلها رويات ...عمرك ما حتعرف الحقيقة , يعنى هى اية مصلحة السودان فى تحرير السائحين ,و تمتلك السودان اية اساسا من اى تجهيزات لمعرفة مكنهم حتى ...
يا جماعة مش لازم نعرف التفاصيل انما المهم النتيجة النهائية و هى انة تم تحرير الرهائن و كمان القبض على عدد من المخططفين للمحاكمة .
و مش لازم انا اعرف كل التفاصيل عشان احترم المجهود اللى اتعمل فى العملية دى ...هو انتو يعنى على علم بكل عملية مخابرتية و امنية بتحصل على ارض مصر .
ولا عوزين جهاز المخبرات العامة المصرية تعمل موقع على النت و ندخل نعمل شات مع العملاء الى شغالين فية .
فى جنود مجهولة كتير فى اى عملية امنية و مش عشان انا معنديش تفاصيل عنهم.... ان انا اتريق عليهم و على مجهودهم و اصدق كلام الصيادين السازج دة .
اسمحلي
هو عملية هضبة الجلف دي - لو كان في عملية - تستخبى ليه ؟؟؟
كان فيها جواسيس كمان على العيال الي عندهم 16 سنة ؟؟؟؟
ايه السر الحربي يعني اللي يخبوه ...
انا مبسوط والله انك مقتنع كده بإن البلد دي نمرة واحد في كل مشاركاتك
و صدقني نفسي أبقى زيك لأني أكيد هاعيش مستريح
بس للأسف مش عارف
وكل ما أقول يمكن المرة دي حقيقة
الاقي المثل الشهير ( أفتكرلك ايه يا بصلة )
مفيش فايده
باشا دي مش عملية تجسس على اسرائيل مثلا و لا عملية سرقة اسرار
رجالتنا و اتخطفوا و حررناهم و كل البلاد بتعلن عن تفاصيل العمليات المشابهة و اقربهم امريكا اما حرروا الرجالة و اسروا قرصان صومالي
و مش لازم ينشروا اسماء و لا عناوين و لا نيلة ......
+1 كنت هاقولها
بالظبط فين السر
زيها بالظبط زي الخبر اللي بيتنشر كل يوم عن القبض عن فلان و علان على يد القوة الفلانية بقيادة اللواء العلاني
فيه فرق بين العمليات العسكرية و العمليات الاستخباراتية السرية
و دي مش عملية سرية و لا حاجة
اؤيدك في هذا الكلام تمام
و في نقطة الاخوة ناسينها , انتوا متخليين انهم ضربوا القراصنة و خطفوا الاسلحة و خدوا بعضيهم و مشيوا كده و يللا سلاموا عليكم !! :8954[1]:
لأ طبعا ... العملية كانت محسوبة بمنتهى الدقة و لازم يكون فيها شغل مخابرات , لانه كده بقوا شوية قراصنة عيال في كي جي وان , مش محترفين بيخطفوا كل كام يوم سفن عملاقة تتبع دول كبرى زي امريكا و ايطاليا و اللى بيدفعوا الفدية في اغلب الاحيان ..
يا جماعة , بالعقل كده
علشان تتعمل عملية زي دي , لازم اقل حاجة انهم يعرفوا مكان باقى العصابة او الدعم اللى ممكن يوصلهم على الاقل و كم تبعد المسافة ما بين اقرب زورق او زوديك تابع للقراصنة و بينهم , علشان ممكن كان يلحقوهم و يعملوهم شوربة و من غير ملح و لا كمون ,
و الكلام ده علشان يحصل لازم يكون عن طريق اقمار صناعية و احداثيات مش هتكون متوافرة للجماعة الصيادين دول مع كامل احترامي ليهم , و لكن طبعا لا ننكر دورهم في التنفيذ ... انما ملهمش دعوة بالتخطيط .. ده شغل مخابرات و دماغ عالية :O_stupid[1]: