والله انا شايف ان هناك ناس تعبة نفسها فى انتقاد سيارات الاخرين ، واقترح عليهم عمل حجاب علشان كرههم للاسبرانزا ، يمكن يكون الحجاب بالحب او عدم ارهاق النفس فى اشياء تخص الغير
عرض للطباعة
والله انا شايف ان هناك ناس تعبة نفسها فى انتقاد سيارات الاخرين ، واقترح عليهم عمل حجاب علشان كرههم للاسبرانزا ، يمكن يكون الحجاب بالحب او عدم ارهاق النفس فى اشياء تخص الغير
أنا مستغرب ناس اكتر اصلا ما عندهاش اسبرنزا وبينتقدوها بعنف
وكل كلامهم عبارة عن كلمتين تلاتة سمعنا والناس قالت وقالولنا
طيب مش لما تجرب بنفسك تبقى احكم
حسبى الله ونعم الوكيل
:-(
لا تعليق
حد يشتري حاجه صيني برده حرام عليك ... لا وعربيه صيني كمان !!!!!!!!!!!!!!! يا راااااااااااااااااااااااا اجل
واحد صاحبي لاسع قالي يابني العربيات الصيني دي عامله زي الـــ " ***** المستعمل " عمرك شفت حد بيشتري ***** مستعمل ؟
-----------
تم التعديل بواسطة الادارة4
الحمد لله قدر ولطف!!!!
شكرا الأدارة على التعديل
lol ana kont ba3ayat men el dehk we ana 3amal a2ra heya de kanet zero !
ehmed rabena enaha etba3et we isa rabena yerzo2ak kheer fe el 3arabeya elgededa ,,bas mafesh harag 3aleeha 3ala fekra ,,,de seeny ,,seeeny! ya3ny no commet 3aleeha ..la harag ya3ny :D..thx for ur information ,...
مبروك عليك الليجانزا عربيه ممتازه باراء اللى ركبوها ويعيبها استهلاك البنزين 2000 سى سى ومش عارف الصراحه ايه نظام قطع الغيار بتاعتها لانها مبفتش تنزل من فتره
بس كل اللى ركبها يقول الليجانزا حاجه والنوببرا واللانوس حاجه تانيه
مع احترامنا ليهم كعربيات جيده
بجد ياجماعه بعد الكلام اللى بيتقال على الاسبرنزا فى المنتدى ده من راى ان ابو الفتوح بيطل يشتغل فيها بجد هاتلى اى حد عقال بعد الكلام ده يفكر بس مجرد تفكير ان هو يروح يتفرج على العربيه مش يشتريها كمان
وياجماعه حبه تعليقات بس على الموضوع يعنى ايه عربيه عمله زى البطخيه ليه هو انا بدفع 60.000 جنيه ويمكن تطلع حلوه او وحشه ده على اساس انى رايح اشترى موبايل ولا ايه وكمان فيه ناس تقولك 20.000 الف كيلو كتير !!!!!!!!!!!!!!!!!!
ياراجل حرام عليك ده فيه عربيه تويوتا كرولا كانت عامله مش فاكر والله بس تقريبا 400.000 الف كليو والعريبه زى الفل وكانت موديل قريب كمان
بس هى خلاصه الصين لسه بدرى عليها اوى عقبال لما تصمم عربيه كامله
يعنى انا بحترم اوى الشيرى a11 علشان قالوا رحم الله امرا عرف قدر نفسه
ان لسه بدرى عليا فى التصميم بس ممتاز فى التقليد اخلينى فى التقليد احسن وحبه حبه وربنا هيفتحها علينا وابقى اصمم ياعم ( ;
ويجعله عامر باذن الله
جزاك الله خيرا
طب ياجماعه لما العربيه سيئه جدا كدا ايه سبب انتشرها مع ذكر ان شكله مش مميز اوي وياتري هيا افضل ام الشيري ؟
السيارة حلوة على فكرة و دة اشاعات
يا أيها الذيى آمنوا إذا جاءكم فاسق بنبأ فتبينوا أن تصيبوا قوما بجهالهفتصبحوا علي ما فعلتم نادمين.
صدق الله العظيم
إفعل ما شأت
إن لم تستح فافعل ما تشاء. دارت هذه العباره في خاطري وأنا غير مصدق ما اراه بعيني وافهمه بعقلي من تلميح وتصريح بالتجريح غير مسبوق ولامبرر او مسوغ واضح له ولا يمت بصله لمعاني السمو والعقل التي يتشدق بها كاتب تلك السطور التي تنضح كرها وتشع حقدا وغلا دون وازع من اخلاق او ضمير .
هنقول ايه بس حسبى الله ونعم الوكيل. لكم الله فهو خير معين. ربنا يثبتكم ويصبركم يا سبيرانزاوية ... حسبى الله ونعم الوكيل.
دي إشاعات يا جماعة بصو حواليكو و انتو فالشارع و انتو تتأكدو من صحة كلامي
مش محتاجة فقاقة يعني :S:S
محمود جبر
أحد أعضاء نادي سبيرانزا
يا جماعة مع احترامي الكامل لكل الاراء .صحيح يمكن يكون الهجوم على العربية مبالغ فيه! لكن لازم نسال نفسنا .اشمعنا الهجوم على العربية دي بيلذات! ومفيش دخان مين غير نار صح ولا مش صح؟؟؟
ايه يا عم العربية السكه دي .... طبعا انا مش بهاجم الاسبيرانزا بعينها ... انا بقول على العربية اللي كاتب الموضوع بيحكي فيها
اولا ميبقاش عربية لو فيها المشاكل دي كلها ...لكن انا اعتقد ان دي ممكن متحصلش الا مره في كل الف عربية
ثانيا الناس بتتلكك اصلا للعربيات الصيني يعني انا هحكيلكو حوار بجد موتني من الضحك
فيه واحد زميلي في الشغل معاه نوبيرا 2007 وكل يومين تلاته ياخد اذن ويروح التوكيل ليه بيروح ؟؟؟ كان عنده مشكله في زجاج الشبابيك وعملها 3 مرات قبل كده وما زالت بتحصل ... كان عنده صفاره في الفرامل وكان عنده الفانوس اليمين اللي ورا فصل
شويه وكان عندو مشكلة في النقل بياخد الغيار بصعوبه .................
ومعا ذلك تقولو اخبار العربيه ايه يقولك 100 100 ... هوا بيقول كده عشان نوبيرا
وفيه موضوع هنا في المنتدى ده ... واحد بيحكي على كرولا الجديده وكاتب موضوع شبه ده كده ... تحس منها ان الكرولا عربيه معفنه
وكمان معلش عربية ايه اللي فيها المشاكل دي وتتباع ب 60 الف وهيا اصلا تمنها 67 ...دا لو العربيه خدتها من المعرض وبعتها بعد يومين ممكن تبيعها اقل من كده
يا جماعة ارحمونا بقى وقولو راي عادل وموضوعي مش كلام وخلاص ... العربية دي معا زملاء كتير ليا في الشغل ومحدش عمره اشتكى منها كده وبالعكس الناس اللي معاهم لانوس وفيرنا غيرانين منها وكان كلامهم زي كلام الناس اللي بتقول صفيحة زباله والكلام ده ولما جربوها كل اللي قال ... قليل فيها السعر ده ودي حاجه غريبه فعلا
انا فيه واحد صتحبي كان خلاص هيشتريها بس كلام الناس وكلام المنتدى ده خلاه رجع في كلامه وجاب فيرنا ...تخيلو بقى مش بعد 20000 الف كيلو ...لا دا بعد 8 الاف كيلو وبالاصح بعد شهر جابت وش سليندر ...طب دي تقول عليها ايه؟؟؟
للمعلوميه انا مش معايا العربية دي للمعلومة انا معايا كورولا 98 ... عشان محدش يقولي انتا بتقول حلوه عشان راكبها ...وانا مش معايا 128 ولا 132 عشان ابهر بيها
ومش هقول انها زي اللانسر ولا الكرولا ومش ينفع نقارن بيهم عشان دول اغلى سعرا ولازم نقارنها باللي زيها
انا عايز بقى اي حد معاه عربية من اي نوع يقولنا ايه اللي بيحصل فيها بأمانه ... مش يحصل في عربية حجات تبقى عاديه ونفس الحجات تحصل في الاسبيرانزا تبقى مصيبه
ارحمونا بقى يا اخوانا شويه
انا اقول لكم عن صاحب عمل كنت اعمل معاه
جاب عربيه اسمها ماربل
العربيه جت من التوكيل عداد السرعه بايظ والزجاج الكهرباء عطلان
راحت التوكيل اربع مرات علشان الحاجات دى تتصلح ترجع تانى تبوظ
ماهو ياجماعه قطع الغيار صينى ههههههههههههها
وجاب السيرنزا الكبيره دى مش عارف موديلها ايه اللى فيها دى فى دى اوتوماتيك
المهم ركبتها بعد شهرين لقيت الجلد بتاع عصايه الفتيس ممسوح
ولقيت زرار فتح الزجاج الكهرباء اتغير لونه
والله أعلم بعد سنتين ايه اللى حيحصل
الحـــــمد لله قدر آلله ومآشآء فعل
عادي ممكن يكون عيب استخدام
زود مية الريدياتير و العربية مش دايرة مثلا فا جابت وش سلندر
بس 8 الاف كيلو في شهر !؟ ازاي
ايه ياعم كل الكلام دا ...وايه الاسلوب المستفز دا كمان !!!!!!!!!!!!!!!!
هو انت صاحب الشركه ولا ايه !!!!!!!!!!!!
والله لو صاحب الشركه ماكان هيرد الرد دا !!!!!!!!!!!!!!!!!!!!
الراجل مغلطش فيك ولا فى نادى الاسبرانزا بتاعك ...
الراجل بينتقد عربيه شاف منها الويل....دون الاساءه لاحد...
يبقى حضرتك لما ترد عليه ...يكون ردك اكثر موضوعيه...ولا يصح لك ان تتعدى على شخص احد الاعضاء دون سبب ودون وجه حق
على العموم فى مثل بيقول
(اللى على راسه بطحه) !!!!!!
وعلى فكره ...انا لا اعرف صاحب الموضوع من قريب ولا من بعيد...
دا غير انى بحترم الاسبرانزا كمان كسياره جديده تشق طريقها فى ظل منافسه شرسه...
بس اسلوبك غير مقبول بالمره ...وشكرا
وعجبى :fool:
ايه ياعم انت حتعلن الحرب علي الكفار ولا حاجة ؟
و تقدر تتكلم في المنتدى بتاعك الي مقفول و ممنوع اي حد ينطق فيه من عير مايبعت الباسورد بتاعت الكريديت كارد و رقم شاسيه السيارة و رقم تلفون العائلة و الحالة الاجتماعية و بتبقبض كام في الشهر ؟
عايز ترد علي واحد شايف انه مفتري ترد عليه رد موضوعي بشرحك للعربية معاك و تقول تجربتك .. كدة حتكسب ثقة الناس و حيفكروا في العربية ..
انما فتح باب الجهاد الي انت عاملوا ده حيكهر الناس فيها زيادة .
و طلعت نزلت دي سيارة حيديد .. متخسرش الناس علشانها يعني .
السلام عليكم ورحمة الله وبركاته
يا جماعة انا متابع الموضوع ده من فترة ومستغرب جدا من اللى بيحصل والموضوع بسيط جدا
- الحكم على العربية بيكون باتفاق الغالبية العظمى لمستخدميها بكونها عربية جيدة او من عدمه وعمره ما يكون بالتجارب الفردية والآراء المبنية على السمع, وده لانى بسمع ناس بتشكر فى العربية وناس تانية بتذم فيها
- لو فرضت انى كنت راكب عربية من العربيات التوب ومش عايز اذكر عربية بعينها لانه ده رأيى انا وبعدين ممكن واحد يطلع ويقول دى لا هى توب ولا حاجة دى فيها مشاكل, المهم بعد كدة رحت غيرت العربية بعربية تانية اقل فى المستوى اكيد حاقول ان العربية الجديدة دى اى كلام وفيها العبر, والعكس صحيح
sting
انا بئا عملت بعربيتى 45000 كيلو و دى العيوب
- الشكمان على طول مكسور
- جابت كبلن
- السمعتين اللى ادام باظو
- الموتور سحبه زباله
- تقطيع فى البنزين
- عفشه مفككه مهما اعمل
- الكايت باظ
- ال سي دى باظ
للأسف كلها عيوب عامه
عزيزى slayer قبل ما ابتدى الاسئلة احب اوضح انى لا املك هذه السيارة
هل دى اول عربية لك؟
لو الاجابة لا, كنت راكب ايه قبل العربية دى؟
واحوالها كانت ايه معاك؟
استخدامك للعربية شكله ايه؟
sting
كلامك ده مش منطقي ........ لانه لو فعلا كل المشاكل هذه في العربية كانت فشلت من اول شهر تنزل فيه السوق ومحدش اشتراها .
بس الي شايفه انه الناس مقبله عليها اقبال شديد واكيد ذلك لجودتها ورخص ثمنها والاهم من ذلك ان العربيه دي دخلت السوق الخليجي واكيد الكل عارف مين هو السوق الخليجي وحجم التعاملات الهائله الي فيه . وانا شخصيا بعرف شخص يملك عربيه 516 بقالها معاه اكثر من سنه بدون اي مشاكل ابدا سوى غيار الزيت الدوري علما انه من سكان الاسكندريه ويعمل في القاهره !! اي كل اسبوع مش اقل من 2-3 يذهب بها الى الاسكندريه ويعود والعربيه زي الفل ... والعربيه خلال السنه دي عملت 45000 الف كيلو .
فارجو من الذين واجهو مشاكل مع العربيه ان يعرفوا ان العربيات ارف والي ما والمتك ممكن توالم غيرك
يا جماعه انا عايز اقول حاجه العربيه دى بجد عامله زى البطيخه يحمرا يارعا
و دى مشكلة العربيات الصينى و مصانع دايو
يالهوي هو الموضوع ده لسه عايش
يا جماعه بصراحه في عربيات بتنزل مليانه مشاكل ربنا يعين اللي يشتري عربيه من دول
لكن معظم الاسبيرانزا مفهاش االمشاكل دي الحمد لله مفهاش مشاكل معايا وزي الفل ربنا يحرسها
الواحد يجيب لادا زيرو افضل بقا
انا هقول على الى شفتة بعينى واحنا فى رمضان مينفعش الواحد يكذب فى عندنا فى المنصورة اسبرنزا تاكسى وهى الوحيدة التاكسى شوفتها بتغير مراوح الريداتير فى الحسنية ودى عربية 2007 قولت عادى بتحصل بعدها بى اسبوعين بوصل واحد صحبى
لقيتة بيحااول يضورها مبضرش رجعت تانى لقيت بيزقها وبيشوف حد يزق معاة ومن يومين اخدا ملف وكسر عليا أووى وعلى العربيات اديتو تركس وجيت جانبوة الى قاعد معاة قلى مفيش دبرياج
انا عربيتى لانوس موديل 2001 عاملة 177000 معملتش الى عملتة العربية دى
انا بقوا الكلام دة علشان صاحب التاكسى صعب عليا ومبحبش حد يكون مكانة
يجماعة الراجل اللي كاتب الموضوع بيقول حاجه غريبه ازي عربية فيها كم المشاكل دي ويبعها بعد فترة مش هنقول بعد يوم واحد ويخسر فيها بس 7 الاف يعني هيا ب 68 وباعها ب 61
وكمان دي بتبقى ارزاق انا فيه واحد صاحبي جاب فيرنا 2007 زيرو فول اوبشن 1600 مانيوال
العربية جابت منه وش سليندر في شهرين ومش عيب استخدام ولا حاجه راح عمل فضيحه في التوكيل غيرلو العربية كلها ...الجديدة كانت فيها حدفة ... راح التوكيل قالولو من الكاويتشات ... قالهم طب لما انتو عارفين ان الكوتشات معفنه مركبينها ليه ؟؟؟ المهم خرج من التوكيل واسبوع التكييف باظ ... رح عمله بردو ... والريموت كمان كان اتفك من بعضه... اخر حاجة بيقولي مرة كان ماشي في العجوزة نزل يجيب سجاير ورجع العربية مش رادية تدور ...بيقول قرفت منها ومن اليوم اللازرق اللي جابها فيه سابها وركب تاكسي وروح وخلى اخوه يروح يشوفها.....ودي تاني عربية الاولانية اتغيرت لما جابت وش سليندر
الحكاية دي كلها في اقل من سنة
ده مش معناه ان الفيرنا كلها وحشة ....دا نصيب
ممكن حد تاني يجيب اسبيرانزا وتبقى معاه اجدع من مرسيدس
يا باشا انا كانت معاية اسبرانزا 2000 سى سى هى كان فيها عيوب بس مش كل الى انتا بتقوله ده العربية عفشتها تمام اوى اوى وفيها اوبشنز جبارة وجراية كمان واكيد لو كان فيها كل العيوب دى مكنتش حقق نسب المبيعات دى ومفيش حد دلواتى بيرمى فلوسه الى بيشترى حاجه بيكون سال وعارف وفى الاخر يا باشا ده كله حسب استخدامك للعربية .......
وده فيديو من اليوتيوب وشوف الاسبرانزا وهى مقفله الامبير
لقد تابعت الفيديو كليب مرتان و خرجت بالملاحظات التالية :-
سرعة العداد الخاص بالكيلومترات 200 كم/س
الفيديو مدته 1.01 دقيقة
عند بداية عرض الفيديو كان عدد الكيلومترات المقطوعة بالسيارة 554
بعد 48 ثانية بالظبط تحرك عداد الكيلومترات إلى 555
طوال عرض الفيلم سرعة السيارة 200كم/ساعة
نرجو التفسير
اقتباس:
وده فيديو من اليوتيوب وشوف الاسبرانزا وهى مقفله الامبير
والله اي عربيه زيرو محترمه ما تجيبش فوق ال180 ما تتجبش احسن بقي
ايه يعني مقفله العداد
وبعدين مش معني انها مقفله العداد انها عربيه كفائه
(انا مش ضد الاسبيرانزا و لا حاجه انا بقول رأيي)