congratulations
عرض للطباعة
congratulations
لاء فعلا تستاهل مبروك على انك خلصت منها
ضحية اخرى من ضحايا ابو الفتوح
سيارة صيني بايدي مصرية = فشل ذريع
حتى في البرليانس مشاكل لا حصر لها
ازاي اجيب العربية دي بنفس تمن الافنسيس والفيكترا وال A5 دي ناس مش بتفكر نهائي
انا بتمن ال 516 اركب كرولا عيون برقبتها ولا حتى فيرنا زيرو برضه برقبتها
الله يمسيك بالخير يا شريف يامصري لما جبت بالعربية دي 140 بتاعت وائل عطية وكان شريف المصري جنبي وصرخ وقال
مش عايز اموووووت في عربية صيني
هدي يا كريم احسن نلاقي الكاوتش ماشي جنب العربية مش شايلها وانا ميت على نفسي منالضحك
ويوقلي دي طنابيرها زهر ولا معرفش ايه :D :D :D :D :D :D
فعلا ربنا يباركلك في اليجانزا بس خف رجليك عليها عشان استهلاك بنزينها عالي
ربنا يكون في عونك
وربنا يباركلك في السيارة الجديدة
طب ليه مابتقولوش الله يمسيك يا شريف بالخير ....... مش انا اتنبح صوتى فى الموضوع ده ؟؟؟؟؟؟
و لما جربتها بنفسى مره و اتنين و عشره و برده اقولكم ما تنفعش عربيه و برده ماحدش صدقنى و اتهاجمت كتير
عموما مبروك .....
فعلا كل اللى بيقول عليها كويسة غالبا إستخدامه خفيف جدا..
دا غير المؤامرة اللى اكتشفها أعضاء المنتدى عن الخطة الاسرائيلية لنشر المواد المشعة فى السيارات الصينية للقضاء على النسل..ياااااااااااااه ... دى كانت قصة حلوة فعلا.. فاكرينها؟
معلش حكرر نفس مداخلتى فى الموضوع التانى على منتدى الاسبيرانزاوهوا
"
الحمد لله ربنا كرمك وخلصت منها
بس عاوز اسالك بأمانة
هل العيوب دى اللى حصلت عندك عامة ولا خاصة
ولا لازم يكون فى العربية عيوب تعكنن على صاحبها وان اختلفت من سيارة للتانية؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
وربنا يباركلك فى السيارة والله انا كان نفسى تطلع الاسبيرانزا عربية كويسة ومحترمة لانها سعرها فى متناولب ناس كتير
ولو كانت كويسة كانت هتهز السوق جامد لان ناس اكتر من اللى اشتروها بكتير كانت اشتريتها
بس الحمد لله على كل حال
"
الف مبروك , انت غيرت رأي في العربية دي ,
اصلي كنت فاكرها عربية لكن طلعت ............ :wink:
والله انا اول ما شفت العربيه دي قولت كده
ناس كتير كانت تقولي بيع اللانوس وهتها وقوات لو اللانوس جابت مليون جنيه مش هبيع ومش هكرب العربيه الزباله دي (عفوا طبعا) بس هي كده فعلا
من باب الفضول حبيت أفتح موقع نادي اسبيرانزا و كنت حاسس إن العضو خالد كتب الموضوع هناك و حبيت اعرف رأيهم لاحظت التالي :
1- في أدب جم من استاذ خالد في الرد على بعض الأشخاص إلي ذودوا في الكلام
2- الإدارة هناك ( مع احترامي لخالد أبو النجا) ما بتحذفش الردود المجحفة و المسيئة و تكتفي بغلق الموضوع
3- في تفاوت في العيوب إلي موجودة عند كل عضو بس لاحظت اتفاق على المشكلة 10 بالذات
4- في مشرف يبالغ في الدفاع عن العربية ( مع عدم ذكر ) لكن في قمة دفاعه بيرد بطريقة محترمة يشكر عليها
5- القرد في عين صاحبه (أمه ) غزال ممكن نطبقه على الإسبيرانزا
6- في عضو قال إن 20000 كيلو( إلي عملهم استاذ خالد) يعتبر استهلاك كبيير ده طبعا كلام غريب أنا إلي عرفه إن العربية تفضل نظيفة لغاية 80000 او حتى 100000 و ده لا يبرر ال14 عيب إلي ذكرهم خالد
أنا كما قلت قبل كده العربية على قد فلوسها و إن شاء الله نرى لها تحسن في المستقبل
أنا كان ليا رد و إتحذف :roll:
أسف لو كنت خالفت الشروط
بس مفيش تنويه كده عشان ناخد بالنا ........ ده أنا كنت هكتب الرد ده تانى فكرت عيب من الموقع إنه مسجلش الرد
بس هوا أنا خالفت الشروط فى إيه ..... ممكن حد يقوللى ........ أنا قلت رأيى فى العربية بصراحة :-)