هل سيتم تصنيع سيارة فى مصر و تباع بـ 25 الف !!

**fikri** · 30-08-2009 12:56 AM

المشاركة الأصلية كتبت بواسطة aly_hosny

تعرف ان ال 128 بسعر العربيات ال هاتش باك الصيني "والماروتي" لان في مصاريف كتير اوي اوي مش بتتدفع فيها وبتتدفع في التانية غير فرق التكنولوجيا

ايه علاقة ال128 بالعربيات الخرده اللي بتيجي من الصين ال 128 عربية شغاله من سنين كتييييييييييير اوي و مابتقولش لأ اما العربيات اللي حضرتك بتتكلم عليها دي انا نفسي اشوف واحده بس منهم بعد سنة استخدام واحده ومحافظه علي حالتها . حرام تقارن ال128 بالعربيات دي وبلاش بقي نحقر من نفسنا اوي فيها ايه لما نجرب او نبدأ بحاجه صغيره ولا يعني احنا اول ما هنبدأ هننتج اعلي جودة عربيات فالعالم!!

**konga** · 30-08-2009 02:43 AM

السلام عليكم
كل عام وانتم بخير
ايه المشكله ياجماعه بس
انا عندي واحد صحبي خلص فنون تطبيقيه
عمل مشروع التخرج بتاعه عربيه
الصراحه شكلها فوق الممتاز
والله العربيه فخمه جدا جدا
هو صمم البدي بس
الموتور والشاسيه بتوع عربيه بيجو 505 استيراد
والعربيه شغاله ومشي بيها علي الطريق السريع والناس كانت هتنهبل عليها
والموضوع كله كلفه من 30 الي 35 الف جنيه
وللتاكد كمان
الحوار دا اتعرض علي البيت بيتك وكان المحاور محمود سعد
وفي جريده الجمهوريه(اخد صفحه كامله)
فمفيش عجب ولا حاجه
المبلغ البسيط دا ممكن يبقي ابسط لو شركه زي غبور او غيرها اتبنت المشروع دا وطلعت منه كميات فاكيد هتبقي بسعر اقل

وبلاش ناخد المواضيع بتريقه غير لما نتاكد
والله الموفق

**aly_hosny** · 30-08-2009 05:46 AM

المشاركة الأصلية كتبت بواسطة fikri

ايه علاقة ال128 بالعربيات الخرده اللي بتيجي من الصين ال 128 عربية شغاله من سنين كتييييييييييير اوي و مابتقولش لأ اما العربيات اللي حضرتك بتتكلم عليها دي انا نفسي اشوف واحده بس منهم بعد سنة استخدام واحده ومحافظه علي حالتها . حرام تقارن ال128 بالعربيات دي وبلاش بقي نحقر من نفسنا اوي فيها ايه لما نجرب او نبدأ بحاجه صغيره ولا يعني احنا اول ما هنبدأ هننتج اعلي جودة عربيات فالعالم!!

اولا
ليه حضرتك خدت جزء فقط من كلامي ومخدتوش كله
انا مقولتش احنا مش هنعرف ومحقرتش من حاجة
ثانيا
حضرتك مفهمتش قصدي
هو انا قولت ان هي احسن من ال 128 ؟؟؟؟
محصلش لاني مجربتهاش ولا اعرفها ومش بعيد تكون احسن وممكن اوحش الله اعلم
انا وضحت لحضرتك ان العربية اتكلفت اقل من 128 بكتييييييييييييير بس سعرها هنا زي ال128 عشان في مصاريف زيادة وفي طبعا طبعا فرق في التكنولوجيا لان ال 128 تكنولوجيا قديمة جدا جدا جدا وكلنا عارفين كدا

ويا ريت حضرتك تقرا كلامي تاني