الموضوع: محتاج مشورتكم .. مستعمل ولا زيرو ؟

المشاركة الأصلية كتبت بواسطة yahyanaabil

شوفلك شاهين مستعمل ارحم بكتير من 128
وحرام تتعلم فى عربيه زيرو

+1
وكمان فرصة حلوة أنى تتعلم ميكانيكا وكهربا فيها لأن الأمر ميسلمشى من مواقف خايبة للعربية حتى لو كتن زيرو - لكن منأولها تشترى دماغك هتبقى أنت الخسران ومش هتعرف حاجة عن العربيات طول عمرك

128 الأول وبعد لما تتقن السواقة بيع وهات زيرو.

المشاركة الأصلية كتبت بواسطة Hazemabdallah

السلام عليكم ...

أنا أخوكم حازم ... و محتاج أستشيركم فى موضوع شراء أول سيارة فى حياتى , و متأكد أنكم مش حتبخلوا على بالمشورة ... :roll: :roll:

أخوكم زى ما قلنا قبل كده , ملهوش فى العربيات و لا فى السواقة . لو افترضنا ان الناحية المادية مش هى المشكلة ( مجرد فرض , محدش يفهمنى غلط :) :D ) , نصيحتكم ليه تكون ايه :

هل أجيب عربية مستعملة , مثلا 128 ( فى حدود 20 ألف ) , أقضى بيها فترة , أتقن فيها السواقة , و استحمل تعب المستعمل و مشاكله و خلاص ( مع عدم وجود خلفية عن الصيانة أو مشاكل العربيات ) , و بعدين أبقى أبيعها و أفكر فى زيرو . و لا أجيب حاجة زيرو بالتقسيط , و السواقة أحاول أمارسها بأى طريقة لحد ما أستلم العربية ..

طبعا كل اختيار ليه مزاياه و عيوبه , فيا ريت تقولولى رأيكم أيه ؟؟

رايي تجيب مستعمل ومتكنش حاجه غالية لحد ما تتمكن من السواقه وتفهم الدنيا كويس بس لما تجبها ان شاء الله ابقي خالي بالك مننا علي الطريق وربنا يسترها ههههههههه ربنا يوفقك يا جميل

أنا غالبا حالجأ لواحد صاحبى شغال فى موضوع المستعمل ده من مده , و حاعتمد عليه فى الأختيار , لأنى مش عارف ايه الكويس اللى فى السوق ..

لو صاحبك ده انت واثق فيه ( أمانه و خبره) يبقى اللى يقولك عليه خده
انا كنت زيك و ابن خالى هو اللى كان بيظبطنى و ربنا يجازيه خير لو كان لسه بيشتغل فى المستعمل كنت انصحك تروح له بس هو دلوقتى بيشتغل فى قطع الغيار و بس
بس لازم تكون متأكد من انه هو نفسه مش ها يتخدع عشان المستعمل فيه عك كتير و قليل اللى بيعرف العربيات الكوية من أول نظرة

هات الاول مستعمل مثلا بولونيز 128 وممكن تجيب رجاتا وتعد معاك فتره طويله دى عربيه حلوه شيك بتستحمل