شكر خاص للمهندس محمد عبد العال

الحمد لله عملت صيانة العشرين ألف يوم السبت 27 فى مصرية القليوبية و بصراحة ناس ممتازة وأخلاق ثم اثناء صيانة العربية توجهت علشان أسلم و أتعرف على الشخصية المحترمة جدا مصراوى جدا و للأسف ماكنش موجود اليوم ده فأسعدنى الحظ وكان شرف ليا انى اتعرفت على المهندس محمد زميل المهندس طارق فى مكتب الحاسب الآلى شخصية ممتازة ومحترمة جدا جدا كانى كنت أعرفة من زمن هى دى الحقيقة و الله والراجل مأخرش أى مجهود فى المساعدة مع انى ماكنتش عايز أطلع علشان مأسببش أى تعب أو تعطيل عن العمل ولكن أ/ محمد تفضل مشكورا و عمل الواجب و زيادة وأنا اعتبرت نفسى كسبت أخ و صديق جديد فحبيت أوجه له الشكر من خلال منتدانا الجميل
جزاه الله هو والمهندس طارق عنا كل خير..... ;) ;) :lol: :oops:

الشكر ليك يا استاذ حسام ولذوقك ومعلش ما اسعدنيش الحظ اني اقابلك لأني كنت اجازة وكنت موصي المهندس محمد ان الاستاذ اسلام شاهين جاي ولازم يقوم معاه بالواجب بس اتصل بيا يومها وقال ان حضرتك اللي جيت

والحقيقة احنا بنرحب بأي حد من منتدى نايل موتورز ييجي يعمل صيانة عندنا في قليوب وبنفرح به والله ويا ريت اي حد جاي قليوب من المنتدى يمر علينا

وباذن الله نتقابل الجمعة الجاية في الاجتماع علشان نتعرف أكتر