الموضوع: ما هي اطرف المواقف لك مع سيارتك

مره أيام أما كنت لسه مش باعرف أسوق كويس أوي، يعني يادوبك كنت باعرف أمشي العربيه بس ما كنتش لسه متعود على السواقه في الزحمه.

كنت أنا وأصحابي بنشوي في المقطم وطلعنا الدواسات بتاعة العربيه عشان نقعد عليها بدل أما نقعد على الأرض. ولما خلصنا شوي وأكل وكنا خلاص ماشيين رجعنا الدواسات تاني لأماكنها في العربيه. والوقت كات متأخر أوي بالليل والدنيا فاضيه خالص. صديقي قال لي خلاص إنت اللي هاتسوق إنهارده لحد تحت.

طبعاً أنا كنت مبسوط أوي عشان أنا اللي هاسوق، وسقت العربيه فعلاً والموضوع كان عال العال. شويه كده ولاحظت إني سايب رجلي من على البنزين خالص والعربيه برضه صوتها عالي ومندفعه جداً وانا عمال أهديدها بالفرامل. قلت يمكن عشان منزل! بس لما ركزت لقيت إن حتى في الحتت اللي مش نازله برضه العربيه فاتحه على الرابع مع إني مش دايس بنزين خالص! قلت لصاحبي، قال لي: إنت متأكد إنك مش دايس بنزين خالص؟ قلتله أيوه طبعاً. قال لي: تعرف تبطل العربيه وتقف على جنب؟ قلتله حاضر، وفعلاً بطلت العربيه ووقفت على جنب.

تخيلوا طلعت إيه المشكله؟ لما رجعنا الدواسات مكانها دواسة السواق زنقت بدال البنزين وخلته متداس على طول حتى بعد أنا شلت رجلي!

طبعاً اليوم ده كان صباح الكوميديا! وقعدنا نقول: [frame="7 80"]"مابيعرفش يوجفها ....* مابيعرفش يوجفها"[/frame] زي الفيلم بتاع إسماعييل ياسين

المشاركة الأصلية كتبت بواسطة saif3s

ده كان الرد بتاعى فى الموضوع ده (هنا ) ودى كانت اطرف حاجه حصلت معايا

انا كنت بازف واحد معرفه من الشرقيه و زينت العربيه ورد و تل والذى منه :s_thum1[1]::b4_007:
المهم ربنا ستر وانا شايف الناس رايحه جايه عايزه تقطف ورد من الجنينه العامه اللى على العربيه ووقفت حرس عليها لغايه الفرح ما خلص
فى الاخر وانا بوصل العريس و العروسه لبيتهم والمنطقه ريفيه شويه لقيت العيال الصغيره من مدخل البلد هجوم على العربيه وانا بفادى المطبات و العيال , لغايه ما جه و احد سوبر عيل و رمى نفسه على العربيه ونزع بوكيه الورد اللى على الكبوت و الكل اتجرء اللى بقى يشيل التل و الورد اللى على الاكر و حسيت ان العربيه بتغتصب زى فتاه العتبه لدرجه انى خفت على العربيه :b4_611:وبقيت لا بفادى مطبات ولا عيال:i_angr1[1]:

جامد الموقف ده جدا

انا مرة كنت بزف عروسة وموديها اسكندرية وجعت قوى فى الطريق روحت نازل من العربيه ورحت على شنطة العربيه قولت اكل من اكلهم حاجة بس استاذن راحت العروسه قالتلى اتفضل بس من تحت الدرس والعريس علشان صاحبى مقدرشى يتكلم روحت بمد ايدى لقيت ديك رومى روحت واخد الدبوس وقعدت اكل فى وانا سايق ودخلت على كمين وانا باكل والظابط قالى ايه دة بتعمل ايه قولتله انا بزف العرسان دول وباكل اكلهم ينفع والا لا راح الظابط بس للعرسان وقولهم هو خطفكو ولا ايه وبيعمل معاكوا كدة ليه تحب احبسهولكم على الدبوس اللى خدوة روحت قولتله لا استنى علشان الحبسه تستاهل استنى لما اكل الديك كله روحنا كلنا ضحكنا وقلهم مبروك ومشينا

المشاركة الأصلية كتبت بواسطة alisleman

انا مرة كنت بزف عروسة وموديها اسكندرية وجعت قوى فى الطريق روحت نازل من العربيه ورحت على شنطة العربيه قولت اكل من اكلهم حاجة بس استاذن راحت العروسه قالتلى اتفضل بس من تحت الدرس والعريس علشان صاحبى مقدرشى يتكلم روحت بمد ايدى لقيت ديك رومى روحت واخد الدبوس وقعدت اكل فى وانا سايق ودخلت على كمين وانا باكل والظابط قالى ايه دة بتعمل ايه قولتله انا بزف العرسان دول وباكل اكلهم ينفع والا لا راح الظابط بس للعرسان وقولهم هو خطفكو ولا ايه وبيعمل معاكوا كدة ليه تحب احبسهولكم على الدبوس اللى خدوة روحت قولتله لا استنى علشان الحبسه تستاهل استنى لما اكل الديك كله روحنا كلنا ضحكنا وقلهم مبروك ومشينا

هههههههه و الله ضابط دمه خفيف .