رقم العضوية : 36881
تاريخ التسجيل : 31Mar2009
المشاركات : 83
النوع : ذكر
الاقامة : maadi
السيارة: aveo
السيارة[2]: peugeot 307
دراجة بخارية: NA
الحالة :
[glint]
[blink]سبحان الله عدد ماكان ، عدد ما يكون وعدد الحركات والسكون[/blink][/glint]
رقم العضوية : 15742
تاريخ التسجيل : 04Aug2008
المشاركات : 733
النوع : انثى
الاقامة : Nasr City
السيارة: Kia Carens 2011
السيارة[2]: Kia Cerato 2013
دراجة بخارية: NA
الحالة :
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
رقم العضوية : 11181
تاريخ التسجيل : 21May2008
المشاركات : 5,568
النوع : ذكر
الاقامة : NULL value in a database
السيارة: BMW E34 - 518i
السيارة[2]: Toyota Starlet EP80
دراجة بخارية: Toktok Coupe
الحالة :
مواقف جامدة
و فكرتونى بالفولفو كنت بفتحها بمفتاح الشقة
مرة كنت بيها ومخلصين الشغل الساعة 3 الفجر ، والكلاكس بتاعها كان معلق كل ما المس الدركسيون الكلاكس يضرب وكان صوتة فضيحة والشغل كان فى شارع جانبي والجيران خرجو يشتمو والمدير كان راكب معايا نزل اتخانق معاهم وكانت ليلة فل ، اخر ما زهقت نزلت قطعت السلوك من الكلاكس
وموقفين خفاف كدة
بعد ما جبت العربية اللى معايا حاليا بفترة الواحد كان بيتلكك لأى صوت يسمعة وافضل ادور جاي منين ، كنت عند واحد قريبي انا واخويا بيظبط الكاسيت وكدة والعربية فيها راديو الأصلي غير الكاسيت وبعد ما ظبطنا وكلة تمام يدوب دورنا ومشينا وانا سامع صوت حاجة عمالة تزن من ناحية اليمين نقف الصوت يروح نمشي الصوت يرجع لما اتهبلت بجد وروحت راكن عند البيت وفكيت درج التابلوة وعمال ادور إية اللى بيزن
لحد ما اخويا بيلعب فى الراديو لاقاة مفتوح وطلع الصوت كان جاي من السماعة هههه
بجد كنت هطرشأ يعنى طول الطريق نازل فى الدواسة وبدور إية اللى سايب وبيزن والساعة 3 بالليل والواحد مونون من اللف طول النهار
من كام يوم بقى كنت مع واحد صاحبي بنشتريلة شوية حاجات وخرجنا بعربيتة ، العادي لما بخرج مع حد من اصحابي بيتنحي عن عجلة القيادة وانا اللى بسوق ، بعد ما اشترينا وخارجين نركب العربية عمال افتح فى الشنطة انها تفتح مش ممكن المفتاح داخل ومش راضي يلف خالص والراجل اتعكنن يا عينى وقعد يقول لا حول ولا قوة الا بالله ، وبعدين قالي طيب هات المفتاح كدة .. جيت أديهولة لاقيتة مفتاح عربيتي انا ههههه
Mohamed Samir
'
رقم العضوية : 32825
تاريخ التسجيل : 13Feb2009
المشاركات : 3,559
النوع : ذكر
الاقامة : alex
السيارة: Lanos 2016
السيارة[2]: Logan 2010..Elantra 2014
دراجة بخارية: ..............
الحالة :
ههههههههههههههه والله ضحكتونى
مرة كنت مع اتنين صحابى ومش انا اللى سايق واحد منهم المهم العربية
فيات 125 من اللى قلبك يحبها يدوبك مشينا شوية وريحين مشوارنا
وهوب الائى المعلم وقف والعربية بطلت فيه ايه يا ابنى دواسة الدبرياج
مالها دواسة الدبرياج الدواسة اتكسرت يا جماعة اتكسرت ازاى يا عم
انا كنت اول مرة اسمع عن العطل دة المهم عايزين نروح نظبط الدواسة
والعربية كانت واخدة الغيار التانى وعديكم
فضلت انا وصاحبى التانى اللى مش سايق نزق العربية لحد ما توصل
لسرعة التانى وبعد كدة يرمى عشان العربية تدور وكل ما حاجة توقف
العربية تبطل وننزل نزق تانى لحد ما تدور كان شكلنا يفطس من الضحك
واحنا بنجرى ورة العربية بعد لما تدور وننط جواها عشان ماينفعش يقف
او يهدى عشان حتبطل والحمد لله وصلنا للميكانيكى وكل حاجة اتظبطت
بس بعد ما جرينا جرى انتحار والله ولا اكننا فى مارسون
كل سنة وانتم طيبين ورمضان كريم
سبحان الله وبحمده سبحان الله العظيم
رقم العضوية : 11181
تاريخ التسجيل : 21May2008
المشاركات : 5,568
النوع : ذكر
الاقامة : NULL value in a database
السيارة: BMW E34 - 518i
السيارة[2]: Toyota Starlet EP80
دراجة بخارية: Toktok Coupe
الحالة :
رقم العضوية : 40918
تاريخ التسجيل : 23May2009
المشاركات : 4,852
النوع : ذكر
الاقامة : الجيزة
السيارة: بروتون بيرسونا 2010 اوتو
السيارة[2]: لانسر كريستالة 99 اوتوماتيك
دراجة بخارية: لا يوجد ومش بحبها كمان
الحالة :
الله يجازيكم فكرتوني بحبيبتي عربيتي القديمة اتوف عليكي يا عربية زي ما العيال ولادي بيعملوا لما نعدي على شقتنا القديمة اول ما نقرب منها يقولوا شقتنا حبيبتنا القديمة واول ما نيجي ادام الشارع اتفو عليكي يا شقة
المهم كان معايا حبيبتي ال125 البولندي موديل 76 الماسوف على شبابها اللى بعتها ب5 الاف من شهرين وخدوا عندكم المواقف دي:
1- كنا داخلين على الشتا اللى قبل اللى فات قلت اعملها زي العربيات واشغل المساحات وجبت ماتور مساحات جديد واشتغلت تمام وفي اول يوم ممطر قلت شغلها مرديتش تشتغل طنشت وانا ماشي بعدها بشوية الاقي فيه دخان كثيف خارج من التابلوه ركنت ونزلت اشوف جاي منين لقيت لهب خرج من التابلوه ونار من عند الموتور ربنا كرمني بناس بسرعة فتحت غطا الموتور وواحد شد السيلك بتاع البطارية وفضلنا نطفيها بتراب ورملة ومحدش يقولي فين طفاية الحريق دي 125 ازاي يبقي فيها طفاية حريق المهم خلصت الحريقة وكلمت الكهربائي جه ودور العربية بالسلوك زي الحرامية واخدها وصلحها تاني يوم
2- لما كنت انسي المفتاح بتاع العربية في البيت مش بنرفز نفسي هما خبطتين على الباب وافتح يفتح على طول
اما تدوير العربية فسهل مش محتاج مفتاح العربية لانى كن تبفتحها في اوقات كتير بمفتاح الشقة والله
3- اما عن حوادثها فحدث ولا حرج كتير لدرجة انها محتاجة افتح لها منتدي لوحدها
4- من ضمن طرائفها انها فضلت فترة طويلة مترضاش تدور الصبح وانا مش عارف ايه السبب غير اني في مرة شفت الميكانيكي لما مرضيتش تدور قام فك الخرطوم بتاع البنزين وفضل يسحب شوبة منه وتفهم وبعد كدة وصله والعربية دارت
وعليها كل ما اجي ادورها الصبح ومترضاش تدور اعمل زي الميكانيكي
تخيلوا المنظر الصبح الساعة 6 ونص مثلا واحد لابس بدلة كاملة بجرافتة وشنطة ويفتح الكابوت يشد له بقين بنزين ويقفل العربية ويركبها ويمشي وهات يا تعليقات من الكلاب لاصغيرة اللى يبقولوا عليهم طلبة رايحين المدارس
ومرة رئيسي في الشغل واحنا مسافرين في القطر ونسيت اخد ازازة البرفان معايا اليوم ده (كنت باخدها علشان بعد بؤين البنزين ارش منها علشان تغطي على ريحة البنزين)كل شوية يقولي فيه ريحة بنزين فيه ريحة بنزين في الاخر اضطريت اعترف له بالحقيقة قالي يعني حبكت تعمل دماغ البنزين واحنا رايحين الشغل بلاش في ايام الشغل خليها في الاجازات بس
اما العربية الجديدة وهي لانسر 99 اوتو فاظرف موقف انى يوم عيد ميلاد بنتي 5 سنوات اخدتها بالليل علشان تختار التورتة على زوقها واحنا ماشيين اخدت بالي اني نست المحفظة وفيها الرخص قلت مش مهم انا هجيب من جنبي على طول المهم رحت محل الحلويات لقيته قافل ومكتوب للتاجير او البيع
قلت يا واد متزعلش البنت هات لها من توينكي اللى في شارع الهرم وقلت روح البيت هات الرخص وبعد ما لفيت ناحية البيت قلت مش مهم ارجع البيت ومش مهم الرخص مفيش لجان في الطريق فلفيت تانى لشارع الهرم البنت قالت لي بتلف ليه يا بابا كل شوية فقلت لها ممعاييش الرخص نسيتهم في البيت قالت لي خلاص انت تبص ناحيتك وانا ابص ناحيتي واحنا ماسيين ولو لقينا اي ثابط نقول لبعض عثان تخث الثارع القريب عثان مياخدوث العربية (طبعا اللى عندهم ولاد فاهمي ناللوغاريتمات بتاعتها) وكان بها وفعلا فضلنا انا وهي نبص يمين وشمال ونضحك لغاية ما جبنا التورتة ورجعنا البيت وعملت لها عيد الميلاد الى هي عايزاه
رقم العضوية : 21868
تاريخ التسجيل : 12Oct2008
المشاركات : 244
النوع : ذكر
الاقامة : Cairo - Nasr City
السيارة: لايوجد
السيارة[2]: Byd Flyer 2006
الحالة :
هههههههههههه البنوتة دي عثل
ومواقفكو فظييييييييييييييييييييييع ة هههههههههههه
رقم العضوية : 656
تاريخ التسجيل : 14May2007
المشاركات : 2,601
النوع : ذكر
الاقامة : Giza
السيارة: لا يوجد
السيارة[2]: Mitsubishi Lancer 1600
دراجة بخارية: لا يوجد
الحالة :
ههههههههههههههه
والله مواقف تفطس من الضحك
طب خدوا عندكم الموقف دة ....
كنت مره بوصل أخويا بعربيته لمحطة السوبر جيت في ميدان عبد المنعم رياض عشان كان مسافر شرم الشيخ شغله هناك (ظابط شرطة) ، والكلام دة كان الساعه 3 الصبح
المهم هو كانت رخصة عربيته منتهية بقالها زمن وطبعا مش فاضي يجددها عشان ظروف شغله وكمان مش في دماغه قوي وهيعرف يتصرف في اي كمين وكدة
المهم طبعا الساعه 3 الصبح معظم الشوارع بتبقى مترشقه كماين ، فأنا في عقل بالي قولت بعد ما اوصله المحطة وانا راجع ممكن اتقفش عشان رخصة العربية منتهيه فقولت انا هبص طول الطريق على الإتجاه الراجع عشان لو فيه كماين ابقى ارجع من حته تانية
بس لقيت الطريق الراجع كله تمام ومفيش كماين فقولت خلاص هبقى ارجع منه ، نسيت اقول ان الطريق الرايح كان فيه كمين قدام الأوبرا قبل كوبري قصر النيل وعدينا عليه وطبعا كان معايا اخويا وكنت مطمن ... ومحدش وقفنا اصلا
المهم وصلته لمحطة السوبرجيت ورجعت ... المهم وأنا راجع لقيته بيكلمني على الموبيل وبيقولي معلش تعالى بسرعه اصل نسيت حاجات في العربية وباقي حوالي 5 دقايق والأوتوبيس يطلع قولتله طيب ، ولفيت رجعتله وطبعا وأنا رايحله هعدي على الكمين تاني فقولت يالا ربنا يستر بقى ....
وهوب لقيت الأمين بيشاورلي عشان اقف فضلت متنح لحد ما وصلتله وقالي الرخص لو سمحت !!!!!
قولت أطلعله رخصة القيادة بتاعتي الأول وبطريق الغلط رحت مناوله رخصة عربيتي انا مش عربيه اخويا راح باصص فيها وبعدين رجع بص ليه تاني روحت مناوله رخصة القيادة بتاعتي بص فيها وناولني الرخصتين وقالي إتفضل مبقتش مصدق ومشيت على طول وقولت دي تدابير ربنا ... الحمد لله
الوطــنـيـة قبل الســياســة ... والمبــــادئ قبـل المصــالـح
رقم العضوية : 30921
تاريخ التسجيل : 23Jan2009
المشاركات : 4,877
النوع : ذكر
الاقامة : KSA
السيارة: kia rio 2001
السيارة[2]: Lincoln Town Car 2001 4.6
دراجة بخارية: لايوجد
الحالة :
طبعا متابع الموضوع وانا فطسان على نفسي من الضحك
المفضلات