الموضوع: ما هي اطرف المواقف لك مع سيارتك

كان معاى كيا برايد هاتشباك وماشى ورايا واحد صاحبى بعربيته , بعد ما خدت يوتيرن ببص ورايا لقيته وقف وميكروباص دخل فيه من الجنب
ركنت عربيتى بسرعه وسيبتها دايره والقزاز كله مقفول لان الجو كان برد جدا ونزلت اشوف ايه اللى حصل لقيناها شويه خدوش وصاحبى قال للراجل خلاص امشى ومحصلش حاجه , راجع لعربيتى لقيتها من جوا كلها لونها ابيض اثر سحابه دخان بكميه غير طبيعيه ولا كانك فتحت انبوب اطفاء 3 كيلو جوا العربيه

جريت بسرعه فتحت الباب لقيت ريحه الشياط رهيبه رحت مبطل العربيه وفاتح الكبوت فصلت البطاريه ووقفت استنى الدخان يهدى اشوف ايه اللى حصل , الدخان فضل يطلع لمده ربع ساعه من فتحات التكييف والباكتات البلاستيك اللى فيها حزام الامان بشكل كثيف جدا ولا كانه مشهد رعب فى فيلم فعرفت على طول ان مشكله ما حصلت فى ضفيره الكهرباء او السلوك اللى فى الكابينه , الساعه ساعتها كانت 3 بليل و كنت فى التحرير يعنى لا مجال انى اركن العربيه للصبح قولت اجرب ادور واشوف ايه الوضع

دورت العربيه لقيت كله تمام مفيش تانى لا دخان ولا شياط الا ان فى حاجه غريبه بتحصل , العربيه مفيهاش تكييف بس لما افتح الباب فى مروحه تشتغل وتدخل هوا جوا ولما اقفل الباب المروحه تبطل مع ان اساسا اول مره اعرف ان فى مروحه وملهاش اى زرار تحكم فى العربيه , فضلت على الحال ده الباب مفتوح المروحه شغاله والباب مقفول المروحه تسكت لغايه ما تانى يوم رحت للكهربائى واتضح ان السبب ماس فى فانوس الصالون حرق كل السلك حتى الضفيره ولسبب ما السلوك ساحت ومروحه التكييف لمست مع نور الصالون , افتح الباب النور يوصله الكهرباء يشغل المروحه ولما اقفل الباب يطفى النور وتسكت المروحه

مرة في الشتا كنت في دمياط وكان في 3 ايام فيهم شتا فظيع لو فكرينهم وفيوم منهم الدنيا مطرت هناك بشكل فظيييييييييييع لدرجة اني كنت خايف لتخرم السقف :d المهم ركن على جنب لغاية مهديت وجيت ادور مافيش ادور مفيش وكان معايا اخواتي ابنات اترعبوا وانا كنت ساعتها مبرعفغش ارميلها المهم قعدت اقول انا مسامح كل الناس ههههه يارب سمحتهم بس تدور قول مقولت كدة دارت هههههههههههههههههههههه

المشاركة الأصلية كتبت بواسطة ghost2

انا كنت نازل بالعربية وماشي من غير رخصة ولا بطاقه ولا محفظة اساسا ولا رخصة العربية فيها

انا حصلي نفس الموقف بس الكمين وقف العربية اللي قدامي و طول معاها
قمت قعدت أضرب كلاكسات بصلي و قاللي عايز إيه ؟ قلتله مش معقول يعني حضرتك كل ده انا عندي إمتحان !!!
قام معديني و بصلي شذراَ كدة .. وصلت الجامعة و جيت أشتري إزازة مياه من الكشك اللي عالباب .

ألاقيلك إيه ؟؟؟ مفيش محفظة .. قلت يا نهار أسود و دخلت عملت كدة في الكمين !؟ ده لو كان يعرف اللي فيها كان نفخني .. و يوميها إستنيت لحد الساعة 5 عشان أروح في الزحمة و ميبقاش فيه كماين .

المشاركة الأصلية كتبت بواسطة motorizer

انا حصلي نفس الموقف بس الكمين وقف العربية اللي قدامي و طول معاها
قمت قعدت أضرب كلاكسات بصلي و قاللي عايز إيه ؟ قلتله مش معقول يعني حضرتك كل ده انا عندي إمتحان !!!
قام معديني و بصلي شذراَ كدة .. وصلت الجامعة و جيت أشتري إزازة مياه من الكشك اللي عالباب .

ألاقيلك إيه ؟؟؟ مفيش محفظة .. قلت يا نهار أسود و دخلت عملت كدة في الكمين !؟ ده لو كان يعرف اللي فيها كان نفخني .. و يوميها إستنيت لحد الساعة 5 عشان أروح في الزحمة و ميبقاش فيه كماين .

جامد قوى الموقف ده ههههههههههههههههههههههههه ههه