اشتريت لانوس 2 امبارح

اشتريت لانوس 2 امبارح
موديل 2003 كاملة مانيوال
دواخل فابريقة
بس رشة الجنبين والكبوت نظافة زى ما بيتقال
علشان الخدوش والتجريحات ولعب العيال
المهم ...... العربية جربتها ..... محترمة وزى الفل ....بس
طبعا العربية علشان used عايزه شوية تظبيطات اكيد
يعنى انا مش عارف ايه الحل لانها بتحك ف المطبات العالية والمتوسطة
وحسيت بسخونة العربية شوية لما حطيت ايدى ع الكبوت لما نزلت من مشوارى وكنت مشغل التكييف
وصوت الموتور يعنى عالى شوية
الحاجات دى عادى ولا ايه ياشباب ؟
وليها حل ؟
ولو نويت اظبطها
اروح لمين ( على راى الست )
ميكانيكى منطقتنا
ولا ينفع اروح التوكيل
ارجو الافادة
ولكم وافر الاحترام

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

مشرف القسم 2

اولا ربنا يباركلك فيها ويكفيك شرها
بلنسبة لموضوع المطبات دية بيتهيئلي دة الطبيعي في مطبات البلد دية وسخونة الكبوت طبيعية جدا وبلنسبة للصيانة اسئل على ميكانيكي كويس مش لازم التوكيل اطلاقا لانة غالي
اهم حاجة غير مجموعه السيور والفلاتر اضمن ويا ريت تقول سعرها كام عشان نعرف السوق عامل اية

مبروك علي العربية و ربنا يديلك خيرها و يمنع عنك شرها بس استفسار هو حضرتك بعت اللانوس اللي في الرابط ده http://www.nilemotors.net/Nile/90119-2.htعلشان تجيب برده لانوس عموما ربنا يبارك في الاتنين بالنسبة للميكانيكي انا في ميكانيكي ممكتاز و شغال في التوكيل اتعرفت عليه من خلال الاخوة هنا في القسم هو في فيصل لو قريب ليك نكتبلك العنوان

الف مبروك لحضرتك وربنا يديك خيرها ويبعد شرها عنك

مبارك عليك ان شاء الله

الف مبروك ممكن تقول السعر كام لاني عايز اشتري لانوس باذن الله

مبروك عليك العربية

اول حاجة تعملها تغير طقم الكاتينة و لو العداد معدى 80 الف يفضل تغير طلمبة مية كمان

الاحتكاك و كدة ممكن يكون السوست عندك اما تعبت او المطبات هى اللى عالية اوى بزيادة

سخونة الموتور تحكم عليها من عداد الحرارة مسش الكابوت... طالما المؤشر تحت النص بحاجة بسيطة يبقى الحرارة طبيعية

قوللنا الاول انت ساكن فين عشان ندلك على ميكانيكى قريب منك

MMamdouh

الف مبروك عليك ربنا يباركلك فيها

اقتباس:

---

المشاركة الأصلية كتبت بواسطة MMamdouh

مبروك عليك العربية

اول حاجة تعملها تغير طقم الكاتينة و لو العداد معدى 80 الف يفضل تغير طلمبة مية كمان

الاحتكاك و كدة ممكن يكون السوست عندك اما تعبت او المطبات هى اللى عالية اوى بزيادة

سخونة الموتور تحكم عليها من عداد الحرارة مسش الكابوت... طالما المؤشر تحت النص بحاجة بسيطة يبقى الحرارة طبيعية

قوللنا الاول انت ساكن فين عشان ندلك على ميكانيكى قريب منك

MMamdouh

---

حدائق حلوان

الف مبروك ربنا يباركلك فيها

لا كدة جوز الميكانيكية اللى اعرفهم بعيد عنك... اصل واحد فى طريق السويس وواحد فى شارع العشرينى بفيصل

MMamdouh

الف مبروك متنساش مراجعة على كل السيور :36_1_37[1]:

الف مليون مبروك ياباشا

ربنا يعطيك خيرها ويكفيك شرها

ربنا يبارك لك فيها يا باشا ويكفيك شرها ، ما تنساش حق إخواننا الفقراء والمحتاجين وسيبك من الحلاوة والحرامية ، طبعاً كما أري جميع الناس يفعلونو ليس عن تجربة شخصية إنت لابد لك من زيارة ميكانيكي محترم حتي ولو بعيد شوية إتصل بيه بالتليفون وروح رابط عنده نصف يوم وخذ معاك جرايدك وخليه يشوف السيور ، وكذلك إسئل إلي باعهالك لو عنده ضمير يقول لك علي موضوع الفلاتر والزيوت يبقي وفر عليك شوية ميات إنت أولي بيهم ، وطبعا بص علي الكاوتش وحالته والإستين .
تحياتي

اقتباس:

---

المشاركة الأصلية كتبت بواسطة mmamdouh

لا كدة جوز الميكانيكية اللى اعرفهم بعيد عنك... اصل واحد فى طريق السويس وواحد فى شارع العشرينى بفيصل

mmamdouh

---

فين اللي في طريق السويس ده يا ممدوح باشا
وهل هو كويس زي محمد عبده والاهم يكون ثقة وامين؟

مبروك

هو كويس بس اخر عضو كلمة فى التليفون قال انة كلمة باسلوب مش لطيف

MMamdouh