اريد شراء جين 2 و لكن خايف

السلام عليكم يا شباب و شكرا علي مجهودكم الرائع في المنتدي انا عايز اشتري جين 2 و بقالي حوالي شهر بلم معلومات عنها فانا وصلت انها احسن عربية في فئتها السعرية بس فيه سوال محيرني بخصوص العفشة انا سمعت ان العفشة اللي بتيجي معاها ضعيفة و بيرجع عز العرب يغيرها بمساعدين خدمة شاقة هل الكلام ده صحيح ارجو التوضيح و ياريت لو حد معاه العربية يقولي اخبار عفشتها ايه علشان انا ساكن في منطقة شوارعها مكسرة اوي يعني بمشي حوالي 2 كيلو يوميا علي طرق مكسرة هل العربية تستحمل الكلام ده و لا لا ؟؟؟
و النبي يا جماعة ردوا عليا بسرعة علشان الموضوع ده قالقني جدا

العربية ممتازة وعفشتها محترمة جدا

كنت بستخدمها يوميا على محور 26 يوليو - وما أدراك ما هو المحور - والحمد لله زي الفل

وحتى لو حصل أي مشكلة فيها لأي سبب وهي لسه في الضمان التوكيل بيغيرها مباشرة

عربيه ممتازه و اي عربيه لو عاملتها باهمال مش حتتحمل ال 2 كيلو

الموضوع ده كان فى الواجا مش الجين 2 و المساعدين باظت لسوء إستخدام شديد و مع ذلك التوكيل غيرها بدون أى مشاكل و بالنوع بتاع الخدمة الشاقة كمان و مجانا. ;)

توكل على الله العربية ممتازة

بصراحة عربية مش حلوة وحاسس انها لعبة لو هتجيب بروتون هات واجا عربية محترمة جدا بس ابعد عن الجين تو

الإتنين معايا و الجين 2 حلوة جدا و مش لعبة و ياريت اللى يتكلم يكون عن تجربة مش سمع. :lol:

اقتباس:

---

الجين 2 حلوة جدا و مش لعبة و ياريت اللى يتكلم يكون عن تجربة مش سمع.

---

+1

ويا ريت حضرتك توضحلنا هي لعبة من أي ناحية يعني؟

أنا مش بدافع عن العربية بس يهمني أسمع رأي حضرتك لأنه ممكن يوضح نقطة لصاحب السؤال تكون خافية علينا وأهو كلنا بنستفيد.

العربية دي تحت ايدي علي طول يمكن بسوقها اكتر من عربيتي :mrgreen: و العربية ما شاء الله تحفه هي بس الفنش من جوة في شوية حاجات بسيطة مش قد كدة بس ده مايقللش منها خالص توكل علي الله و اشتريها وماتقلقش خالص

بصراحة انا مش عارف اشكركم قد ايه علي ردودكم بس انتوا اكيد عارفين الحيرة اللي بيبقي الواحد فيها وبشكر كل اللي ردوا علي الموضوع بصراحة انا مش عارف اعمل اقتباس للنص بس بالنسبة للاخ mohaismail انا حاسس ان الجين مصممة للتادية الرياضية يعني حاسس ان العفشة و المقصات و الحاجات دي قوية و متهايئلي ان الواجا بتبقي مصممة للعائلات يعني للمشي المحترم و ممكن الاخ abo3bdolrahman يوضح الموضوع ده بما انه عنده العربيتين هو انا مش ناوي اخمس بيها بس يعني بقول لو عربية اساسيتها قوية هتستحمل المطبات و شوارع مصر اكتر من غيرها و لو حد عنده راي اخر ممكن يوضحهولي ا
و بشكر تاني كل اللي رد عليا و ربنا يكرمكم جميعا