السلام عليكم انا ناوى اشترى هوندا اكورد 82 وسعرها 20000 كاملة اتوماتيك رايكوا فيها اية وسعرها حلو؟واخبار قطع غيارها اية وصيانتها واى معلومات عنها ارجوكم ولكم جزيل الشكر
عرض للطباعة
السلام عليكم انا ناوى اشترى هوندا اكورد 82 وسعرها 20000 كاملة اتوماتيك رايكوا فيها اية وسعرها حلو؟واخبار قطع غيارها اية وصيانتها واى معلومات عنها ارجوكم ولكم جزيل الشكر
أعتقد زميلنا ADS معاه نفس العربية
ممكن تبعتله على الخاص و هو يفيدك إن شاء الله
بس رأيي الشخصي : العريية بقالها 27 سنة شغالة يعنى حتوجع دماغك عند الميكانيكية و بتوع قطع الغيار
شكرا لاهتمامك بس امكانيتها وسعرها حلو مش احسن من فيات او لادا
لا شكر على واجب
طبعا عندك حق الإمكانيات أحسن في الهوندا بالمقارنة بالفيات و اللادا
بس قطع الغيار مش حتكون في صالح الهوندا تماما لا في التوافر و لا في الأسعار
برضه أنصح حضرتك بأخذ راي الزميل ADS
إن شاء الله يقولك المفيد في العربية
وربنا يوفقك
انا بعتلة على الخاص بس لسة مردش.وانا شايف حضرتك من بورسعيد بلد الهوندا يعنى اكيد قطع غيارها الاقيها هناك وانا حاليا موجود فى دمياط واظن الاسعار مش هبقى زى موديلات تسعينات او احدث هتبقى ارخص ولا راى حضرتك اية؟
إن شاء الله حيرد عليك
أنا على علم بأن حاجة العربية قليلة نظرا لأن موديلها قديم يعنى ممكن حتتعب شوية في التدوير..ونظرا لإنها قليلة فأكيد اسعارها حتكون مرتفعة نسبيا...
وبعدين انا عندي فكرة لحضرتك...
بما إنك من دمياط ممكن تخطف ساعتين الصبح و تنزل بنك الإسكان في بورسعيد تسأل على حاجة العربية دي و تشوف بنفسك هل متوفرة بدرجة كافية و لا لأ و شوف برضه الأسعار ..علشان تكون على نور ..قبل ما تشتري و تدبس
اية يا هونداوية مفيش حد يعبرنا ولا معلومة غير الراجل الطيب دة ؟؟انتوا فييييييييييييين
انا في واحد صحبي معاه نفس الموديل وبيشتكي من قلة قطع الغيار واسعارها غالية شوية
الله غالب يا صديقي
العربية محترمة جدا وشديدة وواسعة وسحبها أستاذ لو سليمة
ولكن
الموديل قديم شوية فأكيد أعطاله حتكون كتير فبالتالي مشكلتين
١- قطع غيار: غالية وغير متوفرة بكثرة مما يعني فلوس زيادة ولف وتدوير وشحططة
٢- صنايعي: قليلين ومش أي حد بيرضى يشتغل فيها عشان يريحوا دماغهم ولو موجود بيبقى غالي وعامل فيها أستاذ دكتور
الأتوماتيك مشكلة في الموديلات القديمة عشان قلة توفره وصيانته وعشان احتماليات تسريب الكهرباء من البطارية واردة جدا وبالتالي أحيانا كتير بتحتاج تزق العربية وترميلها وده مينفعش في الأتوماتيك
أنا شايف إنك كاتب إنك من اسكندرية يعني لو حتستقر بالعربية في إسكندرية فده معناه عذاب وأي عذاب عشان قطع الغيار والصنايعية اللي بيفهموا فيها وبتوع الأتوماتيك أصلا قليلين في إسكندرية
كانت لي تجربة مع سيفيك ٨٤ قبل كده نقدر نسميها بتجربة لذيذة تحمل العديد من العذابات وكنت أتمنى أن تكون حالة عربيتي أفضل وكنت حستمر بيها لكن النصيب
بالمبلغ اللي حضرتك كاتبه ممكن تشتري ريجاتا كويسة وكده تبقى حققت معادلة
بالتوفيق
شكرا على ردك يا بحرى بس اللى حلو فى العربية امكانيتها انما ريجاتا مش هتبقى كدة دى تكيف وباور وفتحة سقف كهربا وجنوط كل دة على سعرها يجنن