كتر تشغيل التكييف في الصيف ما بيأثرش على أداء والعمر الافتراضي للموتور على المدى البعيد ؟
عرض للطباعة
كتر تشغيل التكييف في الصيف ما بيأثرش على أداء والعمر الافتراضي للموتور على المدى البعيد ؟
السلام عليكم
اولا انا مش متخصص
ثانيا اظن ان الكمبيوتر بينظم حركة موتور السيارة مع موتور التكييف اتوماتيك
ثالثا السيارة والتكييف للمتعة والقيادة المحترمة واظن ان فرق السعر فى السيارة للتكييف
فمتعقدش نفسك واستمتع بالقيادة والتكييف
ده رد أنا كتبتهولك فى موضوع المراوح بنفس الخصوص
شوف الأقتباس ده
اقتباس:
التكييف بيعتبر حمل أضافى على المكنه
لأن الكمبروسور بياخد جزء من قدرة المكنه
ومعمول حسابه فى عملية التحكم ...ولا توجد مشكله نهائيا
دا غير أنه معروف هندسيا
لما يكون عندك آله معينه ( زى مكنة العربيه ) وبطلع قدره (ميكانيكيه فى حالتنا دى )
وعلى طول مفوقها ....بأخد أحمال منها
ماهى عماله تنتج .....يعنى فيه خرج طالع منها
وكل ماناخد منها .....كل ماكان أفضل لها
من جميع الجوانب الفنيه
بلاش كده ....وحقولك على حاجه بسيطه
أيهما أفضل تشغيل المحرك كتير على السلانسيه ولا الواحد يخلص على طول ويمشى بالعربيه ...بمجرد وصول حرارة المكنه الى الوضع الطبيعى
علشان لما تتحرك بالعربيه ....ومتسيبهاش على السلانسيه كتير ( يعنى بتاخد منها حمل )
ده بيفوق المكنه .....وميخليهاش تليس
وبرضه ليه بنقول
لازم على طول الواحد يعمل مشوار محترم كل فتره على طريق سريع
نفس الوضع ....لتفويق المكنه
علشان كده من وجهة نظرى ....أن التكييف تشغيله
يفيد ................ولا يضر المكنه بشكل عام
__________________
شكرا يا باشمهندس سمير على الرد
انا فاكر انى جاوبت على السؤال دة قبل كدة
تشغيل التكييف بيحط حمل على المكنة بس مش لدرجة انة ياثر على عمر الموتور
MMamdouh
يابشمهندس سمير معنى كلام حضرتك انه مفيش مشكله من وضع تكييف فى عربيه قدرتها 800 سى سى على المدى البعيد او ان الموضوع دا موش هيعجل بنهايه العمر الافتراضى للمحرك؟
طالما قدرة المحرك ( بغض النظر عن السى سى )
قادره تشيل حمل كمبروسور التكييف
والقيام بمهمة السحب والتسارع لجسم العربيه المطلوبه من المحرك
يبقى مفيش أى مشكله
بس طبعا هذا لايمنع أن قدام مع الزمن
المكنه مش حتقدر تشيل الأثنين
وبالذات لما تكون داخل على طقم شنبر مثلا
وده بيحصل مع أى عربيه السى سى بتاعها أكبر من عندك
لأن تآكل الشنبر ده عمر أفتراضى
طب معلش يا باشمهندس سمير انا عارف اني تقلت على حضرتك .. كنت عايز اعرف لما اكون ماشي على سرعة كبيرة مثلا فوق 100 كم ممكن اشغل التكييف مرة واحدة على سرعة عالية ( الدرجة الثالثة مثلا ) ولا ابدأ بدرجة قليلة وبعدين ازود درجات التكييف بالتدريج ؟
لا مفيش تتقيل ولا حاجه
وأنت عارف ....أنى بأحب أتكلم معاك فى أى حاجه
نتفاهم فيها سويا ( مع الزملاء طبعا )
يفضل لما تبدأ تشغل التكييف وأنت مسافر
أنك تبدأ بتشغيله مع بداية تحركك بالسياره ( والسرعه لسه بسيطه ) يعنى وأنت على الأول أو التانى بكتيره
وزود درجة التبريد وسرعة المروحه ( حسب راحتك )
حفاظا على الكلاتش وبلية الكمبروسور
لعدم تعرضهم لأحمال فجائيه ....تأثر عليهم وعلى السير على المدى البعيد
شكرا يا باشمهندس على الأجابة