لمبة التشيك بتنور عند 100 كيلو

**samirayad** · 30-08-2009 02:17 AM

بس ريحة البنزين زادت اوى لما بتدخل العربية الصبح فى ريحة جوة العربية من قبل مدور ودى بتبان قوى لما بكون مفول او اقل شوية

راجع على جميع خراطيم دايرة البنزين
وأحتمال تكون رشاشاتك سليمه برضه وتسريب البنزين ده اللى عاملك مشكله الدواره على ما الخطوط تتملى بنزين مع ضغط طلمبة البنزين
ولو عاوز تطمن على الرشاشات
أكشف على البوجيهات وشوف لونها
وراجع على دايرة الأشعال برضه عند أى ميكانيكى

**akramlail** · 30-08-2009 06:16 AM

لما المكانيكى كشف جاب ورقة بيضة عند الشكمان وزود بنزين طلع نقط رزاز فى الورقة قاللى دة بنزين نى متحرقش والرشاشات هى السبب الكلام دة سليم يا بشمهندس ولا اية

**badblood** · 30-08-2009 06:28 AM

حصلت معايا وكشفت طلع حساس الاكسجين وغيرته بقت تمام الحمد لله

**samirayad** · 30-08-2009 08:59 AM

المشاركة الأصلية كتبت بواسطة akramlail

لما المكانيكى كشف جاب ورقة بيضة عند الشكمان وزود بنزين طلع نقط رزاز فى الورقة قاللى دة بنزين نى متحرقش والرشاشات هى السبب الكلام دة سليم يا بشمهندس ولا اية

هو خروج رزاز من الشكمان .....مش شرط يبقى بنزين نى مع تزويد السرعه
ولكن لو الميكانيكى شم الورقه ولقى ريحة بنزين
يبقى ده بنزين نى فعلا .....وممكن سببه دورة الأشعال ( ضعف بوبينا - بوجيهات تعبانه _ كابلات بوجيهات )
فالصح .....أنك تعمل أسكانر لأن ممكن ده يكون عيب رشاشات أو حاجه فى دايرة الأشعال أو

حصلت معايا وكشفت طلع حساس الاكسجين وغيرته بقت تمام الحمد لله

**wildwest100** · 30-08-2009 11:32 AM

غالبا هيبقا حساس الاوكسجين
كان عندى نفس العيب

**akramlail** · 30-08-2009 10:36 PM

اصل العيب دة عندى من يوم مشتريت العربية وهية بتطول فى الدوارة مع ريحة بنزين ودلوقتى زاد معاها الرجة اللى فى الاول لازم تزود بنزين وانت بتدور عشان تسلك والتفتفة وبرجلة المكنة وهية سلانسية.لو هوة حساس اكسجين مش المفروض لمبة التشيك تفضل منورة انا فى حالتى بتنور على سرعة 100 وساعات متنورش خالص ؟؟اخر حاجة تكلفة حساس الاكسجين كام ياريت الاخوة يفيدونى وشكرا جزيلا

**akramlail** · 30-08-2009 10:37 PM

اة فى حاجة لما المكانيكى فك رشاش رشاش كان فية واحد بينقط مع نفسة كدة دة عادى؟؟

**samirayad** · 30-08-2009 11:36 PM

لا يبقى أنت محتاج طقم رشاشات فعلا
وسيبك من حساس الأكسجين دلوقتى
على ماتجرب أستهلاك البنزين مع الرشاشات الجديده
وطبعا حتشتريها عن تجربه
طالما حتشترى رشاشات أستعمال

**Mosmafa** · 31-08-2009 08:10 AM

طب يا جماعة انا اللمبة نورت معايا النهاردة وانا ماشي عالصحراوي
لغاية ما وصلت اسكندرية و ركنتها طول الليل
واول ما صحيت ورديت تاني فصلت شغالة معايا لغاية ما عديت الكارتة وانا راجع القاهرة
وفصلت بعد الكارتة مشيت 150 كيلو و نورت تاني
والعربية استهلاك بنزين تمام و جابت 180 مرتاح والزيوت تمام التمام والمية برضه تمام
يعني مفيش حاجة
بس انا شكيت اني لما قولت قبل السفر حطيت منظف الرشاشات اللي هو موبيل
فا يترى ممكن \يأثر على حاجة؟
او السبب حاجة تاني والعربية مفيهاش الهوا