كورولا 2008 تجميع الصين !! (وائل عطية)

**أبو عبدالله** · 29-10-2007 05:07 PM

يا جماعة مبدأ علي قد فلوسك ،،
مبدأ مش كله عيوب
و أكبر شركة بتطبقه هيا تويوتا
و عشان كده انجح شركة في العالم عربياتها نمرة 1 في افريقيا و في امريكا في نفس الوقت
شوفوا اللينك ده

كلام صح يا احمد
وعلشان كده تويوتا مش بتبقى فيها اوبشن كتير زي الصيني
ولكن يا احمد تويوتا بتديلك على اد فلوسك الحاجه اللي تعتمد عليها مش بتديلك كل حاجه ووله حاجه منهم تنفع تشتغل بها

يعني المبدأ مش صحيح عالطول ولكن بيعتمد على طريقة تطبيقه

في فرق ان اقولك خد الموبايل ده بعشره جنيه ولكن مفيهوش كاميره ولكن هيشتغل معاك 10 سنين وانسي البطاريه
وفي فرق ان اقولك خد ده بخمسه جنيه وفيه كاميرا ومكالمات فيديوا وكلام من ده ومع اول خبطه يطب ساكت
مش كده المعادلة اللي احنا قولناه قبل كده من زمان

هتاخد ايه مقابل هتدفع كام
وليست هتاخد كل حاجه مقابل هتدفع قليل
وليست مش هتاخد حاجه مقابل هتدفع كتير

وهتاخد ايه ده معناه ليس الشكل وانما الشغل
يعني هاخد ماتور 1600 سي سي يبقى يديني اداء الــ 1600 وعمره الأفتراضي يبقى كويس وليس سنه وله اتنيه ويجيب وش سلندر

الموضوع ليس يقاس بالشكل وانما يقاس بالفعل

**ezshereef** · 29-10-2007 06:44 PM

العفو يا استاذ وائل و شكرا علي المواضيع الحيويه اللي بتجري الدم في عروق المنتدي
اما بالنسبه للثقه ف دا مش مربوط بجنوب افريقيا و لا بالصين لكن العامل النفسي و الخوف من كلمه made in china
!!!!!!!!

+1

**abo3bdolrahman** · 29-10-2007 07:13 PM

و هاتفرق إيه صينى و لا هندى و لا بلاد الواق الواق بردوا السعر الغالى بكل إستعباط هايستمر زى ما هوا طول ما فيه مغـ ....
هايدفعوا و يشتروا مع إن هدف الشركات العالمية من موضوع التصنيع فى الصين هو رخص العمالة لتقليل تكاليف الإنتاج للنزول بالأسعار للقدرة على الإستمرار فى المنافسة و سلملى على البهوات و الباشوات و ولاد الـ....
خسارة يا مصر مش هاتفوقى غير بعد يوم القيامة. :? :? :? :?

**Nairouz** · 29-10-2007 07:45 PM

الصراحة هأشتريها لو هتبقى تابعه للشركه الأم لأنى حأكون زي اللى شاري من ألمانيا. لأن الشركه الأم حتكون بتخاف على اسمها ومش هتنزل حاجه السوق أي كلامز
اما بالنسبه للشركات الصينى 100% فأنا ما بفكرش اشتري منها لأن زي ما أتقال قبل كده أن التاجر المصري هياخد توكيل الحاجه الأرخص عشان حيعرف يبيعها ومش حيبص للجوده قوي. أما لوكانت الماركه شغاله فى دول أوروبا أو أمريكا ممكن ساعتها أشتريها. لأنهم هناك مش حينزلو حاجه نص كم.

**ahmed1981** · 29-10-2007 08:21 PM

لو الكورولا نزلت صيني ممكن ناس تقول مش هنشتريها وهنشتري أي ياباني تاني
المشكلة لو بصوا حواليهم وقتها بعد كام سنة ولقوا جميع الماركات الياباني مصنعة في الصين ؟؟
هتقول خلاص نجيب ماركات أوروبي
إذا كانت الماركات الأوروبي سبقت الياباني في التصنيع في الصين (أقرب مثال فيات)
يعني هيجي علينا يوم في مصر يمكن كمان من ثلاث إلى خمس سنوات سنجد أن ثلاثة أرباع السيارات المستوردة في السوق المصري مصنعة في الصين سواءاً كانت ماركات عالمية أو ماركات صينية
راجع هذا الإستفتاء : http://www.nilemotors.net/Forum/viewtopic.php?t=8562
وسنجد أيضا بعض السيارات المصنعة في أوروبا واليابان ولكن بأسعار ملتهبة مقارنة بالمصنعة في الصين

ولذلك أظن أنه قريباً سيأتي اليوم الذي سنركب فيه السيارات المصنعة في الصين بل والماركات الصينية الخالصة كما ركبنا من سنين قليلة السيارات المصنعة في كوريا والماركات الكورية الخالصة

**hazem_khidr** · 29-10-2007 08:27 PM

إذا كانت الماركات الأوروبي سبقت الياباني في التصنيع في الصين (أقرب مثال فيات)

فيات بتصنع هناك الموديلات الرخيصه او اللي اتوقف انتاجها انما موديلات زي البرافا الجديده و الجراند بونتو و الكروما بتتصنع في ايطاليا. \
بس لو حصل زي ما انت بتقول كده و كل المصانع فتحت هناك ف دا حيخلي الصينين يتغروا بنفسهم و يزودا اجورهم مش معقول حتفضل رخيصه طبقا لقانون العرض و الطلب

**ahmed1981** · 29-10-2007 08:45 PM

المشاركة الأصلية كتبت بواسطة hazem_khidr

بس لو حصل زي ما انت بتقول كده و كل المصانع فتحت هناك ف دا حيخلي الصينين يتغروا بنفسهم و يزودا اجورهم مش معقول حتفضل رخيصه طبقا لقانون العرض و الطلب

فعلا أجورهم هتزيد بنسبة معينة ولكن ليست النسبة التي تجعلهم يفقدوا ميزتهم في إنخفاض أسعار العمالة عن أوروبا واليابان وأمريكا وأغلب دول العالم
وبالطبع فإن مصانع السيارات تضع دراسات على أسوء الإحتمالات سواءاً في الأجور أو الإستقرار أو الحالة السياسية قبل بناء أي مصنع

المهم أن تفيق بلادنا من غفلتها وتعرف أن فكر تصنيع السيارات دخل في إطار الصناعة لكل فئة من البشر على قدر ما تستطيع دفع ثمنه وفي أرخص مكان يستطيع التصنيع في حدود معينة للجودة
.. ونسأل نفسنا سؤال : ليه التصنيع ميكونش عندنا ونتقنه لنفسنا وللتصدير لمن حولنا ولا ننتظر أن نسأل لما الصين تصنع لنا هنشتري منها ولا هنشتري من موزمبيق ؟؟

**Ahmed Anwer** · 29-10-2007 09:02 PM

المهم أن تفيق بلادنا من غفلتها وتعرف أن فكر تصنيع السيارات دخل في إطار الصناعة لكل فئة من البشر على قدر ما تستطيع دفع ثمنه وفي أرخص مكان يستطيع التصنيع في حدود معينة للجودة
.. ونسأل نفسنا سؤال : ليه التصنيع ميكونش عندنا ونتقنه لنفسنا وللتصدير لمن حولنا ولا ننتظر أن نسأل لما الصين تصنع لنا هنشتري منها ولا هنشتري من موزمبيق ؟؟

عشان الصين مليار من البشر ، سوق مهول و اديكوا شايفنها قريبا هيا حاليا تاني أو تالت أكبر بلد بتصنع سيارات
و عشان الصين فيها خبرات و موارد بشرية أفضل من مصر
و عشان محرك التنمية في الصين ،، أساسا الصينين المهاجريين ، من تايوان و سنغافورة و هونج كونج و أمريكا الشمالية

للأسف الشركات العالمية طفشت من مصر و حتي علي مستوي منطقتنا راحوا تركيا و جنوب افريقيا

حاجة تانية المنتج الصيني مش بس رخيص عشان العمالة ،، لأن في بلاد كتير العمالة أرخص فيها من الصين ، كمان عشان الصين دولة قارة مش زي كوريا واليابان دول جزر معندهموش أي موارد طبيعية لكن الصين عندها موارد طبيعية كتير و جزء كبير من رخص التكلفة جاي من رخص المواد الخام نفسها

**abo3bdolrahman** · 29-10-2007 09:20 PM

أنا مش عارف إحنا حولنا الموضوع للدفاع عن الصين ليه
أنا رأى نفكر فى موضوع التسعير عندنا اللى بنتسك فبه عينى عينك و مبنتكلمش واضح إن الإحساس نعمة زالت عن كل المصريين و
بقى ما فيش مشكلة بالنسبة لنا إننا نتسك يعنى الناس بتصنع فى الصين علشان ترخص السعر و إحنا و لا إحنا هتا حاجة غريبة جدا.
لقد ناديت إذ ناديت حيا و لكن لا حياة لمن تنادى :shock:
:?

**ahmed1981** · 29-10-2007 09:41 PM

المشاركة الأصلية كتبت بواسطة abo3bdolrahman

أنا مش عارف إحنا حولنا الموضوع للدفاع عن الصين ليه
أنا رأى نفكر فى موضوع التسعير عندنا اللى بنتسك فبه عينى عينك و مبنتكلمش واضح إن الإحساس نعمة زالت عن كل المصريين و
بقى ما فيش مشكلة بالنسبة لنا إننا نتسك يعنى الناس بتصنع فى الصين علشان ترخص السعر و إحنا و لا إحنا هتا حاجة غريبة جدا.
لقد ناديت إذ ناديت حيا و لكن لا حياة لمن تنادى :shock:
:?

في ضوء القوانين والدساتير واللوائح التي يتم تفصيلها لحماية الإحتكار والمحتكرين في مصر سيظل الحال كما هو عليه (كلما إنخفضت تكلفة السلعة زاد مكسب المحتكر فقط والمشتري عليه الشراء بما إعتاد على دفعه إن لم يكن أغلى)
وحتى السيارات الصينية عند نزولها مصر لو بقي حال الإحتكار كما هو لن نستفيد الكثير من فرق تكلفة السيارة بل المستفيد هو التاجر المحتكر
أحد الأدلة على الإحتكار في مصر أنك لا تستطيع صيانة أي سيارة زيرو لم تشتريها من الوكيل في المراكز المعتمدة للوكيل

المشاركة الأصلية كتبت بواسطة abo3bdolrahman

لقد ناديت إذ ناديت حيا و لكن لا حياة لمن تنادى :shock:
:?

قصدك : لقد أسمعت إذ ناديت حيا ** و لكن لا حياة لمن تنادى
مغلوبين على أمرهم يا باشا هيعملوا إيه في الإحتكار المطبق في بلدهم
اللي عايز هونداي يبقى غصب عن عينيه يقف في الطابور قدام المحتكر الكبير الأغبر غبور واللي مش عاجبه يغبر من البحر قصدي يشرب من البحر
ولا حول ولا قوة إلا بالله العلي العظيم

الموضوع: كورولا 2008 تجميع الصين !! (وائل عطية)

LinkBack

أدوات الموضوع

عرض

-

-

-

-

-

-

المواضيع المتشابهه

مبروك لوائل عطية كيا بيكانتو 2008

الـ فيا يعلن روزنامة بطولة العالم 2008 ... (وائل عطية)

الدعابـــــــــــــــــــــــــة !! (وائل عطية)

توسط في كل شيء !! (وائل عطية)

10 نكت !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة